Josué 22:33 - Q'eqchi Bible

³³ Eb' laj Israel ke'xk'ul xch'ool chixjunil a'in: ke'xb'anyoxi re li Yos ut ink'a' chik ke'xye naq te'yaloq rik'ineb' laj Rubén ut eb' laj Gad re xsachb'al ru li xtenamiteb'.

Li Santil hu

³³ Eb laj Israel queꞌxcꞌul xchꞌo̱l li cꞌaꞌru queꞌxye chak. Joꞌcan nak eb laj Israel queꞌxlokꞌoni li Dios ut incꞌaꞌ chic queꞌxcꞌoxla xic chi pletic riqꞌuineb li ralal xcꞌajol laj Rubén, ut li ralal xcꞌajol laj Gad chixsachbal ru li naꞌajej li cuanqueb cuiꞌ.

Josué 22:33 ပူးပေါင်းရင်းမြစ်များ

San Lucas 2:28

laj Simehón kixq'alu li k'uula'al, kixnima ru li Yos ut kixye:

Daniel 2:19

Ut chiru ajwi' li q'oqyink a'an li Qaawa' kixk'utb'esi chiru laj Daniel li xyaalalil li matk', ut laj Daniel kiyoxink chiru li xYos li choxa,

1 Crónicas 29:20

Chirix chik a'an kixye laj David reheb' chixjunil li wankeb' sa' li nimla ch'utam: “Anaqwan chenima xloq'al li Qaawa' leeYos”, chan. Ut chixjunileb' ke'ok chi xloq'oninkil li Qaawa', xYos li xxe'toonil yuwa'eb', ke'wiq'laak ut ke'xhupub' rib' chiru li Qaawa' ut chiru li awab'ej.

Josué 22:30

Naq laj Pinjás laj tij rochb'eeneb' li neke'k'amok b'e sa' li komonil ut eb' li xjolomileb' li xkok' ch'uutil laj Israel ke'rab'i li xyehomeb' laj Gad, laj Rubén ut eb' laj Manasés, ke'xk'ul ruheb'.

Efesios 1:3

Usilaatinanb'il taxaq li Yos, xYuwa' li Qaawa' Jesukriist, li ki'osob'tesink qe sa' xk'ab'a' li Kriist rik'in chixjunil rosob'tesihom li Musiq'ej toj sa' choxa.

2 Corintios 7:7

ut moko ka'aj ta wi' rik'in li xk'ulunik, rik'in aj b'an wi' xk'ojlajik xch'ool eerik'in laa'ex. Laa'ex nikineek'oxla, q'axal nikineera, ra nekereek'a chirix li xk'ulmank: a'an a'in li xseeraq'i we laj Tito, jo'kan naq q'axal chik xsaho'k linch'ool.

Hechos 15:31

Ut naq ke'xyaab'asi, k'ajo' naq ke'saho'k sa' xch'ool chixjunileb' xb'aan li xkawub' xch'ooleb' ke'xk'ul.

Hechos 15:12

Ch'anaamil ke'kanaak li xk'ihaleb' li ch'utch'uukeb' aran, ut ke'rab'i laj Bernabé ut laj Pablo chi xseeraq'inkil li xninqal ru eetalil ut sachb'ach'oolej kilajxb'aanu li Yos rik'in ruq'eb' sa' xyanqeb' li maawa'eb' aj Judiiy.

Josué 22:32

Chirix chik a'an laj Pinjás laj tij, ralal laj Elehasar, ut eb' li neke'k'amok b'e ke'xchaq'rab'i rib' rik'ineb' laj Rubén, laj Gad ut li xyiijachil xteepal laj Manasés sa' li na'ajej Galahad ut ke'sutq'iik chaq Kanahán wankeb' wi' laj Israel, ut kole'xch'olob' chiruheb' li k'aru xk'ulmank.

Proverbios 25:25

Jo' li keelha' cho'q re li nachaqik re, jo'kan li chaab'il esil nachalk chaq chi najt.