Josué 2:11 - Q'eqchi Bible

¹¹ K'ajo' naq kooxiwak chi rab'inkil a'an, ut chixjunileb' ke'ch'inank xch'ool cheru laa'ex, xb'aan naq li Qaawa' leeYos a'an li xYos chixjunil li choxach'och'.

Li Santil hu

¹¹ Cꞌajoꞌ nak coxucuac nak xkanau nak ma̱ ani naru napletic e̱riqꞌuin la̱ex xban nak li Ka̱cuaꞌ le̱ Dios cuan xcuanquil saꞌ choxa ut cuan ajcuiꞌ xcuanquil saꞌ ruchichꞌochꞌ.

Josué 2:11 ပူးပေါင်းရင်းမြစ်များ

Deuteronomio 4:39

“Jo'kan utan, wanq sa' aach'ool sa' li kutan a'in ut chak'oxla chi junelik naq li Qaawa' a'an Yos jo' sa' choxa jo' sa' ruuchich'och', ut maak'a' chik junaq chiru.

Josué 5:1

Chixjunileb' li awab'ej re Amor li wankeb' junpak'al li nima' Jordán, sa' rokeb'l saq'e, ut chixjunileb' li awab'ej re Kanahán li wankeb' sa' xjayal li palaw ke'rab'i resil naq li Qaawa' kixchaqihob'resi li nima' Jordán re naq eb' laj Israel te'nume'q junpak'al. K'ajo' naq ke'ok xxiw ut ke'ch'inank xch'ool chiruheb' laj Israel.

Isaías 13:7

Jo'kan naq chixjunileb' maak'a'aq chik xmetz'eweb' ut te'ch'inanq xch'ool eb' li poyanam.

Josué 7:5

Ke'kamsiik tana waqlaju xka'k'aalaq chi winq xb'aaneb' laj Ay, ut eb' li xkomon ke'aanilasiik chirix li tenamit, toj Sebarín, ut ke'sache'k sa' li kub'sink. Jo'kan naq ke'ch'inank xch'ool eb' laj Israel ut ke'ok xxiw.

Salmos 102:15

Eb' laj k'anjel chawu k'ajo' naq neke'xra eb' li pek kab'lanb'il wi', ut neke'raho'k sa' xch'ool chi rilb'al li xpo'lemil laatenamit.

Salmos 83:18

Che'kanaaq sa' xutaan ut numtajenaqeb' xxiw chi junelik; che'sachq xch'ool ut che'oso'q,

1 Reyes 8:60

Chooxtenq'a taxaq re naq chixjunileb' li tenamit sa' ruuchich'och' te'xk'e reetal naq li Qaawa' a'an Yos, ut maak'a' chik junaq.

Apocalipsis 6:16

ut ke'xye reheb' li tzuul ut reheb' li saqoonak: “T'anenqex chaq sa' qab'een ut muqumaqo chiru li k'ojk'o sa' li xnimajwal k'ojarib'aal ut chiru li xjosq'il li Karneer!

Nahum 2:10

Nakirirnak, nayamnak ut juk'ulk chixjunil, jo'ka'in naq xkanaak li tenamit Nínive. Neke'lub'je'k xb'aaneb' xxiw, neke'siksotk li roqeb', maak'a' chik xmetz'eweb' li poyanam; ut saqeb' aj chik chixjunileb' xb'aan xiwak.

Salmos 22:14

jwal k'apk'ookeb' re sa' inb'een, chanchaneb' li kaqkoj neke'xjap re ut neke't'upink.

Josué 14:8

Laa'in kinwank chi tiik linch'ool chirix li Qaawa' linYos, us ta eb' li was wiitz'in li koheb' wochb'een ke'xch'ina xch'ooleb' li tenamit.

Deuteronomio 20:8

“Toja' naq eb' laj tz'iib' te'aatinaq wi' chik rik'ineb' li tenamit ut te'xye: «Ani yo xxiw ut nach'inank xch'ool? Xikaq ut sutq'iiq sa' rochoch re naq ink'a' tixch'ina xch'ooleb' li ras riitz'in, jo' naq xch'ina xch'ool a'an», cha'qeb'.

