Josué 2:24 - Q'eqchi Bible

²⁴ chirix chik a'an ke'xye re: —Yaal naq li Qaawa' ak xk'e sa' quq' chixjunil li tenamit a'an. Chixjunileb' neke'siksotk chiqu, chankeb'.

Li Santil hu

²⁴ Queꞌxye re: —Li Ka̱cuaꞌ xkꞌaxtesi saꞌ kukꞌ li naꞌajej aꞌan xban nak chixjunileb li cuanqueb saꞌ li naꞌajej aꞌan ca̱mqueb re xban xxiuheb kaban la̱o, chanqueb.

Josué 2:24 ပူးပေါင်းရင်းမြစ်များ

Éxodo 23:31

Tinxaqab' aanub'ajl chalen chaq sa' li Kaqi Palaw toj sa' li palaw reheb' laj Filistea, chalen chaq sa' li chaqich'och' toj sa' li nima' Éwfrates. Tinq'axtesiheb' sa' aawuq' li wanqeb' sa' li na'ajej a'an, ut laa'at taawisiheb' sa' xnaq' aawu.

Proverbios 25:13

Jo' xkehal li ratz'am ke sa' xq'ehil, jo'kan tz'aqal li taql chaab'il xch'ool cho'q re li ani xtaqlank re.

Josué 5:1

Chixjunileb' li awab'ej re Amor li wankeb' junpak'al li nima' Jordán, sa' rokeb'l saq'e, ut chixjunileb' li awab'ej re Kanahán li wankeb' sa' xjayal li palaw ke'rab'i resil naq li Qaawa' kixchaqihob'resi li nima' Jordán re naq eb' laj Israel te'nume'q junpak'al. K'ajo' naq ke'ok xxiw ut ke'ch'inank xch'ool chiruheb' laj Israel.

Josué 1:8

Ink'a' taakanab' rilb'al xsa' xhuhil li Chaq'rab' a'in; chak'oxla rix chi q'eq ut chi kutan. Chi jo'kan junelik taab'aanu li k'aru naxye; tat-usaaq ut chaab'il tat-elq sa' chixjunil laak'anjel.

Éxodo 15:15

K'ajo' naq ke'xiwak eb' li neke'taqlank sa' xb'een Edom; ke'sachk xch'ool eb' li xb'eenil aj Mohab; neke'siksotk chixjunileb' laj Kanahán.

Josué 2:23

Toja' naq eb' li wiib' chi winq ke'kub'e chaq, ke'xq'ax li nima' Jordán ut koheb' rik'in laj Josué, ralal laj Nun. Ke'xseeraq'i chixjunil li kik'ulmank;

Jueces 7:9

Sa' ajwi' li q'oqyink a'an li Qaawa' kixye re laj Jedehón: “Waklin ut kub'en sa' xmuheb'aaleb' laj Madián, xb'aan naq xinq'axtesiheb' sa' laawuq'.

Josué 6:2

Ab'an li Qaawa' kixye re laj Josué: “K'e reetal, laa'in tink'e sa' laawuq' li tenamit Jerikó jo'wi' li x'awab'ej.

Josué 8:1

Toja' naq li Qaawa' kixye re laj Josué: “Matxiwak chi moko chich'inanq aach'ool. K'ameb' chawix chixjunileb' laj puub'. Ayu chi yalok rik'ineb' laj Ay, xb'aan naq tinq'axtesi sa' laawuq' li awab'ej re Ay, jo'wi' li wankeb' rub'el xwankil, li xtenamit ut li xch'och'.

Jueces 1:2

Kichaq'ok li Qaawa' ut kixye: “Eb' laj Judá te'xik xb'enwa. Laa'in xinq'axtesi li na'ajej sa' ruq'eb' a'an”, chan.

Jueces 18:10

Naq texwulaq, toxeetaw jun li tenamit wank sa' xyaalal. Q'axal nim li na'ajej a'an ut li Yos ak xq'axtesihom sa' quq'. A'an jun li na'ajej b'arwi' wank jo'ch'inal jo'nimal li awimq natawmank sa' ruuchich'och'”.