Josué 23:16 - Q'eqchi Bible

¹⁶ “Wi teeq'et li Sumwank li kixb'aanu li Qaawa' leeYos eerik'in, wi teeloq'oni ruheb' li jalanil yos ut teehupub' eerib' chiruheb', li xjosq'il li Qaawa' taachalq sa' eeb'een ut tex'oso'q sa' junpaat sa' li xchaq'alil ru ch'och' a'in li xk'ehom eere li Qaawa'”.

Li Santil hu

¹⁶ Cui incꞌaꞌ te̱ba̱nu li naxye saꞌ li contrato li quixba̱nu li Dios e̱riqꞌuin, malaj ut cui te̱lokꞌoni li jalanil dios ut texcꞌanjelak chiruheb, ta̱cha̱lk xjoskꞌil li Dios saꞌ e̱be̱n, ut saꞌ junpa̱t tex-isi̱k saꞌ li cha̱bil naꞌajej aꞌin li quixqꞌue e̱re li Dios, chan laj Josué.

Josué 23:16 ပူးပေါင်းရင်းမြစ်များ

2 Reyes 24:20

A'in kik'ulmank xb'aan naq li Qaawa' kijosq'o'k rik'ineb' laj Jerusalén ut eb' laj Judá, toj reetal kirisiheb' sa' xnaq' ru chi junajwa. Chirix chik a'an laj Sedesías kixq'etq'eti rib' chiru li awab'ej re Babilonia.

1 Reyes 14:15

Li Qaawa' tixchiq'leheb' laj Israel, jo' naq nachiq'leek li kaxlan'aj xb'aan li roqha'. Taarisiheb' laj Israel sa' li chaab'il ch'och' a'in li xk'ehom reheb' li xxe'toonil yuwa'eb', ut tixcha'cha'iheb' toj junpak'al li Nima', xb'aan naq ke'xyiib' xyoseb' re xchiq'b'al xjosq'il li Qaawa'.

2 Reyes 17:7

A'in kik'ulmank xb'aan naq eb' laj Israel ke'maakob'k chiru li Qaawa' li xYoseb', li ki'isink chaq reheb' sa' li tenamit Ejiipt ut kixmaq'eb' sa' ruq' laj Parahón, awab'ej re Ejiipt. Ke'xloq'oniheb' li jalanil yos,

Jeremías 32:24

«K'e reetal naq eb' li taqleb'aal yiib'anb'ileb' xb'aaneb' laj Kaldeha yo chi wulak sa' li tenamit; ut xb'aan li raaxiik', li we'ej ut li raxkamk taa'eechaniiq Jerusalén xb'aaneb' li xik' neke'ilok qe. At Qaawa', yo chi k'ulmank anaqwan li kaye chaq junxil, ut yookat chi rilb'al rik'in laawu.

Números 33:56

Toja' naq laa'in tinb'aanu eere jo' kink'oxla xb'aanunkil reheb' a'an”, chan li Qaawa'.

Deuteronomio 6:15

xb'aan naq li Qaawa' laaYos, li wank aawik'in, a'an jun Yos aj sowen. Wi taab'aanu chi jo'kan, taachalq li xjosq'il li Qaawa' laaYos sa' aab'een ut tatxsach chi junajwa.

Deuteronomio 17:3

tixloq'oni ruheb' li jalanil yos ut tixwiq'ib' rib' chiruheb', a' yaal ma chiru li saq'e, li po malaj chiruheb' li chahim, ut chi jo'kan tixq'et rib' chiru linchaq'rab'.

Deuteronomio 28:15

“Ab'anan wi ink'a' taawab'i xyaab' xkux li Qaawa' laaYos ut wi ink'a' taapaab' ut taak'anjela ru chixjunil li xchaq'rab' li yookin chi xyeeb'al aawe anaqwan, te'chalq sa' aab'een chi numtajenaq chixjunileb' li rahilal a'in:

Jueces 2:14

Jo'kan naq li Qaawa' kichalk xjosq'il sa' xb'eeneb' laj Israel. Kixq'axtesiheb' sa' ruq'eb' laj elq' li ke'maq'ok chixjunil li k'aru wank reheb', kixk'ayeb' sa' ruq'eb' li xik' neke'ilok reheb', li wankeb' chi nach', ut ink'a' chik ke'xkuy xkolb'aleb' rib' chiruheb'.

Jueces 2:20

Jo'kan naq kichalk xjosq'il li Qaawa' sa' xb'een li tenamit Israel, ut kixye: “Li tenamit a'in ke'xq'et li sumwank kink'ojob' rik'ineb' li xna' xyuwa'eb'. Ink'a' ke'rab'i xyaab' linkux.

1 Samuel 12:25

Ab'anan wi teeb'aanu li ink'a' us, texkamq laa'ex jo'wi' li na'awab'ejink sa' eeb'een”.

1 Reyes 9:6

Ab'anan wi' laa'ex ut eb' leeralal eek'ajol tineetz'eqtaana ut ink'a' chik teepaab' li waatin ut linchaq'rab' ink'ehom chepaab', wi texxik chi xloq'oninkil ru jalan chik yos ut teewiq'ib' eerib' chiruheb',

1 Reyes 9:7

relik chi yaal naq twisi chixjunileb' laj Israel sa' li ch'och' kink'e reheb', twisi sa' xnaq' wu li ochoch a'in li xinsantob'resi sa' ink'ab'a', ut eb' laj Israel te'kanaaq cho'q se'leb'aal sa' xyanqeb' chixjunileb' li tenamit.

Isaías 24:5

Xmuxe'k ru li ch'och' xb'aaneb' li poyanam, xb'aan naq ink'a' xe'xpaab' li chaq'rab', xe'xq'et b'an raatin li Qaawa' ut xe'xsach xwankil li loq'laj Sumwank.

Jeremías 32:23

A'ut naq eb' a'an ke'ok sa' li na'ajej ut ke'reechani, ink'a' ke'xpaab' laawaatin chi moko ke'xk'e sa' xch'ooleb' li xchaq'rab'inkileb' aab'aan: tik ink'a' ke'xb'aanu li kaye reheb'; jo'kan naq xataqla chaq li rahilal a'in sa' xb'eeneb'.