Deuteronomio 1:28

Ut anaqwan b'ar tooxik? Q'axal x'ok qaxiw xb'aan li xe'xye eb' li qas qiitz'in naq aran wankeb' poyanam jwal kaweb' rib' ut q'axal k'iheb' chik chiqu laa'o. Eb' li xtenamiteb' a'an jwal ninqeb' ut toj sa' choxa neke'wulak li xsuttz'akil. Ut a'atqeb' laj Anak xe'ilmank ru aran», chankex.

Éxodo 15:14

Ke'rab'i a'an eb' li tenamit ut ke'xsiksiki rib'; chanchan xrahil alank kichalk sa' xb'eeneb' laj Filistea.

Éxodo 15:15

K'ajo' naq ke'xiwak eb' li neke'taqlank sa' xb'een Edom; ke'sachk xch'ool eb' li xb'eenil aj Mohab; neke'siksotk chixjunileb' laj Kanahán.

2 Reyes 5:15

Toja' naq laj Nahamán ut chixjunileb' li rochb'een ke'sutq'iik wi' chik rik'in li xtaql li Yos. Ut naq kiwulak rik'in, laj Nahamán koxxaqliiq chiru laj Eliseo ut kixye re: “Anaqwan xink'e reetal naq maak'a' chik junaq Yos sa' chixjunil li ruuchich'och'. Ka'ajwi' arin Israel. K'ul b'i' li simaatan a'in naxk'e aawe laj k'anjel chawu”.

Salmos 58:7

At inYos, chajoriheb' li ruuch reheb' ut chasach ruheb'; at Qaawa', chatoqi li ruuch reheb' li kok' kaqkoj.

Isaías 19:1

Xyehom li Qaawa' chirix Ejiipt: Ilomaq li Qaawa' naq xchalk sa' aanil sa' li tenamit Ejiipt, k'ojk'o chaq sa' xb'een jun li choql. Eb' li xyoseb' laj Ejiipt yo xxiweb' chiru li Qaawa', ut eb' laj Ejiipt neke'siksotk ajwi' chiru A'an.

Ezequiel 21:15

K'ajo' naq te'xiwaq xb'aan li ch'iich', ut naab'aleb' li te'kamsiiq. Sa' li junjunq chi okeb'aal xinxaqab'eb' laj kamsinel chi ch'iich': nalemtz'unk ru li ch'iich' re naq replotq rilb'al, ut q'esnanb'il li re chi us, re kamsink.

Josué 2:24

chirix chik a'an ke'xye re: —Yaal naq li Qaawa' ak xk'e sa' quq' chixjunil li tenamit a'an. Chixjunileb' neke'siksotk chiqu, chankeb'.

Josué 9:24

Ut eb' a'an ke'xye re laj Josué chi jo'ka'in: “Nawb'il qab'aan laa'o aamoos li xtaqlahom li Qaawa' laaYos cho'q re laj Moisés aj k'anjel chiru. Kixye naq tixq'axtesi eere chixjunil li na'ajej a'in ut tixsach ruheb' jo'k'ihaleb' wankeb' arin sa' leek'ulunik. Jo'kan naq q'axal xooxiwak chirix li qayu'am ut xqab'aanu a'an.

Nehemías 6:16

Naq chixjunileb' li xik' neke'ilok qe ke'rab'i resil a'an ut chixjunileb' li tenamit chi qasutam ke'ril, k'ajo' naq ke'sachk xch'ool ut ke'xk'e reetal naq li k'anjel a'in uxb'il xb'aan xnimal ruxtaan li qaYos.

Ester 8:17

sa' chixjunileb' li tenamit ut li teep kiwulak wi' li esil a'in, k'ajo' naq ke'saho'k xch'ooleb' laj Judiiy ut ke'xninq'ehi rik'in tzekank. Ut naab'aleb' winq sa'eb' li tenamit a'an ke'xk'ul li sirkunsisyon ut ke'kanaak cho'q aj Judiiy xmaak xxiweb' chiruheb' laj Judiiy.