Josué 23:6 - Q'eqchi Bible

⁶ “Q'axal cheyal eeq'e chi xpaab'ankil ut xk'anjelankil ru chixjunil li tz'iib'anb'il sa' xhuhil li xChaq'rab' laj Moisés. Chepaab'aq chi tz'aqal re ru.

Li Santil hu

⁶ Joꞌcan nak checacuubresi e̱chꞌo̱l ut cheqꞌuehak retal chi us re nak te̱ba̱nu chi tzꞌakal chixjunil li cꞌaꞌru tzꞌi̱banbil saꞌ li chakꞌrab li quiqꞌueheꞌ re laj Moisés. Ut incꞌaꞌ te̱canab xba̱nunquil li naxye saꞌ li chakꞌrab.

Josué 23:6 ပူးပေါင်းရင်းမြစ်များ

Deuteronomio 28:14

wi ink'a' taajach aawib' rik'ineb' li aatin nakatintaqla wi' anaqwan, chi moko sa' aaseeb'al chi moko sa' aatz'e. Matxik chirixeb' li jalanil yos re xk'anjelankil ruheb'.

Deuteronomio 5:32

Chek'e eech'ool chi xb'aanunkil jo' chanru kextaqla wi' li Qaawa' leeYos. Meejal ru li b'e: ink'a' texxik sa' leenim chi moko sa' leetz'e.

Hebreos 12:4

Toj maji' xraqe'k li yalok re xtz'eqtaanankil li maak; toj maji' xeyal eeq'e toj reetal ta xexkamsiik.

Deuteronomio 17:20

Chi jo'kan ink'a' tixnimob'resi xwankil sa' xb'eeneb' li ras riitz'in, ut ink'a' tixjal xb'e chiru li chaq'rab' a'in, chi moko sa' xseeb'al chi moko sa' xtz'e, re naq tixnajtob'resi xchihab'il li x'awab'ejihom, a'an ut eb' li ralal xk'ajol, sa' xyanqeb' laj Israel.

Deuteronomio 12:32

“Chepaab' ut chek'anjela ru li xexintaqla wi' chi maak'a' teetiq ru chi moko teerisi.

Apocalipsis 21:8

A'ut eb' laj xiw, li ink'a' neke'paab'ank, eb' li tz'i'b'eetal xna'leb', eb' laj kamsinel ras riitz'in, eb' laj muxuleb' rib', eb' laj tuul, eb' laj loq'oninel li yal k'oxlanb'il yos ut chixjunileb' laj tik'ti', taawanq xna'ajeb' sa' li palaw yo xxamlel ut k'ajo' xtiqwal: a'an a'in li xkab' kamk”.

1 Corintios 16:13

Chexyo'leq, kaw xaqxooqex sa' li paab'ank, chexk'anjelaq jo' tz'aqal winq, kawaqex.

Jeremías 9:3

yo'oon wankeb' chi yehok tik'ti', ut chanchan xq'esnal li simaj li ru'uj raq'eb'. Li tik'ti' nanumtaak sa' li tenamit a'in ut li yaal maak'a' na'ok wi'. Moko te'xtaw ta chik xna'leb'eb' ut ink'a' neke'xnaw ru li Qaawa'.

Salmos 101:3

ut ink'a' tink'e sa' xnaq' wu li ink'a' us. Xik' nawil eb' li neke'xq'et xchaq'rab' li Yos ut maajoq'e tinjunaji wib' rik'ineb'.

Salmos 119:102

Ink'a' ninkanab' xb'aanunkil laawajom, xb'aan naq ka'ajwi' laa'at nakattzolok we.

1 Reyes 2:3

Chapaab' li xtaqlahom li Qaawa' laaYos. Chapaab' li raatin, li xq'usum, li xtijleb' ut li xchaq'rab' xtz'iib'ahom laj Moisés, re naq us tat-elq sa' chixjunil li taab'aanu yalaq b'ar tatxik.