Josué 17:16 - Q'eqchi Bible

¹⁶ Ke'chaq'ok eb' li ralal laj José ut ke'xye: “Yaal ajwi'. Moko tz'aqal ta li k'iche' cho'q qe. Ab'an sa' li ru taq'a chixjunileb' laj Kanahán wankeb' xb'eleb'aal ch'iich' re yalok, yiib'anb'ileb' rik'in ch'iich': eb' laj Kanahán li wankeb' Betsán ut sa' li xsutam, jo' ajwi' eb' li wankeb' sa' xtaq'ahil Jisrehel”, chankeb'.

Li Santil hu

¹⁶ Eb li ralal xcꞌajol laj José queꞌxye: —Li naꞌajej li tzu̱l ru incꞌaꞌ ta̱tzꞌaklok chokꞌ ke. Ut eb laj cananeo li cuanqueb saꞌ li naꞌajej aꞌan, joꞌ ajcuiꞌ li cuanqueb saꞌ li ru takꞌa cuanqueb xcarruaje re pletic. Joꞌcan ajcuiꞌ li cuanqueb Bet-seán, joꞌ ajcuiꞌ li cuanqueb saꞌ li cꞌaleba̱l. Joꞌcan ajcuiꞌ li cuanqueb saꞌ li ru takꞌa Jezreel, chanqueb.

Josué 17:16 ပူးပေါင်းရင်းမြစ်များ

1 Reyes 4:12

laj Bahaná, ralal laj Ajilud, kiwank sa' xteepal Tanak, Mejido ut sa' chixjunil Betsán, li wank chi xk'atq Sartán, toj sa' xtaq'ahil Jesrehel, chalen Betsán toj Abel-Mejolá ut toj junpak'al Yoknehán;

Jueces 4:3

Laj Jabín wank o'k'aal rox o'q'ob' (900) xb'eleb'aal ch'iich' ut k'ajo' naq kixrahob'tesiheb' laj Israel chiru junmay chihab'. Jo'kan naq eb' laj Israel ke'xtz'aama xtenq'ankileb' chiru li Qaawa'.

Jueces 1:19

Ab'anan us ta li Qaawa' wank rik'ineb' laj Judá li ke'eechanink re li tzuul, ink'a' ke'ruuk risinkileb' li wankeb' sa' li taq'a ru, xb'aan naq eb' a'in wankeb' xb'eleb'aal ch'iich'.

Jueces 6:33

Chirix chik a'an ke'xjunaji rib' chixjunileb' laj Madián, eb' laj Amalek jo' ajwi' chixjunileb' li wankeb' sa' xjayal releb'l saq'e; ke'q'axonk junpak'al li nima' Jordán ut koxe'xyiib' xmuheb'aaleb' sa' xtaq'ahil Jisrehel.

Josué 17:18

eerehaq aj b'an wi' li tzuul li k'iche' ru. T'anomaqeb' li che', ut chi jo'kan teereechani chixjunil li na'ajej a'an. Teerisiheb' laj Kanahán, us ta wankeb' xb'eleb'aal ch'iich' yiib'anb'ileb' rik'in ch'iich' ut q'axal kaweb' rib'”, chan laj Josué.

2 Reyes 9:37

Li xch'och'el xsululel taakanaaq jo' li k'ot cho'q xq'emal li ch'och', re naq maajun chiyehoq: A'an lix Jesabel»”.

2 Reyes 9:10

Ut lix Jesabel taatiwe'q xb'aaneb' li tz'i' sa' li k'aleb'aal re Jisrehel, chi maajun taamuquq re»”. Tikto kixte li okeb'aal ut ki'elelik.

1 Reyes 21:23

X'aatinak ajwi' li Qaawa' chirix lix Jesabel ut xye: «Lix Jesabel taatiwe'q xb'aaneb' li tz'i' sa' xteepal Jisrehel».

1 Reyes 21:1

Jun li winq aj Jisrehel, aj Nabot xk'ab'a', wank jun awimq uub', chi xk'atq rochoch laj Ajab, awab'ej re Samaria.

1 Reyes 18:46

Li Qaawa' wank rik'in laj Elías: a'in kixb'ak' rib' chiru li xk'aamal xsa' ut koho sa' aanil chiru laj Ajab toj reetal kiwulak sa' li tenamit Jisrehel.

Jueces 4:13

kixch'utub' chixjunileb' li xb'eleb'aal ch'iich' ut eb' laj puub', ut rochb'eeneb' ke'elk aran Jaróset-Hakohín ut koheb' wan wi' li nima' Kisón.

Josué 19:18

Li xch'och'eb' nawulak toj Jisrehel ut nokoxtaw Kesulot ut Sunén;

Josué 17:11

Laj Manasés kixk'ul ajwi' eb' li tenamit a'in sa' xch'och'eb' laj Isakar ut laj Aser: Betsán rochb'eeneb' li xk'aleb'aal; Iblehán rochb'eeneb' li xk'aleb'aal; Dor rochb'eeneb' li xk'aleb'aal; Tanak ut Mejido rochb'eeneb' li xk'aleb'aal, ut jun rox raqal re Néfet.

Josué 17:15

Kichaq'ok laj Josué ut kixye: “Wi laa'ex naab'alex, ayuqex sa' li k'iche' ut t'anomaq eb' li loq'laj che' sa' xch'och'eb' laj Perés ut eb' laj Refait, xb'aan naq q'axal laatz' cho'q eere li na'ajej re Efraín”, chan.

Josué 17:17

Toja' naq laj Josué kixye reheb' li ralal xk'ajol laj José, laj Efraín ut laj Manasés: “Laa'ex jun nimla tenamit ut jwal kaw eerib'. Jo'kan naq moko jun jachal ta teereechani,

1 Reyes 18:45

Ut chi junpaat kiq'oqyino'k ru li choxa xb'aan li choql ut li iq', ut kichalk jun kawil hab'. Laj Ajab kitaqe'k sa' li xb'eleb'aal ch'iich' ut koho Jisrehel.

Jeremías 49:2

“Jo'kan naq chalk re xkutankil naq aran Rabá, sa' xteepal Amón, taa'ab'imanq li xyaab' kuxej re yalok ut po'lem taakanaaq wi' li tenamit a'an; te'k'atmanq eb' li poyanam ut eb' laj Israel te'reechani wi' chik li na'ajej kimaq'e'k chiruheb' -chan li Qaawa'-.

Josué 15:56

Jisrehel, Yokdehán, Sanóhaj,

1 Samuel 29:1

Eb' laj Filistea ke'xch'utub' chixjunileb' laj puub' aran Afek, ut eb' laj Israel ke'xk'ojob' li xmuheb'aaleb' chi xk'atq li yo'leb'aal ha' li wank Jisrehel.