Josué 22:19 - Q'eqchi Bible

¹⁹ “Wi nekek'oxla naq muxb'il leena'aj, numenqex wan wi' li reechanihom li Qaawa', b'arwi' xk'ojob' li xmuheb'aal, ut wanqex sa' qayanq. Ab'an meeq'et xchaq'rab' li Qaawa', chi moko cheq'etq'eti eerib' chiqu laa'o rik'in xyiib'ankil jalan chik artal chiru li x'artal li Qaawa' li qaYos.

Li Santil hu

¹⁹ Cui la̱ex nequecꞌoxla nak le̱ naꞌaj muxbil ru naru nequexnumeꞌ saꞌ kaya̱nk ut naru nequexcuan saꞌ li naꞌajej cuan cuiꞌ lix tabernáculo li Ka̱cuaꞌ Dios. La̱o incꞌaꞌ nakaj nak te̱kꞌetkꞌeti e̱rib chiru li Ka̱cuaꞌ, chi moco te̱kꞌetkꞌeti e̱rib chiku la̱o riqꞌuin xyi̱banquil jalan chic artal chiru lix artal li Ka̱cuaꞌ Dios.

Josué 22:19 ပူးပေါင်းရင်းမြစ်များ

Josué 18:1

Chixjunil li komonil reheb' li ralal xk'ajol laj Israel ke'ch'utlaak Siló ut aran ke'xxaqab' li Loq' laj Muheb'aal. Ak wank chixjunil li na'ajej rub'el xwankileb'.

Amós 7:17

A'ut xyehom li Qaawa': «Laawixaqil taayumb'eetaq sa' li tenamit, eb' laawalal aak'ajol te'kamsiiq chi q'esnal ch'iich' ut laach'och' taajachimanq chi b'uulinb'il. Laa'at ajwi' toxatkamq sa' xyanqeb' li ink'a' neke'xpaab' li Qaawa', ut eb' laj Israel te'k'ame'q chi b'ak'b'o, najt rik'in li xna'ajeb'»”.

2 Crónicas 11:13

Eb' laj tij ut eb' laj Leví, li wankatqeb' sa' chixjunil xteepal Israel, ke'xk'e rib' rub'el xwankil laj Robohán:

Éxodo 15:17

Taawoksiheb' ut taaxe'eniheb' sa' li tzuul li xak'e cho'q xna'ajeb', li xakawresi cho'q aamuheb'aal, at Qaawa', toj sa' laaloq'laj ochoch li xayiib' rik'in aawuq', at inYos.

Josué 22:11

Naq eb' laj Israel ke'rab'i resil a'an, ke'xye: “Chek'e reetal, eb' laj Rubén, eb' laj Gad ut li xyiijachil xteepal laj Manasés ke'xxaqab' li artal a'an, sa' xjayal li tenamit Kanahán, nach' rik'in li nima' Jordán, sa' xch'och'eb' laj Israel”, chankeb'.

Daniel 10:13

Li ánjel li nataqlank sa' xb'eeneb' laj Persia xramok chiwu li chalk aawik'in chiru jun xka'k'aal kutan; ab'anan li ánjel Miguel, jun reheb' li jwal ninqeb' xwankil, xchalk chintenq'ankil, xb'aan naq injunes wankin aran sa' xyanqeb' li awab'ej re Persia.