Josué 18:10 - Q'eqchi Bible

¹⁰ Toja' naq laj Josué kixb'uuli rix li na'ajej aran Siló, chiru li Qaawa', ut kixjek'i li ch'och' sa' xyanqeb' laj Israel.

Li Santil hu

¹⁰ Laj Josué quibu̱lic chirix li naꞌajej chiru li Ka̱cuaꞌ Dios aran Silo. Chi joꞌcaꞌin quixjeqꞌui li chꞌochꞌ aꞌin reheb li ralal xcꞌajol laj Israel.

Josué 18:10 ပူးပေါင်းရင်းမြစ်များ

Colosenses 1:12

chexyoxinq rik'in sahil ch'oolej chiru li Yuwa'b'ej li xk'ehok eere chi tz'aqonk sa' li xmaataneb' laj santil paab'anel sa' li saqenk.

Hechos 13:19

Moqon chik kixsach wuqub' chi tenamit sa' xch'och'eb' laj Kanahán ut kixk'e chi reechani li xna'ajeb'

Josué 18:6

Naq ak xejachi li ch'och' sa' wuqub' jachal, teetz'iib'a reetalil ut teek'am chaq wik'in re naq tinb'uuli rix arin, chiru li Qaawa' li qaYos.

Hechos 26:18

re xteeb'al xsa' ruheb', re naq te'xkanab' li aak'ab' ut te'ok sa' li saqenk, te'elq rub'el xwankil laj tza ut te'xq'axtesi rib' sa' ruq' li Yos; ut rik'in inpaab'ankil te'xk'ul xkuyb'al xsachb'al li xmaakeb' jo' ajwi' te'xtaw xna'ajeb' sa' xyanqeb' li santob'resinb'ileb'».

San Juan 17:2

ut, sa' xk'ab'a' li wankil aak'ehom re sa' xb'eeneb' chixjunil li yo'yookeb', tixk'e taxaq xjunelik yu'am chixjunileb' li xak'eheb' re.

San Mateo 27:35

Chirix chik a'an ke'xk'e chiru krus, ke'xjek'i li raq' chirib'ileb' rib' chi b'uulinb'il rix:

Ezequiel 48:29

“A'an a'in li na'ajej teejek'i chirixeb' li xteepaleb' laj Israel chi b'uulinb'il rix, ut a'an li te'reechani chi siir -chan li Qaawa'-.

Ezequiel 47:22

A'anaq leereechanihom; a'anaq ajwi' li na'ajej te'tz'aq li jalaneb' xtenamit wankeb' sa' eeyanq ut xe'wank ralal xk'ajoleb' sa' eeyanq. Juntaq'eet teeril jo'eb' aj Israel; sa' xjek'inkil li ch'och' eb' a'an ajwi' te'tz'aq na'ajej sa' eeyanq laa'ex aj Israel.

Proverbios 18:18

Li xraqb'a aatin li Yos naxraq li wech'ij ib', ut naxjek' li kaweb' rib' li yookeb' chi yalok.

Salmos 61:5

Laa'in taxaq tinwanq junelik sa' laamuheb'aal, chinmuhenq junelik rub'el laakupuhom!

Salmos 47:4

Xq'axtesiheb' sa' quq' chixjunileb' li poyanam, ut xk'eheb' rub'el qoq chixjunileb' li tenamit.

Josué 19:51

A'an a'in li ch'och' li ke'xjek'i laj Elehasar laj tij, laj Josué, ralal laj Nun, ut eb' li neke'taqlank sa' junkab'lal. Ke'xb'uuli chirixeb' li xteepaleb' laj Israel sa' li na'ajej Siló, chiru li Qaawa', sa' rokeb'aal li Loq'laj Muheb'aal. Ut chi jo'kan kiraqe'k xjek'inkil li na'ajej reheb' laj Israel.

Josué 18:8

Eb' li winq li ke'sik'e'k ru chi xtz'iib'ankil reetalil li na'ajej ke'xchap xb'eheb', ut laj Josué kixye reheb': “Ayuqex, b'eenihomaq chixjunil li na'ajej ut tz'iib'ahomaq reetalil. Chirix a'an texsutq'iiq chaq wik'in ut laa'in tinb'uuli rix li ch'och' cho'q eere arin Siló, chiru li Qaawa'”, chan.

Números 34:16

Ut li Qaawa' kixye re laj Moisés:

Josué 18:9

Eb' a'an koheb', ke'xb'eeni chixjunil li na'ajej, ke'xtz'iib'a reetalil li ch'och' sa' wuqub' jachal ut ke'sutq'iik chaq rik'in laj Josué, sa' li xmuheb'aaleb' aran Siló.

Josué 18:11

Naq ak xe'xb'uuli rix li na'ajej, eb' li ralal xk'ajol laj Benjamín ke'xk'ul li na'ajej li wank sa' xyi li xch'och'eb' li ralal xk'ajol laj Judá ut li ralal xk'ajoleb' laj José.

Jeremías 7:12

«Ayuqex anaqwan aran Siló, sa' li na'ajej kiloq'oniik wi' wu najter, ut k'ehomaq reetal k'aru kinb'aanu re xb'aan li xmaa'usilaleb' laj Israel, lintenamit.

Miqueas 2:5

Jo'kan naq laa'ex ink'a' textz'aqonq sa' xyanqeb' li xtenamit li Qaawa'.

Josué 14:2

Li ch'och' a'in kijek'imank chi b'uulinb'il sa' xyanqeb' li b'eleeb' chi teep ut li xyiijachil xteepal laj Manasés, jo' chanru kixye li Qaawa' re laj Moisés.

Josué 14:5

Eb' laj Israel ke'xjek'i li ch'och' jo' tz'aqal kiyehe'k re laj Moisés xb'aan li Qaawa'.

Josué 23:4

Chek'e reetal, xink'e eere chi b'uulinb'il chixjunileb' li na'ajej a'in chereechani. Moko ka'aj ta wi' eb' li tenamit li ak xqeechani, xink'e aj b'an wi' eere eb' li tenamit maji' xqachap, chalen chaq wan wi' li nima' Jordán toj sa' li Nimla Palaw, sa' xjayal rokeb'l saq'e.

1 Crónicas 24:5

Li xtz'aqonikeb' yal ke'xb'uuli rix chirixeb' chixjunil, xb'aan naq sa' xyanqeb' li ralal xk'ajol laj Elehasar jo' ajwi' sa' xyanqeb' li ralal xk'ajol laj Itamar wankeb' aj k'anjel sa' li Loq'laj Ochoch ut aj k'anjeleb' chiru li Yos.

Nehemías 11:1

Eb' li xjolomil li tenamit ke'na'ajunk Jerusalén; ut eb' li junch'ol chik ke'b'uuliik rixeb', re naq sa' xyanq li lajeetq chi winq jun taakanaaq chi wank Jerusalén, li Loq'laj Tenamit, ut li b'eleeb'eb chik toxe'na'ajunq sa'eb' li jalaneb' tenamit.