Josué 23:13 - Q'eqchi Bible

¹³ chenawaq naq li Qaawa' leeYos ink'a' chik traanilasiheb' li tenamit a'in cheru, a'anaqeb' b'an chik ra'al ut ch'imb' b'arwi' text'ane'q. Chanchanaqeb' tz'uum sa' xb'een leetel ut k'ix sa' leeru, toj reetal maajun eere tkanaaq sa' xb'een li xchaq'alil ru ch'och' a'in li xk'ehom eere li Qaawa' leeYos.

Li Santil hu

¹³ chenauhak nak li Ka̱cuaꞌ le̱ Dios incꞌaꞌ chic textenkꞌa chi numta̱c saꞌ xbe̱neb li tenamit nak yo̱kex chi pletic riqꞌuineb. Aꞌaneb ban chic teꞌnumta̱k saꞌ e̱be̱n. Teꞌcꞌanjelak joꞌ raꞌal chokꞌ e̱re, re nak textꞌanekꞌ saꞌ rukꞌeb. Chanchan yo̱keb chixqꞌuebal e̱tzꞌu̱m xban nak teꞌxba̱nu raylal e̱re. Chanchanakeb li qꞌuix li ta̱oc saꞌ xnakꞌ e̱ru. Cui te̱ba̱nu li incꞌaꞌ us, eb aꞌan teꞌnumta̱k saꞌ e̱be̱n ut ma̱ jun e̱re ta̱cana̱k saꞌ li cha̱bil naꞌajej aꞌin li xqꞌue e̱re li Ka̱cuaꞌ le̱ Dios.

Josué 23:13 ပူးပေါင်းရင်းမြစ်များ

Deuteronomio 7:16

Jo'kan utan, chasacheb' ru chixjunileb' li tenamit li tixk'e sa' laawuq' li Qaawa' laaYos; maak'e reetal xtoq'ob'aal ruheb' chi moko chaloq'oni ru li xyoseb', xb'aan naq a'anaq aara'lenkil.

Números 33:55

Ab'anan wi' laa'ex ink'a' teeraanilasiheb' li xpoyanamil li tenamit sa' leewulajik, eb' li te'kanaaq sa' eeyanq texrahob'tesiheb' chi junelik sa' li tenamit wanqex wi': chanchanaqeb' li mul sa' leeru ut chanchanaqeb' li k'ix sa' leexuku'y.

Éxodo 23:33

Maakanab'eb' chi wank sa' laana'aj, re naq ink'a' tate'xk'e chi maakob'k chiwu. Mare anchal tat-aaleeq ut taaloq'oniheb' li xyoseb'”.

San Lucas 21:24

Te'kamsiiq rik'in q'esnal ch'iich', te'k'ame'q chi preexil sa'atqeb' li tenamit, ut Jerusalén taayeq'imanq xb'aaneb' li maawa'eb' aj Judiiy toj reetal taatz'aqloq ru li xq'ehil eb' a'an.

Salmos 69:22

Sa' lintzekemq xe'xk'e li b'an nakamsink, ut naq xchaqik we, a' li k'ahil ha' xe'xyeechi'i chi wuk'.

2 Timoteo 2:26

Chi jo'kan taatuqlaaq ru li xk'a'uxeb' ut te'risi rib' sa' li xra'al laj tza li chapchookeb' wi' chi xb'aanunkil li naraj a'an.

2 Reyes 25:26

Toja' naq chixjunileb' li poyanam, jo' saajeb' ut cheekeb', jo' ajwi' eb' li xjolomileb' laj puub' ke'elk ut koheb' Ejiipt, xb'aan xxiweb' chiruheb' laj Kaldeha.

Deuteronomio 30:18

relik chi yaal ninye aawe anaqwan naq tatkamq ut ink'a' chik najt tatwanq sa' li ch'och' toxaaweechani junpak'al li nima' Jordán.

Deuteronomio 29:28

Li Qaawa' ki'isink chaq reheb' sa' li xna'ajeb' rik'in xnimal xjosq'il ut kixtaqlaheb' sa' jalan chik tenamit, b'arwi' wankeb' anaqwan», cha'qeb'.

Deuteronomio 4:26

ch'olch'o ru naq tex'oso'q sa' junpaat sa' li na'ajej toxeereechani naq teeq'ax li nima' Jordán: li choxa ut li ruuchich'och' te'xch'olob' leemaak. Moko najt ta texwanq aran xb'aan naq texsache'q chi junajwa.

2 Reyes 25:21

Ut a'in kixtaqla xkamsinkileb' aran Riblá, sa' xteepal Jamat. Jo'ka'in naq eb' laj Judá ke'k'ame'k sa' jalanil tenamit, najt rik'in li xtenamiteb'.

1 Reyes 11:4

Sa' chik li xtiixilal, eb' li ixq ke'po'ok xch'ool laj Salomón re xloq'oninkileb' li jalanil yos, ut li xch'ool moko kiwank ta junes cho'q re li Qaawa' li xYos, jo' naq kiwank laj David li xyuwa'.

Éxodo 10:7

Toja' naq eb' laj k'anjel chiru laj Parahón ke'xye re: “Jo' najtil chik toxra'le li winq a'an? Kanab'eb' chi xik li tenamit a'in re naq te'xloq'oni li Qaawa' li xYoseb'. Ma toj maji' xataw ru naq yo chi oso'k li tenamit Ejiipt?”, chankeb'.

Éxodo 34:12

“Maak'e aawib' sa' sumwank rik'ineb' li wankeb' sa' li na'ajej toxat-okaq wi', re naq ink'a' tate'xra'le.

Éxodo 34:16

Jo'kan ajwi', mare anchal taak'e li xrab'ineb' cho'q rixaqileb' laawalal ut, naq te'xmux rib' li ixaqilb'ej chi xloq'oninkil li xyoseb', te'xk'am ajwi' eb' laawalal chi xb'aanunkil maa'usilal chirix li xyoseb'.

Ezequiel 28:24

«Taaraqe'q li rahilal ut li rahob'tesiik cho'q reheb' laj Israel; maajun chik taatz'eqtaananq reheb' sa' xyanqeb' li k'iila tenamit neke'sutuk reheb'. Toja' naq taanawmanq naq laa'in li Qaawa'».

Jueces 2:21

Jo'kan utan ink'a' twaanilasiheb' li poyanam li ink'a' kirisiheb' laj Josué naq toj maji' nakamk”, chan li Qaawa'.

2 Reyes 17:18

K'ajo' naq kijosq'o'k li Qaawa' rik'ineb' laj Israel ut kirisiheb' chi xnaq' ru. Ka'aj chik laj Judá kikanaak rik'in.

2 Reyes 17:20

Toja' naq li Qaawa' kixtz'eq chirix xch'ool eb' li ralal xk'ajoleb' laj Israel, kixk'ut xxutaaneb' ut kixq'axtesiheb' sa' ruq'eb' laj elq', toj reetal kirisiheb' sa' li xna'ajeb'.