Josué 22:22 - Q'eqchi Bible

²² “Li Qaawa', xYos chixjunileb' li yos, naxnaw chi us naq ink'a' xqayiib' li artal a'in yal re xq'etq'etinkil qib' malaj re xtz'eqtaanankil li Yos. A'an naxnaw, ut laa'o naqaj naq chenawaq ajwi' chejunilex laa'ex. Wi relik chi yaal naq xqaq'etq'eti qib' malaj xoomaakob'k chiru li Qaawa', chooxk'ehaq ta chi kamk.

Li Santil hu

²² —Li Ka̱cuaꞌ li nimajcual Dios, aꞌan naxnau chixjunil. Aꞌan naxnau cꞌaꞌru aj e nak xkayi̱b li artal aꞌin. Ut aꞌan ta̱cꞌutuk re lix ya̱lal che̱ru. Cui la̱o xkayi̱b li artal aꞌin re takakꞌetkꞌeti kib chiru, malaj ut re xtzꞌekta̱nanquil li Dios, choxqꞌuehak ta chi ca̱mc.

Josué 22:22 ပူးပေါင်းရင်းမြစ်များ

1 Reyes 8:39

Chakuy xmaak toj sa' laaloq'laj muheb'aal ut chatenq'a rik'in raqok aatin sa' xb'eeneb', jo' chanru xk'ulub' li junjunq. Laa'at nakanaw xk'a'uxl li junjunq, ka'ajwi' laa'at nakanaw k'aru wank sa' xch'ool li winq ut li ixq.

Deuteronomio 10:17

Li Qaawa' leeYos a'an li Nimajwal Yos, Qaawa' sa' xb'een chixjunileb' li awab'ej; a'an li Yos nim xwankil, q'axal kaw rib' ut xiwajel ru, li juntaq'eet narileb' chixjunil ut ink'a' naxk'ul ru tuminaak.

Salmos 44:21

Wi xsachk ta sa' qach'ool xk'ab'a' li qaYos, wi xqataqsi ta li quq' re xloq'oninkil li jalanil yos,

Li xHu LAJ JOB 10:7

Laa'at nakanaw naq maak'a' inmaak ut maa'ani naru taakoloq we sa' laawuq'.

Jeremías 17:10

Laa'in, li Qaawa', nintz'il rix li ch'oolej ut ninnaw toj sa' xchamal li aanmej; ninq'ajkamu li junjunq a' yaal chanru li xyehom ut li xb'aanuhom”.

Apocalipsis 19:16

Chiru li raq' ut chiru li ra' tz'iib'anb'il jun li k'ab'a'ej: “Awab'ej sa' xb'eeneb' li awab'ej ut Qaawa' sa' xb'eeneb' li qaawa'”.

Apocalipsis 2:23

Tinq'axtesiheb' li ralal xk'ajol chi kamk. Chi jo'kan chixjunileb' li Iklees te'xnaw naq laa'in li nintz'ili li xch'ooleb' ut li xk'a'uxeb'. Tink'e eere chejunjunqal jo' chanru leeb'aanuhom.

Hebreos 4:13

Maa'ani muqmu chiru a'an, chixjunil b'an k'utk'u ut saqenk chiru li Yos li toxqaye wi' qayehom qab'aanuhom.

1 Timoteo 6:16

li jun chirib'il li ink'a' nakamk, li wank sa' jun saqenk li maa'ani nawulak aran; maajun junaq winq x'ilok ru chi moko taaril ru. Rehaq taxaq li loq'oniik ut li nimajwal wankilal chi junelik. Jo'kan taxaq.

2 Corintios 11:31

Naxnaw li Yos, li xYuwa' li Qaawa' Jesus (usilaatinanb'ilaq taxaq chi junelik), naq ink'a' nintik'ti'ik.

2 Corintios 11:11

K'a' put? Ma aj b'an naq nekexinra? Li Yos naxnaw chi us naq jo'kan.

2 Corintios 5:11

Laa'o naqanaw naq tento roxloq'inkil li Qaawa'. Jo'kan naq naqayal qaq'e chi xq'unb'esinkil xch'ooleb' li tenamit. Li Yos naxnaq k'aru wank sa' qach'ool, ut nawoyb'eni naq laa'ex ajwi' teenaw qu chi us.

Hechos 25:11

Jo'kan utan, wi wank junaq linmaak malaj xinb'aanu junaq k'a'aq re ru ink'ulub' wi' kamk, ink'a' ninxiwa kamk. Ab'an wi tz'aqal tik'ti' li b'arwan nikine'xjit wi', maa'ani truuq chinq'axtesinkil sa' ruq'eb'. Nintz'aama naq tin'ab'iiq xb'aan li awab'ej.

Hechos 1:24

Ut ke'tijok chi jo'ka'in: “At Qaawa', laa'at nakatnawok re xch'ooleb' chixjunileb', chak'ut chiqu ani reheb' li wiib' a'in xasik' ru.

San Juan 21:17

Kixpatz' wi' chik re rox sut: —At Simón, ralalat laj Jwan, ma nikinaara? Kiraho'k xch'ool laj Pedro naq ox sut kipatz'e'k re: «Ma nikinaara?». Ut kichaq'ok: —Qaawa', laa'at nakanaw chixjunil. Laa'at xak'e reetal naq nakatinra, chan. Kixye li Jesus re: —Chach'oolaniheb' linkarneer.

