Josué 24:15 - Q'eqchi Bible

¹⁵ A'ut wi ink'a' naxk'ul eech'ool k'anjelak chiru li Qaawa', sik'omaq ru anaqwan ani chi aj u teeraj k'anjelak: ma li xyoseb' leexe'toonil yuwa' li ke'xloq'oni chaq chire li nima' Éwfrates, malaj chiru li xyoseb' laj Amor b'arwi' wankex anaqwan. Laa'in ut linjunkab'al took'anjelaq chiru li Qaawa'”, chan laj Josué.

Li Santil hu

¹⁵ Cui la̱ex nequecꞌoxla nak incꞌaꞌ us cꞌanjelac chiru li Ka̱cuaꞌ Dios, sicꞌomak ani te̱cꞌanjela ru. ¿Ma texcꞌanjelak chiruheb li yi̱banbil dios li queꞌxcꞌanjela chak ru le̱ naꞌ e̱yucuaꞌ nak queꞌcuan jun pacꞌal li nimaꞌ Éufrates, malaj ut texcꞌanjelak chiruheb lix dioseb laj amorreo li cuanqueb arin saꞌ li naꞌajej aꞌin? Abanan, la̱in joꞌqueb ajcuiꞌ li cualal incꞌajol tocꞌanjelak chiru li Ka̱cuaꞌ Dios, chan laj Josué.

Josué 24:15 ပူးပေါင်းရင်းမြစ်များ

1 Reyes 18:21

Toja' naq laj Elías kijilok wankeb' wi' li poyanam ut kixye reheb': “Toj jo'q'e texwanq chi wiib' ru leena'leb'? Wi li Qaawa' a'an li tz'aqal Yos, paab'omaq; wi ut laj Bahal, taaqehomaq a'an”. Eb' li poyanam maajun aatin ke'xye.

Deuteronomio 29:18

Miwank sa' eeyanq winq malaj ixq, junkab'al malaj teep, li tixkanab' li Qaawa' leeYos ut tixloq'oni ru li xyoseb' li tenamit a'an. Miwank sa' eeyanq xtoonal li k'ahil pim li wank xmay nakamsink.

Ezequiel 20:39

«Ex aj Israel, li Qaawa' xye chi jo'ka'in: Ayuqex chi xloq'oninkileb' ru leejalanil yos chejunjunqalil; chirix chik a'an ninye li waatin naq tineepaab' ut ink'a' chik teemux linsantil k'ab'a' rik'in leemayej ut leejalanil yos.

Hechos 11:23

Naq kox'elq aran ut kiril li rusilal li Yos, kisaho'k sa' xch'ool ut kixjultika chiruheb' naq junelik che'kanaaq rik'in li Qaawa' chi kaweb' xch'ool,

Éxodo 23:24

Maahupub' aawib' chiru li xyoseb'. Maaloq'oniheb' chi moko taab'aanu jo' neke'xb'aanu eb' a'an; tento b'an naq taasacheb' chi junajwa ut taapuk'iheb' li xninqal eetalil.

Jueces 6:10

Ut kinye eere: Laa'inin li Qaawa' leeYos. Meexiwak chiruheb' li xyoseb' laj Amor, b'arwi' wankex anaqwan. A'ut laa'ex ink'a' xepaab' li waatin»”.

Génesis 18:19

Sik'b'il chaq ru inb'aan re naq tixk'ut li b'eek jo' naraj li Qaawa' chiruheb' li ralal xk'ajol jo'wi' chiruheb' li te'wanq moqon, re naq te'wanq sa' tiikilal ut sa' chaab'ilal. Chi jo'kan tink'e re laj Abrahán li b'arwan xinyeechi'i re”.

Salmos 101:2

Twaj tinb'eeq sa' li b'e jwal chaab'il: jo'q'e tatchalq wik'in, at inYos? Tinwanq chi tuqtuuq inch'ool sa' li wochoch,

Salmos 119:106

Xinye rik'in jurament, ut a'an tinb'aanu: tinpaab', tink'anjela laachaab'il chaq'rab'.

Deuteronomio 13:7

a'eb' li yos li wankeb' sa' xyanqeb' li tenamit li nach' wankeb' jo'wi' li wankeb' chi najt, eb' li neke'sutuk eere sa' xb'een li ruuchich'och',

Éxodo 34:15

“Maak'e aawib' sa' sumwank rik'ineb' li wankeb' sa' li na'ajej a'an: mare anchal, naq te'xmux rib' chi xloq'oninkil li xyoseb' ut chi mayejak chiruheb', tate'xb'oq ut laa'at taatzeka li xmayejeb'.

Génesis 35:2

Toja' naq laj Jakob kixye reheb' li wankeb' sa' rochoch jo' ajwi' reheb' chixjunil li rochb'een: “Isihomaq chixjunileb' li jalanil yos li wank eerik'in. Chech'ajob'resi eerib' ut jalomaq leeraq'.

Josué 24:16

Toja' naq ke'chaq'ok li tenamit ut ke'xye: “Ink'a' taxaq tqakanab' li Qaawa' re k'anjelak chiruheb' li jalanil yos.

Daniel 3:18

Ab'anan wi ink'a' tooxkol, ch'olch'ooq chawu, at awab'ej, naq ink'a' took'anjelaq chiruheb' laayos chi moko tqaloq'oni ru li jalam u xak'e chi yiib'aak”, chankeb'.

Miqueas 4:5

Eb' li tenamit junch'ol neke'xloq'oni ut neke'xpaab' li xyoseb', a'ut laa'o junelik naqapaab' ut naqaloq'oni li Qaawa' li qaYos.

Éxodo 23:2

“Us ta q'axal naab'aleb' li neke'xb'aanu li ink'a' us, ab'an matxik chirixeb'. “Chiru laj raqol aatin maak'e aawib' sa' xyanqeb' li naab'aleb' li te'raj xsachb'al xwankil li yaal,

Levítico 14:42

Toja' naq taak'eemanq jalan chik li pek sa' xna'aj li ak x'isimank, ut ak' seb' sa' xna'aj li ak xjotzmank, re naq te'xyiib' wi' chik li ochoch.

1 Crónicas 1:14

Laj Kanahán a'an li xxe'toonil yuwa'eb' laj Jebús, eb' laj Amor, eb' laj Kirkás,