Josué 18:6 - Q'eqchi Bible

⁶ Naq ak xejachi li ch'och' sa' wuqub' jachal, teetz'iib'a reetalil ut teek'am chaq wik'in re naq tinb'uuli rix arin, chiru li Qaawa' li qaYos.

Li Santil hu

⁶ Nak acak xeꞌxbis ut ac xeꞌxjachi chi cuukub jachal, teꞌxtzꞌi̱ba retalil ut teꞌxcꞌam chak cuiqꞌuin re nak takabu̱li rix li naꞌajej chiru li Ka̱cuaꞌ Dios.

Josué 18:6 ပူးပေါင်းရင်းမြစ်များ

Josué 14:2

Li ch'och' a'in kijek'imank chi b'uulinb'il sa' xyanqeb' li b'eleeb' chi teep ut li xyiijachil xteepal laj Manasés, jo' chanru kixye li Qaawa' re laj Moisés.

Josué 18:10

Toja' naq laj Josué kixb'uuli rix li na'ajej aran Siló, chiru li Qaawa', ut kixjek'i li ch'och' sa' xyanqeb' laj Israel.

Hechos 13:19

Moqon chik kixsach wuqub' chi tenamit sa' xch'och'eb' laj Kanahán ut kixk'e chi reechani li xna'ajeb'

Proverbios 18:18

Li xraqb'a aatin li Yos naxraq li wech'ij ib', ut naxjek' li kaweb' rib' li yookeb' chi yalok.

Proverbios 16:33

Li winq naxb'uuli rix li tixb'aanu, ab'an li Qaawa' yaal re sa' xb'een chixjunil.

Salmos 105:11

naq kixye: “Tink'e aawe li tenamit Kanahán, ut tinsi aawe cho'q aaweechanihom”, chan.

Josué 18:8

Eb' li winq li ke'sik'e'k ru chi xtz'iib'ankil reetalil li na'ajej ke'xchap xb'eheb', ut laj Josué kixye reheb': “Ayuqex, b'eenihomaq chixjunil li na'ajej ut tz'iib'ahomaq reetalil. Chirix a'an texsutq'iiq chaq wik'in ut laa'in tinb'uuli rix li ch'och' cho'q eere arin Siló, chiru li Qaawa'”, chan.

Números 34:13

Laj Moisés kixnumsi eb' li aatin a'in reheb' laj Israel, ut kixye ajwi': “A'an a'in li na'ajej teejek'i cherix chi b'uulinb'il, a' li xye li Qaawa' naq taaq'axtesiiq reheb' li b'eleeb' teep ut li xyiijachil li jun chik,

Números 33:54

Teejek'i li ch'och' chi b'uulinb'il sa' xyanqeb' li junq teep. Li naab'aleb', teeyu' ru li xch'och'eb'; ab'an li ink'a' k'iheb', teek'os ru li xch'och'eb'. B'ar taatz'aq li junq teep, aran wanq li ch'och' taareechani. Teejek'i li ch'och', a' yaal ani li xxe'toonil yuwa'eb'.

Josué 18:7

Eb' laj Leví ink'a' taak'ehe'q xch'och'eb' sa' eeyanq, xb'aan naq li k'anjelak cho'q aj tij chiru li Qaawa' a'an li reechanihomeb'. Eb' laj Gad ut eb' laj Rubén ut li xyiijachil xteepal laj Manasés ak xk'ulumeb' li xna'ajeb' sa' xjayal releb'l saq'e, junpak'al li nima' Jordán, a' li ch'och' li kik'ehe'k reheb' xb'aan laj Moisés, laj k'anjel chiru li Qaawa'”, chan laj Josué.