Josué 18:8 - Q'eqchi Bible

⁸ Eb' li winq li ke'sik'e'k ru chi xtz'iib'ankil reetalil li na'ajej ke'xchap xb'eheb', ut laj Josué kixye reheb': “Ayuqex, b'eenihomaq chixjunil li na'ajej ut tz'iib'ahomaq reetalil. Chirix a'an texsutq'iiq chaq wik'in ut laa'in tinb'uuli rix li ch'och' cho'q eere arin Siló, chiru li Qaawa'”, chan.

Li Santil hu

⁸ Eb li cui̱nk li queꞌsiqꞌueꞌ ru queꞌco̱eb riqꞌuin laj Josué. Ut laj Josué quixtaklaheb ut quixye reheb: —Ayukex ut qꞌuehomak chak retal li naꞌajej aꞌin. Te̱bis chak ut nak acak xebis, te̱cꞌam chak li retalil cuiqꞌuin arin Silo, re nak la̱in tinbu̱li rix chiru li Ka̱cuaꞌ Dios, chan.

Josué 18:8 ပူးပေါင်းရင်းမြစ်များ

Romanos 14:19

Chiqak'e b'i' qach'ool chirix li k'aru nak'uub'ank re li tuqtuukilal ut li sumwaklesij ib'.

Josué 18:10

Toja' naq laj Josué kixb'uuli rix li na'ajej aran Siló, chiru li Qaawa', ut kixjek'i li ch'och' sa' xyanqeb' laj Israel.

1 Samuel 14:41

Toja' naq laj Saúl kixye: “At Qaawa', xYos laj Israel, k'a'ut naq ink'a' nakasume laj k'anjel chawu sa' li kutan a'in? Wi laa'in wank inmaak malaj xmaakob'k laj Jonatán li walal, k'e Urim, at Qaawa', xYos laj Israel. Ab'anan wi laatenamit Israel wank xmaak, k'e Tumim”, chan naq kitijok. Ut naq ke'b'uulik, kik'utunk naq laj Saúl ut laj Jonatán wankeb' xmaak, ut eb' li tenamit ke'kanaak chi maak'a'eb' xmaak.

Josué 18:6

Naq ak xejachi li ch'och' sa' wuqub' jachal, teetz'iib'a reetalil ut teek'am chaq wik'in re naq tinb'uuli rix arin, chiru li Qaawa' li qaYos.

Josué 18:1

Chixjunil li komonil reheb' li ralal xk'ajol laj Israel ke'ch'utlaak Siló ut aran ke'xxaqab' li Loq' laj Muheb'aal. Ak wank chixjunil li na'ajej rub'el xwankileb'.

Josué 15:1

A'an a'in li ch'och' kik'ehe'k rik'in b'uulink reheb' li ralal xk'ajol laj Judá, chi ch'uutal. Li na'ajej a'in natiklaak chaq sa' xnub'ajl Edom ut sa' li chaqich'och' re Sin, sa' xjayal rokeb'l iq', ut nawulak toj Kadés, sa' rokeb'l iq'.

Josué 13:7

Taajek'i reheb' li b'eleeb' chi teep ut re li xyiijachil xteepal laj Manasés”.

Génesis 13:17

Xaqlin, suti li ch'och' jo' najtil li roq ut jo' xnimal li ru, xb'aan naq aawe tink'e”, chan li Qaawa'.

Josué 18:9

Eb' a'an koheb', ke'xb'eeni chixjunil li na'ajej, ke'xtz'iib'a reetalil li ch'och' sa' wuqub' jachal ut ke'sutq'iik chaq rik'in laj Josué, sa' li xmuheb'aaleb' aran Siló.

Isaías 34:17

Li Qaawa', a'an li kik'ehok reheb' sa' xna'ajeb' ut rik'in ruq' kixjek'i li xtenamit li junjunq. A'anaqeb' laj eechal re chi junajwa ut aran te'wanq chi junelik q'e kutan.