Josué 22:31 - Q'eqchi Bible

³¹ Toja' naq laj Pinjás laj tij, ralal laj Elehasar, kixye reheb' laj Rubén, laj Gad ut eb' laj Manasés: “Anaqwan naqanaw chi us naq li Qaawa' wank sa' qayanq xb'aan naq maak'a' xnimal ru maak xeb'aanu chiru, ut chi jo'kan xooheekol laa'o aj Israel sa' ruq' li Qaawa'”, chankeb'.

Li Santil hu

³¹ Ut laj Finees li ralal laj Eleazar laj tij quixye reheb: —Anakcuan nakanau nak li Ka̱cuaꞌ Dios cuan kiqꞌuin. La̱ex incꞌaꞌ xekꞌet xchakꞌrab li Dios nak xeyi̱b li artal aꞌin. Anakcuan nakanau nak li Dios incꞌaꞌ tixqꞌue raylal saꞌ kabe̱n la̱o aj Israel, chan.

Josué 22:31 ပူးပေါင်းရင်းမြစ်များ

2 Crónicas 15:2

li ki'elk chi xk'ulb'al laj Asá ut kixye re: “Ab'ihomaqin, a Asá ut chejunilex laa'ex aj Judá ut aj Benjamín! Li Qaawa' taawanq eerik'in wi laa'ex wanqex rik'in. Wi nekesik' li Yos, A'an tixk'e rib' chi tawe'k; ab'anan wi' neketz'eqtaana, texxtz'eqtaana ajwi' A'an.

1 Corintios 14:25

Taakutanob'resimanq li muqmu sa' xch'ool; toja' naq toxhupub' rib' chi xloq'oninkil ru li Yos ut tixch'olob' naq relik chi yaal li Yos wank sa' eeyanq.

San Mateo 1:23

“K'ehomaq reetal, li tuq'ixq taawanq sa' yu'am, taarala jun li k'uula'al, ut Emmanuel te'xk'e cho'q xk'ab'a'” (chi jalb'il ru naraj naxye: “Li Yos qik'in”).

Zacarías 8:23

“Jo'ka'in naxye li Nimajwal Yos: Chiruheb' li kutan a'an lajeeb' chi winq li jalan jalanq raatinob'aal ut xtenamiteb', te'xchap chi raq' junaq aj Judá ut te'xye re: «Naqaj xik cherix, xb'aan naq xqab'i resil naq li Yos wank eerik'in», cha'qeb'”.

Isaías 12:6

Japomaq eere chi b'ichank xb'aan xsahil leech'ool laa'ex li wankex Sión, xb'aan naq li Yos, li xSant laj Israel, wank sa' eeyanq rik'in xnimal xwankil”.

Salmos 68:17

Ex ninqi tzuul, k'a'ut naq nekexsowenak chirix li tzuul sik'b'il ru xb'aan li Yos cho'q xna'aj? Relik chi yaal naq li Qaawa' taawanq aran chi junelik!

Josué 3:10

Rik'in a'in teenaw naq li yo'yookil Yos wank sa' eeyanq ut A'an ajwi' taa'isinq reheb' laj Kanahán, eb' laj Hit, eb' laj Jib, eb' laj Perés, eb' laj Kirkás, eb' laj Amor ut eb' laj Jebús sa' li na'ajej texnume'q wi'.

Éxodo 25:8

Taayiib' jun inSantil Na'ajej re naq tinhilanq sa' xyanqeb'.

Josué 22:30

Naq laj Pinjás laj tij rochb'eeneb' li neke'k'amok b'e sa' li komonil ut eb' li xjolomileb' li xkok' ch'uutil laj Israel ke'rab'i li xyehomeb' laj Gad, laj Rubén ut eb' laj Manasés, ke'xk'ul ruheb'.

Josué 22:32

Chirix chik a'an laj Pinjás laj tij, ralal laj Elehasar, ut eb' li neke'k'amok b'e ke'xchaq'rab'i rib' rik'ineb' laj Rubén, laj Gad ut li xyiijachil xteepal laj Manasés sa' li na'ajej Galahad ut ke'sutq'iik chaq Kanahán wankeb' wi' laj Israel, ut kole'xch'olob' chiruheb' li k'aru xk'ulmank.

Esdras 7:5

ralal laj Abisúa, ralal laj Pinjás, ralal laj Elehasar, ralal laj Aharón li xyuwa'il aj tij.