Josué 22:27 - Q'eqchi Bible

²⁷ jo' b'an reetalil cho'q qe ut cho'q eere laa'ex ut reheb' ajwi' li qalal qak'ajol li te'wanq moqon. A'anaq reetalil naq laa'o aj loq'oninel chiru li Qaawa' rik'in xq'axtesinkil k'atb'il mayej, kames-mayej ut qayeechi'om re xk'amb'al qib' sa' usilal rik'in li Yos. Chi jo'kan wulaj kab'ej leeralal eek'ajol moko truuq ta te'xye reheb' li qalal: «Maak'a' wank eere rik'in li Qaawa'».

Li Santil hu

²⁷ Xkayi̱b ban joꞌ retalil chokꞌ ke ut chokꞌ e̱re la̱ex ut reheb ajcuiꞌ li kalal kacꞌajol li teꞌcua̱nk mokon. Xkayi̱b re xcꞌutbal nak la̱o naru ajcuiꞌ nakalokꞌoni li Ka̱cuaꞌ Dios ut naru ajcuiꞌ toxic saꞌ li tabernáculo re xqꞌuebal li kamayej ut li cꞌatbil mayej re xtzꞌa̱manquil xcuybal li kama̱c ut re ajcuiꞌ xcꞌambal kib saꞌ usilal riqꞌuin li Dios. Chi joꞌcan eb le̱ ralal e̱cꞌajol incꞌaꞌ naru teꞌxye reheb li kalal kacꞌajol nak incꞌaꞌ naru teꞌxic chixlokꞌoninquil li Dios.

Josué 22:27 ပူးပေါင်းရင်းမြစ်များ

Josué 24:27

ut kixye reheb' chixjunil li tenamit: “Chek'e reetal, li pek a'in a'inaq testiiw chiqix, xb'aan naq xrab'i chixjunil li aatin kixye li Qaawa' chiqix laa'o. A'anaq testiiw cherix, re naq ink'a' teetz'eqtaana leeYos”, chan.

Génesis 31:48

Toja' naq kixye laj Labán: “Li tub'tuukil pek a'in nach'olob'ank li yaal chiqix anaqwan”. Jo'kan naq Galed kixk'ab'a'in;

Josué 22:34

Ut eb' a'in ke'xk'e Ed cho'q xk'ab'a' li artal, xb'aan naq ke'xye: “Li artal a'in a'anaq reetalil cho'q qe naq li Qaawa' a'an Yos”, chankeb'.

Deuteronomio 12:11

toja' naq teek'am chixjunil li k'aru nekexintaqla wi' anaqwan, teeroksi sa' li na'ajej xaqab'anb'il xb'aan li Qaawa' leeYos cho'q rochochil li xk'ab'a': teek'am leek'atb'il mayej ut leeyeechi'om, li xlajeetqil li k'a'aq re ru eere, leetenq'aal jo'wi' li na'alaak sa' leech'ool, li q'axal chaab'il mayej eeyeechi'om sa' jurament re li Qaawa'.

1 Samuel 7:12

Toja' naq laj Samuel kixchap jun li pek, kixxaqab' sa' xyanq Mispá ut Yesaná, ut Ebén-Eser kixk'e cho'q xk'ab'a', xb'aan naq kixye: “Toj arin xooxtenq'a li Qaawa'”, chan.

Josué 22:10

Ut naq eb' laj Rubén, eb' laj Gad ut li xyiijachil xteepal laj Manasés ke'wulak sa' li xnub'ajl Kanahán, nach' rik'in li nima' Jordán, ke'xxaqab' jun nimla artal, k'ajo' xchaq'al ru na'ilok.

Génesis 31:52

A'an reetalil naq laa'in ink'a' naru tinq'axonq wankat wi', chi moko laa'at truuq tatnume'q arin re xb'aanunkil junaq na'leb' ink'a' us.

Josué 22:26

Toja' naq xqaye chiqib'il qib': Tqaxaqab' junaq artal, ab'an maawa' re xq'axtesinkil k'atb'il mayej malaj qayeechi'om,

Josué 22:28

Laa'o xqak'oxla: Wi wulaj kab'ej te'xye chi jo'ka'in qe laa'o malaj reheb' li qalal qak'ajol, truuq te'qasume: «K'ehomaq reetal. Eb' li qana' qayuwa' ke'xyiib' li artal a'in cho'q re li Qaawa', maawa' re xq'axtesinkil k'atb'il mayej chi moko qayeechi'om, re b'an taak'anjelaq cho'q reetalil chiqu laa'o ut cheru laa'ex».

Salmos 16:5

Laa'at linloq'laj maatan ut li xsahil linch'ool, at Qaawa'; chixjunil linyu'am wank sa' laawuq'.

Isaías 19:19

Sa' li kutan a'an taawanq jun x'artal li Qaawa' aran Ejiipt ut, sa' xnub'ajlil li tenamit, taaxaqab'aaq jun li loq'laj pek re xk'eeb'al xloq'al li Qaawa'.