Josué 14:8 - Q'eqchi Bible

⁸ Laa'in kinwank chi tiik linch'ool chirix li Qaawa' linYos, us ta eb' li was wiitz'in li koheb' wochb'een ke'xch'ina xch'ooleb' li tenamit.

Li Santil hu

⁸ Eb li queꞌcuulac chicuix queꞌxqꞌue xxiuheb li tenamit riqꞌuin li cꞌaꞌru queꞌxye chirix li naꞌajej aꞌan. Abanan la̱in quinba̱nu joꞌ li quixye li Ka̱cuaꞌ lin Dios.

Josué 14:8 ပူးပေါင်းရင်းမြစ်များ

Números 14:24

A'ut laj Kaleb aj k'anjel chiwu, jalan wi' li xna'leb' chiruheb' a'an, ut xinxpaab' chi tz'aqal re ru. Jo'kan naq taa'ok sa' li na'ajej li xo'ril chaq, ut eb' li ralal xk'ajol te'eechaninq re li ch'och' a'an.

Deuteronomio 1:36

Ka'ajwi' laj Kaleb, ralal laj Jefuné, a'an yaal naq toxril: laa'in tinq'axtesi re a'an ut reheb' li ralal xk'ajol li ch'och' li wankeb' wi', xb'aan naq xtaaqi li Qaawa' chi tz'aqal re ru», chan li Qaawa'.

Josué 14:14

Jo'kan naq Hebrón toj chalen sa' li kutan a'in kikanaak cho'q reechanihom laj Kaleb, ralal laj Jefuné aj Kenís, xb'aan naq kixtaaqe li Qaawa', xYos laj Israel, chi junelik.

Números 13:31

A'ut eb' li winq ke'ochb'eenink re chi rilb'al li tenamit Kanahán, ke'xye: “Ink'a' naru tooxik chi yalok rik'in li tenamit a'an, xb'aan naq jwal kaweb' rib' chiqu laa'o”, chankeb'.

Apocalipsis 14:4

A'aneb' a'in li ink'a' ke'xmux rib'eb' rik'in ixq xb'aan naq wankeb' chi xjunxaqalil: neke'xtaaqe li Karneer yalaq b'ar. Eb' a'in kolb'ileb' sa' xyanqeb' li winq jo'keb' xb'een u cho'q re li Yos ut li Karneer.

Números 32:12

Ka'ajeb' wi' laj Kaleb, ralal laj Jefuné aj Kenís, ut laj Josué, ralal laj Nun, naru te'ok xb'aan naq ke'xpaab' li Qaawa' chi anchaleb' xch'ool.

Números 14:1

Toja' naq chixjunil li komonil ke'ok chi xjapb'al reheb' ut ke'xnumsi q'oqyink chi yaab'ak.

Deuteronomio 1:28

Ut anaqwan b'ar tooxik? Q'axal x'ok qaxiw xb'aan li xe'xye eb' li qas qiitz'in naq aran wankeb' poyanam jwal kaweb' rib' ut q'axal k'iheb' chik chiqu laa'o. Eb' li xtenamiteb' a'an jwal ninqeb' ut toj sa' choxa neke'wulak li xsuttz'akil. Ut a'atqeb' laj Anak xe'ilmank ru aran», chankex.