Josué 18:7 - Q'eqchi Bible

⁷ Eb' laj Leví ink'a' taak'ehe'q xch'och'eb' sa' eeyanq, xb'aan naq li k'anjelak cho'q aj tij chiru li Qaawa' a'an li reechanihomeb'. Eb' laj Gad ut eb' laj Rubén ut li xyiijachil xteepal laj Manasés ak xk'ulumeb' li xna'ajeb' sa' xjayal releb'l saq'e, junpak'al li nima' Jordán, a' li ch'och' li kik'ehe'k reheb' xb'aan laj Moisés, laj k'anjel chiru li Qaawa'”, chan laj Josué.

Li Santil hu

⁷ Li ralal xcꞌajol laj Leví incꞌaꞌ ta̱qꞌuehekꞌ xnaꞌajeb xban nak eb aꞌan teꞌcꞌanjelak chokꞌ aj tij chiru li Ka̱cuaꞌ. Eb li ralal xcꞌajol laj Gad ut eb li ralal xcꞌajol laj Rubén, ut yijach li ralal xcꞌajol laj Manasés, eb aꞌan ac xeꞌxcꞌul lix naꞌajeb jun pacꞌal li nimaꞌ Jordán, li nacana saꞌ li este. Aran quiqꞌueheꞌ xnaꞌajeb xban laj Moisés laj cꞌanjel chiru li Dios, chan laj Josué.

Josué 18:7 ပူးပေါင်းရင်းမြစ်များ

Josué 13:33

Ab'anan laj Moisés ink'a' kixk'e xch'och'eb' li xteepal laj Leví: a' li Qaawa', xYos laj Israel, a'an li reechanihom, kama' ak xyehom chaq reheb'.

Números 18:20

Li Qaawa' kixye ajwi' re laj Aharón: “Ink'a' tattz'aq ch'och' sa' xyanqeb' laj Israel chi moko taaweechani junaq k'a' re ru. Laa'in laaweechanihom ut laa'ereens sa' xyanqeb' laj Israel.

Deuteronomio 10:9

Xb'aan a'an eb' laj Leví ink'a' ke'xk'ul xch'och'eb' jo' ke'xk'ul eb' li rech aj Israelil: a' li Qaawa' a'an li reechanihomeb', kama' yeeb'il chaq reheb' xb'aan li Qaawa' laaYos.)

Números 18:23

Ka'ajeb' wi' laj Leví te'xb'aanu li k'anjel sa' li Loq'laj Muheb'aal, ut sa' xb'eeneb' a'an taakanaaq li xmaakeb' laj Israel. A'an chaq'rab' chi junajwa cho'q reheb' li ralal xk'ajol eb' laj Leví li te'wanq moqon: ink'a' te'tz'aq ch'och' sa' xyanqeb' laj Israel,

Números 18:7

A'ut laa'at ut eb' laawalal laa'exaq laj tij sa' chixjunil li na'uxmank chiru li artal malaj sa' li k'anjel na'uxmank junpak'al li t'ilkem. Xink'e eere wank cho'q aj tij jo' jun eemaatan. Wi junaq li maawa' aj tij taajiloq chi k'anjelak cho'q aj tij, taakamsiiq”, chan li Qaawa'.

Josué 12:6

Laj Moisés, laj k'anjel chiru li Qaawa', ut eb' laj Israel ke'xq'ax ruheb' li awab'ej a'in, ut laj Moisés, laj k'anjel chiru li Qaawa', kixk'e li na'ajej a'in chi reechaniheb' laj Rubén, laj Gad ut li xyiijachil xteepal laj Manasés.