Josué 21:27 - Q'eqchi Bible

²⁷ Eb' li ralal xk'ajol laj Kersón, xkomoneb' laj Leví, kik'ehe'k reheb' wiib' tenamit: sa' li xyiijachil xteepal laj Manasés, kik'ehe'k li tenamit Golán re Basán rochb'een xk'aleb'aaleb', b'arwi' te'xkol rib' eb' laj kamsinel ras riitz'in, ut Astarot rochb'een xk'aleb'aaleb'.

Li Santil hu

²⁷ Ut eb li ralal xcꞌajol laj Gersón, li ralal laj Leví, queꞌxcꞌul eb li tenamit aꞌin riqꞌuineb yijach li ralal xcꞌajol laj Manasés: li tenamit Beestera, joꞌ ajcuiꞌ li tenamit Golán li cuan Basán, li quisiqꞌueꞌ ru re teꞌxcol cuiꞌ rib li teꞌxcamsi ras ri̱tzꞌin chi incꞌaꞌ yal teꞌraj xchꞌo̱l.

Josué 21:27 ပူးပေါင်းရင်းမြစ်များ

1 Crónicas 6:71

Cho'q reheb' li ralal xk'ajol laj Kersón kik'eemank li tenamit Golán re Basán ut li tenamit Astarot, rochb'eeneb' xk'aleb'aaleb', sa' xsutam xyiijachil xteepal laj Manasés.

Josué 20:8

Junpak'al li nima' Jordán, sa' xjayal releb'l saq'e re Jerikó, ke'xsik' ruheb': Béser, sa' xteepal Rubén sa' li chaqich'och', sa' li taq'a ru; Ramot aran Galahad, sa' xteepal Gad, ut Golán aran Basán, sa' xteepal Manasés.

Deuteronomio 4:43

A'aneb' a'in li tenamit: cho'q reheb' laj Rubén, kixxaqab' Béser, li wank sa' li chaqich'och' sa' xb'een li tzuul; cho'q reheb' laj Gad kixxaqab' Ramot re Galahad, ut cho'q reheb' laj Manasés: Golán re Basán.

Deuteronomio 1:4

Naq ak kixq'ax ru laj Sijón, awab'ej re Amor, li wan chaq Jesbón, ut laj Og, awab'ej re Basán, li wan chaq Astarot ut Edreí,

Josué 21:26

Jo'kan naq lajeeb' chi tenamit rochb'eeneb' xk'aleb'aaleb' kik'ehe'k reheb' li xkomoneb' li ralal xk'ajol laj Kehat.

Josué 21:28

Sa' xteepal Isakar, kik'ehe'k Kisyón rochb'een xk'aleb'aaleb', Dobrat rochb'een xk'aleb'aaleb',

Josué 21:6

Eb' li ralal xk'ajol laj Kersón ke'reechani oxlaju chi tenamit reheb' li xteepaleb' laj Isakar, laj Aser, laj Neftalí ut li xyiijachil li xteepal laj Manasés aran Basán.

1 Crónicas 6:47

ralal laj Majlí, ralal laj Musí, ralal laj Merarí, ralal laj Leví.