Malaquías 3:18

Toja' naq laa'ex teenaw wi' chik b'ar wank li tiik xch'ool ut li ink'a' us xna'leb', li nak'anjelak chiru li Yos ut li ink'a' napaab'ank chiru”.

Miqueas 7:9

Tinkuy li xjosq'il li Qaawa' xb'aan naq xinmaakob'k chiru: toj taaraqoq aatin chiwix ut taaril xtoq'ob'aal wu. Li Qaawa' taa'isinq we sa' li aak'ab' re toxwil linkolb'al xb'aan.

Daniel 11:36

«Li awab'ej re Siria tixb'aanu li k'aru taaraj xb'aanunkil; tixnimob'resi rib', tixk'e xwankil sa' xb'een chixjunileb' li yos ut tixmajewa li tz'aqal Yos. Jwal us taa'elq toj reetal li Yos tixk'ut li xnimal xjosq'il, xb'aan naq li ak xyeemank xb'aan li Qaawa', taa'uxq.

Daniel 2:47

Chirix chik a'an kixye re laj Daniel: “Relik chi yaal naq leeYos laa'ex, a'an tz'aqal li Yos nim xloq'al, li awab'ej q'axal nim xwankil sa' xb'een chixjunileb' li awab'ej. A'an laj kutanob'resinel re li muqmuukil na'leb', xb'aan naq laa'at xach'olob' xyaalal li tz'aptz'ookil na'leb' a'in”.

Jeremías 12:3

At Qaawa', laa'at nakanaw wu; xinaawil ut xak'e reetal naq linch'ool wank aawik'in. K'ameb' sa' li kamsib'aal jo' naq nak'ame'k li karneer, ut k'e reetalileb' cho'q re xkutankil li kamsink.

Salmos 136:2

Chexyoxinq chiru li Yos jwal nim xwankil, li xnimal xrahom wank chi junelik!

Salmos 97:7

Xutaanal neke'kanaak wi' eb' li neke'loq'onink re li jalanil yos, eb' li neke'xnimob'resi rib' rik'in li maak'a' na'ok wi'. Chixjunileb' li yos neke'xwiq'ib' rib' chiru li Qaawa'!

Salmos 95:3

Xb'aan naq li Qaawa' a'an li Yos nim xwankil, a'an xnimal ru Awab'ej sa' xb'eeneb' chixjunileb' li yos.

Salmos 82:1

Xsaalm laj Asaf. Li Qaawa' naxaqliik sa' xyanqeb' li wankeb' sa' li loq'laj ch'utam, ut naraqok aatin sa' xyanqeb' li wankeb' xwankil:

Salmos 37:6

tixk'e chi kutano'k li xtiikilal laawaanm jo' naq nasaqewk, taalemtz'unq li xchaab'ilal laayu'am jo' naq nawa'leb'o'k.

Li xHu LAJ JOB 23:10

A'ut a'an naxnaw chixjunil linb'aanuhom: wi tixyal wix, tinkanaaq jo' tz'aqal li chaab'il oor.

1 Samuel 15:23

Li xq'etb'al li xchaq'rab' li Yos, a'an maak kama' li q'ehink; ut li xtz'eqtaanankil li raatin li Qaawa', a'an ajwi' maak kama' li loq'onink chiru li jalanil yos. Jo' laa'at xatz'eqtaana li raatin li Qaawa', jo'kan ajwi' tatxtz'eqtaana A'an anaqwan, re naq ink'a' chik tat-awab'ejinq”.

Éxodo 18:11

Anaqwan ninnaw naq li Qaawa' a'an q'axal nim xwankil chiru chixjunileb' li yos, xb'aan naq xjosq'o'k sa' xb'eeneb' laj Ejiipt naq eb' a'an xe'raj raj xnimob'resinkil rib'”.

Josué 22:21

Toja' naq eb' laj Rubén, eb' laj Gad ut li xyiijachil xteepal laj Manasés ke'chaq'ok ut ke'xye reheb' li taqlanb'ileb' xb'aaneb' laj Israel:

Salmos 40:9

naq tento tinb'aanu laawajom. At inYos, k'ajo' naq nasaho'k linch'ool chapaab'ankil, wank laaChaq'rab' sa' li waanm chi junelik.

Salmos 50:1

Xsaalm laj Asaf. Li Qaawa', li Yos q'axal nim xwankil, x'aatinak ut xb'oqeb' chi ch'utlaak chixjunil li ruuchich'och', chalen chaq sa' releb'l li saq'e toj sa' rokeb'l.

1 Samuel 2:3

Meenaab'alob'resi leeq'etq'etil aatin, mi'elk chi xtz'uumal eere li xnimankil eerib', xb'aan naq li Qaawa' a'an jun Yos li naxnaw chixjunil, a'an naraqok aatin sa' xb'een li junjunq.

Li xHu LAJ JOB 31:22

Wi ta ink'a' xinb'aanu chi jo'kan, chib'oq'e'q ta lintel ut chitoqe'q li wuq'.

Salmos 44:22

ma ink'a' ta raj xk'e reetal li Qaawa', li nanawok chixjunil li wank sa' li ch'oolej?