Josué 22:6 - Q'eqchi Bible

⁶ Chirix chik a'an laj Josué kirosob'tesiheb' ut kixchaq'rab'iheb', ut eb' a'an koheb' sa' li xmuheb'aaleb'.

Li Santil hu

⁶ Ut chirix aꞌan laj Josué quixtzꞌa̱ma chiru li Dios nak ta̱rosobtesiheb, tojoꞌnak quixtaklaheb saꞌ lix muheba̱leb.

Josué 22:6 ပူးပေါင်းရင်းမြစ်များ

Josué 14:13

Toja' naq laj Josué kirosob'tesi laj Kaleb, ralal laj Jefuné, ut kixk'e Hebrón chi reechani.

San Lucas 24:50

Ut kixk'ameb' toj chi xk'atq Betania; kixtaqsiheb' li ruq' ut kirosob'tesiheb'.

2 Samuel 6:18

Chirix chik a'an kirosob'tesi li tenamit sa' xk'ab'a' li Nimajwal Yos,

Éxodo 39:43

Toja' naq laj Moisés kiril chixjunil li xk'anjeleb' ut kixk'e reetal naq kiyaalo'k chixjunil: ke'xb'aanu chixjunil jo' tz'aqal yeeb'il chaq xb'aan li Qaawa'. Ut laj Moisés kirosob'tesiheb'.

Génesis 47:7

Chirix a'an laj José kiroksi laj Jakob li xyuwa' ut koxk'ut chiru laj Parahón, ut laj Jakob kirosob'tesi laj Parahón:

San Lucas 2:34

Ut laj Simehón kirosob'tesiheb' ut kixye re lix María li na'b'ej: —K'e reetal. Li k'uula'al a'in xaqab'anb'il chaq re naq naab'aleb' aj Israel te't'ane'q malaj te'wakliiq xb'aan. A'anaq jun eetalil li taawanq wi' jachok ib',

2 Crónicas 30:18

Relik chi yaal naq naab'aleb' li tenamit aj Efraín, aj Manasés, aj Isakar ut aj Sabulón ink'a' ch'ajob'resinb'ileb' re te'xwa' li Paswa, jo' tz'iib'anb'il sa' li chaq'rab'. Ab'anan ke'wa'ak, ut laj Esekías kitijok chirixeb' ut kixye: “At Qaawa', q'axal nim laarahom, chakuy taxaq xmaakeb' jo'k'ihaleb' neke'sik'ok aawe chi anchaleb' xch'ool,

2 Samuel 6:20

Laj David ajwi' koho sa' rochoch chi rosob'tesinkil li xjunkab'al, ab'an lix Mikal, xrab'in laj Saúl, ki'elk chaq chi xk'ulb'al ut kixye re: “K'ajo' naq xnujak chi loq'al li awab'ej re Israel sa' li kutan a'in, rik'in xt'usub'ankil rib' chiruheb' li xmoos ixq eb' laj k'anjel chiru, jo' naxb'aanu junaq li maak'a' xxutaan”.

1 Samuel 2:20

Toja' naq laj Elí narosob'tesi laj Elkaná ut li rixaqil, ut naxye: “A' taxaq li Qaawa' tixk'e naab'al aawalal aak'ajol rik'in li ixq a'in. A'anaqeb' reeqaj laj Samuel li xeq'axtesi chi k'anjelak chiru li Qaawa'”. Ut chirix chik a'an neke'sutq'iik sa' rochocheb'.

Génesis 47:10

Laj Jakob kirosob'tesi wi' chik laj Parahón ut ki'elk rik'in.

Génesis 14:19

Kirosob'tesi laj Abrán ut kixye chi jo'ka'in: “Osob'tesinb'ilaq taxaq laj Abrán xb'aan li Nimajwal Yos, aj yoob'tesinel re li choxach'och'.

Josué 24:28

Ut laj Josué kixchaq'rab'iheb' li tenamit ut kixtaqlaheb' sa' li xjunjunq chi ch'och'.

1 Samuel 10:25

Toja' naq laj Samuel kixch'olob' li xchaq'rab' li awab'ejihom chiruheb' li tenamit ut kixtz'iib'a sa' jun li hu li kixk'uula sa' rochoch li Qaawa'. Chirix chik a'an kixchaq'rab'i chixjunileb' li poyanam ut kixtaqlaheb' sa' rochocheb'.

1 Samuel 13:2

Toja' naq kixsik' ruheb' lajeek'aal xwaqxaq o'q'ob' (3,000) chi aj Israel cho'q aj puub': oob' o'q'ob' (2,000) wankeb' chaq rik'in laj Saúl aran Mikmás ut sa' li tzuul Betel, ut lajeek'aal rox o'q'ob' (1,000) wankeb' rik'in laj Jonatán aran Kibehá re Benjamín, ut li rela'eb' li tenamit laj Saúl kixsutq'isiheb' sa' rochocheb'.

2 Samuel 6:19

ut chixjunileb' laj Israel, jo' winq ut ixq, ke'xk'ul chi xjunjunqaleb' xkaxlan waheb' jo'wi' jun k'uluj yiib'anb'il rik'in ru che' ut jun chik yiib'anb'il rik'in chaqi uub'. Moqon chixjunileb' koheb' sa' rochocheb'.

1 Reyes 8:66

Sa' xwaqxaq li kutan laj Salomón kixchaq'rab'iheb' li tenamit, ut eb' a'in ke'rosob'tesi li awab'ej ut ke'sutq'iik sa' rochocheb' chi k'ajo' xsahilaleb' xch'ool xb'aan chixjunil li usilal kixb'aanu li Qaawa' re laj David laj k'anjel chiru ut cho'q re Israel li xtenamit.