Josué 18:12 - Q'eqchi Bible

¹² Li xnub'ajl sa' releb'l iq' natiklaak wan wi' li nima' Jordán, nataqe'k sa' xjayal releb'l iq' re Jerikó, toj naxtaw li k'iche' sa' rokeb'l saq'e, ut nokox'elq sa' li chaqich'och' re Bet-Abén.

Li Santil hu

¹² Li naꞌajej li queꞌtzꞌak eb aꞌan naticla cuan cuiꞌ li nimaꞌ Jordán saꞌ li norte. Ut nacuulac cuan cuiꞌ li tenamit Jericó saꞌ li norte. Naxic cuan cuiꞌ li tzu̱l li cuan saꞌ li oeste. Ut nocox-e̱lk saꞌ li chaki chꞌochꞌ Bet-avén.

Josué 18:12 ပူးပေါင်းရင်းမြစ်များ

Josué 16:1

Li na'ajej li ke'reechani eb' li ralal xk'ajol laj José natiklaak chaq sa' releb'l saq'e wan wi' li nima' Jordán, sa' xjayal Jerikó (a' li xha'il Jerikó), sa' li chaqich'och' nataqe'k Jerikó toj sa' li xtzuulul Betel.

Josué 7:2

Wankeb' winq ke'taqlaak xb'aan laj Josué toj Ay, nach' rik'in Bet-Abén, sa' releb'l saq'e sa' xjayal Betel: “Ayuqex ut k'ehomaq chaq reetal li tenamit Ay”, chu'uxkeb' re. Eb' a'an ke'elk Jerikó, koheb' ut ke'xk'e reetal li tenamit Ay.

Oseas 10:5

Eb' laj Samaria neke'siksotk ut neke'yaab'ak xb'aan naq xsache'k li wakax oor re Bet-Abén. Neke'huyhutk chi yaab'ak eb' li tenamit rochb'eeneb' laj tij, xb'aan naq xsache'k xloq'al li xyoseb'.

Oseas 5:8

Yaab'asihomaq li pur aran Kibehá ut puktesihomaq li esil a'in aran Ramá. Yehomaq chaq reheb' laj Bet-Abén; kawal wanqeb' laj Benjamín.

Oseas 4:15

“At Israel, wi laa'at nakamux laapaab'aal, ab'an ink'a' taxaq taamaakob'q laj Judá. Mexxik aran Kilkal chi moko chex'ok Bet-Abén; meeye eejurament sa' xk'ab'a' li Qaawa'.

Josué 6:1

Maa'ani na'elk chi moko na'ok Jerikó, xb'aan naq tz'aptz'ookeb' chi us li rokeb'aal li tenamit xb'aan xxiweb' chiruheb' laj Israel.

Josué 3:16

li roq li ha' nachalk chaq taqe'q kixaqliik ut kixtuub' rib', nach' rik'in li tenamit Adám li wank chi xk'atq li tenamit Sartán; ut li ha' li naxik taq'a sa' li palaw re Arabá (Atz'aminb'il Palaw ajwi' nayeemank re), ink'a' chik naxik, kixjach b'an rib' rik'in li wank taqe'q. Toja' naq li tenamit ke'nume'k junpak'al, sa' xka'yab'aal Jerikó.

Josué 2:1

Laj Josué, ralal laj Nun, toj Sitín kixtaqla chaq chi muqmu wiib' laj k'ehol eetal, ut kixye reheb': “Ayuqex ut k'ehomaq reetal li na'ajej ut li tenamit Jerikó”, chan. Eb' a'an koheb' ut koxe'okaq sa' rochoch jun aj yumb'eet, xRajab xk'ab'a', ut aran ke'wark.

Josué 8:15

Laj Josué ut chixjunileb' laj Israel ke'xb'aanu rib'eb' jo' li xe'q'axe'k ru xb'aaneb' laj Ay, ut ke'elelik sa' xb'ehel li chaqich'och'.

Josué 18:11

Naq ak xe'xb'uuli rix li na'ajej, eb' li ralal xk'ajol laj Benjamín ke'xk'ul li na'ajej li wank sa' xyi li xch'och'eb' li ralal xk'ajol laj Judá ut li ralal xk'ajoleb' laj José.

1 Samuel 13:5

ut eb' laj Filistea ke'ch'utlaak re yalok rik'ineb' laj Israel: lajeeb' xka'k'aal mil (30,000) chi b'eleb'aal ch'iich', o'laju o'q'ob' (6,000) chi kawaay ut k'ajo'eb' xk'ihal laj puub' jo' tana xk'ihal li samahib' chire li palaw. Koheb' ut ke'xyiib' xmuheb'aaleb' Mikmás, sa' xjayal releb'l saq'e re Bet-Abén.