Josué 22:8 - Q'eqchi Bible

⁸ Ut kixye reheb': “Anaqwan texsutq'iiq sa' leemuheb'aal chi numtajenaq leeb'ihomal, leeketomq, leeplaat, lee'oor, q'anch'iich' ut ch'iich', ut naab'aleb' leeraq'. Chewotz rik'ineb' leeras eeriitz'in jo'nimal li xereechani sa' xna'ajeb' li xik' neke'ilok eere”, chan.

Li Santil hu

⁸ Ut quixye ajcuiꞌ reheb: —Ayukex saꞌ le̱ muheba̱l ut yalomak xsahil li biomal li xere̱chani riqꞌuineb li xicꞌ nequeꞌiloc ke. Nabaleb li queto̱mk, li plata, li oro, ut li bronce ut nabal li akꞌej re te̱jeqꞌui che̱rix la̱ex, joꞌ ajcuiꞌ chirixeb le̱ rech tenamitil, chan.

Josué 22:8 ပူးပေါင်းရင်းမြစ်များ

Números 31:27

Chirix a'an taajek'i jun yiijach reheb' li ke'yalok, ut li jun yiijach chik a'an rehaqeb' chixjunil li komonil.

Proverbios 3:16

Rik'in li xnim uq' naxyeechi'i aayu'am najt roq, ut rik'in li junchik naxyeechi'i aab'ihomal ut aaloq'al.

1 Samuel 30:24

Maa'ani naru tixk'ul xch'ool li k'aru yookex chi xyeeb'al. Xb'aan naq juntaq'eet te'k'uluq chixjunileb': eb' li xkoheb' chi yalok jo' ajwi' li xe'kanaak chi k'aak'alenk. Junqnaqik naq taajek'imanq”, chan.

Hebreos 11:26

Naxk'oxla naq q'axal chik loq' li b'ihomal nachalk sa' xk'ab'a' li xnimal xrahilal li Kriist chiru chixjunil li xb'ihomal li tenamit Ejiipt, xb'aan naq kaw xch'ool chirix li xq'ajkamunkil.

1 Corintios 15:58

Jo'kan b'i', ex was wiitz'in raarookex inb'aan, kaw xaqxooqex, chexwanq chi ink'a' taach'inanq leech'ool, junelik yooqex chi k'iik sa' xk'anjel li Qaawa'. Chenawaq naq li xyalb'al eeq'e moko maak'a' ta aj e sa' xk'ab'a' li Qaawa'.

Salmos 68:12

Li Qaawa' xyehom li raatin; ut naab'aleb' li ixq xe'yehok resil:

2 Crónicas 17:5

Li Qaawa' kixk'ojob' chi us li xwankilal laj Josafat. Chixjunileb' laj Judá ke'xk'e xmaatan ut k'ajo' naq kib'ihomo'k ut kinimank xloq'al.

1 Samuel 30:16

Ut kixk'am rik'ineb' laj Amalek li wankeb' yalaq b'ar sa' li na'ajej a'an, yookeb' chi wa'ak uk'ak ut chi xajok xb'aan chixjunil li k'a'aq re ru ke'relq'a sa' xna'ajeb' laj Filistea ut eb' laj Judá.

2 Crónicas 32:27

K'ajo' xb'ihomal ut xloq'al laj Esekías. Naab'al li plaat ut li oor kixch'utub'; ke'tamk li xchaq'alil ru pek, li sununkil b'an, li koleb' ch'iich' ut chixjunil li k'a'aq re ru jwal chaab'il.

1 Crónicas 5:9

Ke'wank ajwi' sa' xjayal releb'l saq'e toj sa' xmaril li chaqich'och' li natiklaak wan wi' li nima' Éwfrates, xb'aan naq k'ajo' ke'k'ihank li xketomq sa' li na'ajej Galahad.