Josué 19:9 - Q'eqchi Bible

⁹ Li reechanihom eb' li ralal xk'ajol laj Simehón kichapmank rik'ineb' li ralal xk'ajol laj Judá, xb'aan naq li xch'och'eb' laj Judá jwal nim cho'q reheb'. Jo'kan naq eb' li ralal xk'ajol laj Simehón ke'xk'ul xna'ajeb' sa' xyanqeb' laj Judá.

Li Santil hu

⁹ Li ralal xcꞌajol laj Simeón queꞌqꞌueheꞌ xnaꞌajeb saꞌ xya̱nk lix naꞌajeb li ralal xcꞌajol laj Judá xban nak kꞌaxal cuiꞌchic nabal lix chꞌochꞌeb. Joꞌcan nak queꞌqꞌueheꞌ xnaꞌajeb saꞌ xya̱nkeb li ralal xcꞌajol laj Judá.

Josué 19:9 ပူးပေါင်းရင်းမြစ်များ

Éxodo 16:18

Ut naq ke'xb'is rik'in chakach, ke'xk'e reetal naq eb' li ke'xokok naab'al, maak'a' na'ela'ank reheb', ut eb' li ke'xokok b'a'b'ay tz'aqal wank reheb': li junjunq kixxok jo'ch'inal jo'nimal li tixtzeka.

Génesis 49:7

Tz'eqtaananb'ilaq taxaq li xjosq'ileb' xb'aan naq q'axal nim, ut tz'eqtaananb'ilaq taxaq li xwaxileb' xb'aan naq numtajenaq kaw! Tinjacheb' sa' xyanqeb' laj Jakob ut tincha'cha'iheb' sa' xyanqeb' laj Israel.

Josué 19:8

Jo'kan ajwi' kik'ehe'k reheb' chixjunileb' li k'aleb'aal li wankeb' sa' xsutam li tenamit a'an toj Bahalat Beher, Ramá re Nejeb. A'an a'in li reechanihom li xch'uuteb' li xteepal laj Simehón.

Josué 19:10

Li rox na'ajej b'uulinb'il rix ke'reechani eb' li ralal xk'ajol laj Sabulón, chi ch'uutal: li xnub'ajl li xch'och'eb' nawulak toj Sadud.

Números 26:54

Li naab'aleb', taayu' ru li xch'och'eb'; ut li ink'a' k'iheb', taak'os ru li xch'och'eb'. Eb' li junjunq te'eechaninq jo' xk'ihalil xe'ajlamank.