Josué 2:1 - Q'eqchi Bible

¹ Laj Josué, ralal laj Nun, toj Sitín kixtaqla chaq chi muqmu wiib' laj k'ehol eetal, ut kixye reheb': “Ayuqex ut k'ehomaq reetal li na'ajej ut li tenamit Jerikó”, chan. Eb' a'an koheb' ut koxe'okaq sa' rochoch jun aj yumb'eet, xRajab xk'ab'a', ut aran ke'wark.

Li Santil hu

¹ Laj Josué, li ralal laj Nun, toj Sitim quixtakla cuibeb laj qꞌuehol etal chi mukmu ut quixye reheb: —Ayukex xqꞌuebal retal li naꞌajej Canaán ut li tenamit Jericó, chan. Eb aꞌan queꞌco̱eb ut queꞌcuulac saꞌ rochoch jun li ixk xcomoneb li nequeꞌxcꞌayi rib, xRahab xcꞌabaꞌ. Ut aran queꞌcana chixnumsinquil li kꞌojyi̱n.

Josué 2:1 ပူးပေါင်းရင်းမြစ်များ

Hebreos 11:31

Sa' xk'ab'a' li xpaab'aal lix Rajab, laj yumb'eet, ink'a' kikamk sa' xyanqeb' laj q'etol aatin, xb'aan naq kixk'uleb' sa' usilal eb' laj k'ehol eetal.

Santiago 2:25

Jo'kan ajwi' lix Rajab, laj yumb'eet. Ma ink'a' tab'i' kixtaw xtiikilal xch'ool rik'in li xb'aanuhom naq kixk'e rochochnaal eb' li xtaql laj Israel ut kixsutq'isiheb' sa' jalan chik b'e?

San Mateo 1:5

laj Salmón kiwank ralal rik'in lix Rajab, a'an laj Bohos; laj Bohos kiwank ralal rik'in lix Rut, a'an laj Obed; laj Obed a'an xyuwa' laj Jesé,

Números 25:1

Naq eb' laj Israel ke'na'ajunk aran Sitín, eb' li winq ke'ok chi ko'b'eetak rik'ineb' li ixq aj Mohab.

Efesios 5:5

Chiwanq sa' eech'ool naq maajun aj ko'b'eet aj yumb'eet, aj muxul rib' malaj aj rahol ru b'ihomal (a'an juntaq'eet rik'in li jalan loq'onink) taatz'aqonq sa' li xnimajwal awab'ejihom li Kriist jo'wi' re li Yos.

San Mateo 10:16

“Chek'e reetal, laa'in texintaqla jo'eb' li karneer sa' xyanqeb' laj xojb'. Chiwanq b'i' eena'leb' jo'kaqex eb' li k'anti', ut tuulanaqex jo'kaqex eb' li mukuy.

Josué 3:1

Laj Josué kiwakliik eq'la ut, rochb'een chixjunileb' laj Israel, ke'elk Sitín ut ke'wulak wan wi' li nima' Jordán. Ab'anan ink'a' ke'nume'k junpak'al; toj ke'kanaak chi hilank aran.

Números 13:2

“Taqlaheb' winq re naq toxe'ril chaq li xteepal Kanahán, li tink'e reheb' laj Israel. Taqlaheb' li wankeb' xwankil, junjun re li junq teep”, chan.

Jueces 18:17

Eb' li oob' chi aj k'ehol eetal ke'taqe'k, ke'ok ut ke'xxok li efod, li kok' jalam u jo'wi' li pak'b'il yos. Ab'an xaqxo laj tij chire li okeb'aal rochb'eeneb' li lajeek'aal xkab' o'q'ob' (600) chi winq wankeb' xch'iich'.

Jueces 18:2

Jo'kan naq eb' laj Dan ke'xsik' ru oob' chi winq kaweb' xch'ool sa' li xjunkab'aleb', ut ke'xtaqlaheb' chi rilb'al li tenamit ut xb'eeninkil. Ke'xye reheb': “Ayuqex ut k'ehomaq chaq reetal chanru li na'ajej”, chankeb'. Ke'elk b'i' aran Sorá ut Estahol ut ke'wulak sa' xtzuulul Efraín, nach' rik'in li rochoch laj Mikaías, ut aran ke'xnumsi li q'oqyink.

Josué 5:10

Eb' laj Israel ke'hilank Kilkal ut aran ewu ke'xninq'ehi li Paswa sa' li kaalaju xb'e li po, sa' xtaq'ahil Jerikó.

Números 33:49

Ke'xk'ojob' li xmuheb'aaleb' chire li nima' Jordán, sa' xyanq Bet-Yesimot ut Abel-Sitín, sa' xtaq'ahil Mohab.

Josué 21:31

Jelkat rochb'een xk'aleb'aaleb', Rejob rochb'een xk'aleb'aaleb': kahib chi tenamit.

Jueces 18:14

Toja' naq eb' li oob' chi aj k'ehol eetal ke'xye reheb' li xkomon: “Ma ink'a' nekenaw naq sa' li kab'l a'in wank jun efod, wankeb' kok' jalam u ut jun pak'b'il yos? K'oxlahomaq chi us k'aru teeb'aanu”, chankeb'.

Josué 1:18

Yalaq ani taaq'etoq re laawaatin ut ink'a' tixpaab' laataqlahom sa' chixjunil, taakamsiiq. Li k'aru naqaj laa'o a'an a'in: naq kawaq aach'ool ut kaw xaqxooqat sa' laak'anjel”, chankeb'.

Josué 2:2

Kiwulak resil rik'in li awab'ej re Jerikó: “K'e reetal, wankeb' winq aj Israel xe'ok chaq arin chi q'eq re xk'eeb'al reetal li tenamit”, chu'uxk re.

Miqueas 6:5

At intenamit, jultikaq aawe anaqwan k'aru kixk'uub' laj Balak, li awab'ej re Mohab, ut li xsumenkil xb'aan laj Balaham, ralal laj Pehor. Jultikaq aawe naq katnume'k chaq Sitín toj Kilkal, ut k'e reetal li xtiikilal xch'ool li Qaawa'”.

Génesis 42:9

Toja' naq laj José kinaqk sa' xch'ool naq kimatk'ek chirixeb' li ras, ut kixye reheb': “Laa'ex aj ch'uukex; xexchalk arin yal re rilb'al b'ar maak'a'eb' wi' aj k'aak'alehom re li tenamit”, chan.

Génesis 42:16

Taqlahomaq junaq eere re naq tixk'am chaq leeriitz'in, ut laa'ex texkanaaq wan sa' tz'alam. Chi jo'kan taanawmanq ma yaal li nekeye. Wi ut ink'a', ch'olch'ooq, sa' xk'ab'a' laj Parahón, naq laa'ex aj ch'uukex”.

Números 13:1

Li Qaawa' kixye re laj Moisés:

Jueces 1:23

Eb' laj José ke'xtaqlaheb' aj k'ehol eetal sa' li tenamit a'an, li junxil Lus nayeemank re.