Josué 2:10 - Q'eqchi Bible

¹⁰ Xqab'i resil naq kex'elk chaq Ejiipt ut li Qaawa' kixchaqihob'resi li Kaqi Palaw cheru. Naqanaw ajwi' naq kesach ruheb' chi junajwa laj Sijón ut laj Og, eb' li wiib' chi awab'ej aj Amor, junpak'al li nima' Jordán.

Li Santil hu

¹⁰ La̱o nakanau nak quex-el chak Egipto li Dios quixchakihobresi li haꞌ saꞌ li Caki Palau re nak texnumekꞌ jun pacꞌal. Ut nakanau ajcuiꞌ nak la̱ex quesach ruheb chi junaj cua li cuib chi rey laj Sehón ut laj Og, lix reyeb laj amorreo li cuanqueb jun pacꞌal li nimaꞌ Jordán.

Josué 2:10 ပူးပေါင်းရင်းမြစ်များ

Deuteronomio 2:30

“A'ut laj Sijón, awab'ej re Jesbón, ink'a' kooxkanab' chi nume'k aran, xb'aan naq li Qaawa' laaYos ak xkawresi ut xjipob'resi li xch'ool re xq'axtesinkil sa' leeruq' jo' naq wank anaqwan.

Números 23:22

Naq li Qaawa' kirisiheb' chaq laj Israel aran Ejiipt, kixk'ut li xnimal xkawilal chiruheb', jo' xkawilal li b'ooyx li wank sa' k'iche'.

Josué 4:24

Chi jo'kan chixjunileb' li tenamit li wankeb' sa' ruuchich'och' te'xk'e reetal li xnimal xwankil li Qaawa', ut laa'ex junelik teeroxloq'i li Qaawa' leeYos”.

Números 20:14

Naq wankeb' Kadés, laj Moisés kixtaqlaheb' aj yehol esil rik'in li awab'ej re Edom; ke'xye re: “Jo'ka'in xe'xye chaq eb' laj Israel aawiitz'ineb': «Laa'at nakanaw chi us li rahilal qak'ulum chaq.

Números 24:8

Li Yos ki'isink chaq reheb' sa' li na'ajej Ejiipt, jo' jun josq' aj b'ooyx li wank sa' k'iche'. Tixtiweb' li xik' neke'ilok re ut tixtoqi li xb'aqeleb'.

Josué 5:1

Chixjunileb' li awab'ej re Amor li wankeb' junpak'al li nima' Jordán, sa' rokeb'l saq'e, ut chixjunileb' li awab'ej re Kanahán li wankeb' sa' xjayal li palaw ke'rab'i resil naq li Qaawa' kixchaqihob'resi li nima' Jordán re naq eb' laj Israel te'nume'q junpak'al. K'ajo' naq ke'ok xxiw ut ke'ch'inank xch'ool chiruheb' laj Israel.

Salmos 74:15

Laa'at kattehok xyo'leb'aal li ha' sa' pek, ut kachaqihob'resi li yu'amha' chi junajwa.

Josué 9:10

jo'wi' chixjunil li kixb'aanu reheb' li wiib' chi awab'ej aj Amor junpak'al li nima' Jordán, a' laj Sijón, awab'ej re Jesbón, ut laj Og, awab'ej re Basán, li kiwank aran Astarot.

Josué 24:12

Eb' li wiib' chi awab'ej aj Amor ke'elelik cheru xb'aaneb' li ch'ub' kintaqla sa' xb'eeneb'. Moko laa'ex ta li kex'isink reheb' rik'in leech'iich' chi moko rik'in leesimaj.