Josué 22:21 - Q'eqchi Bible

²¹ Toja' naq eb' laj Rubén, eb' laj Gad ut li xyiijachil xteepal laj Manasés ke'chaq'ok ut ke'xye reheb' li taqlanb'ileb' xb'aaneb' laj Israel:

Li Santil hu

²¹ Eb li ralal xcꞌajol laj Rubén ut eb li ralal xcꞌajol laj Gad, joꞌ eb ajcuiꞌ yijach li ralal xcꞌajol laj Manasés queꞌchakꞌoc ut queꞌxye reheb laj cꞌamol be saꞌ xya̱nkeb laj Israel:

Josué 22:21 ပူးပေါင်းရင်းမြစ်များ

1 Pedro 3:15

Cheloq'oni b'an ru li Qaawa', li Kriist, sa' leech'ool, ut yo'oon wanqex chi junelik re xsumenkil chixjunileb' li te'patz'oq eere xyaalal li oyb'enink wank eerik'in.

Santiago 1:19

Ex was wiitz'in raarookex inb'aan, chiwanq sa' eech'ool a'in: li junjunq seeb'aq xch'ool chi ab'ink, chixkuyaq rib' chi aatinak ut chixkuyaq rib' chi josq'o'k.

Hechos 11:4

Toja' naq laj Pedro ki'ok chi xch'olob'ankil chi tustu li xk'ulmank; kixye:

Miqueas 5:2

A'ut laa'at, Belén Efratá, jwal kach'inat sa' xteepal Judá, aawik'in taa'elq chaq li taa'awab'ejinq re Israel. A'an taayo'laaq sa' riyajil jun mayer junkab'al”.

Proverbios 24:26

Li nasumenk sa' xyaalal, chanchan li nak'ehok sahil ch'oolej.

Proverbios 18:13

Xutaanal ut xmajelal na'leb' cho'q re li nachaq'ok chi toj maji' naraqe'k li aatinak.

Proverbios 16:1

Li winq naxk'uub' li k'aru tixb'aanu, ab'an li Qaawa' yaal re xb'aanunkil.

Proverbios 15:1

Li nasumenk rik'in q'unil aatin, naxkotz li josq'il; a'ut li nasumenk sa' josq'il, naxnimob'resi li ch'a'ajkilal.

Josué 22:20

Chijultiko'q eere laj Akán, ralal laj Séraj, chanru naq kimaakob'k rik'in xchapb'al li k'aru ak q'axtesinb'il re sache'k. Ut xb'aan li maak kixb'aanu, kikamk, ut li xjosq'il li Qaawa' koxtaw chixjunil li xkomonileb' laj Israel, us ta jun ajwi' chi winq kimaakob'k”, chankeb'.

Josué 22:22

“Li Qaawa', xYos chixjunileb' li yos, naxnaw chi us naq ink'a' xqayiib' li artal a'in yal re xq'etq'etinkil qib' malaj re xtz'eqtaanankil li Yos. A'an naxnaw, ut laa'o naqaj naq chenawaq ajwi' chejunilex laa'ex. Wi relik chi yaal naq xqaq'etq'eti qib' malaj xoomaakob'k chiru li Qaawa', chooxk'ehaq ta chi kamk.