Josué 13:26 - Q'eqchi Bible

²⁶ jo' ajwi' Jesbón toj Ramat-Hamispé ut Betonín, ut chalen chaq Majanáhin toj sa' li na'ajej Debir.

Li Santil hu

²⁶ Li naꞌajej aꞌan nacuulac cuan cuiꞌ li tenamit Hesbón ut toj saꞌ li naꞌajej Ramat-mizpa ut saꞌ li tenamit Betonim. Nacuulac cuan cuiꞌ li tenamit Mahanaim. Nacuulac toj cuan cuiꞌ li tenamit Debir.

Josué 13:26 ပူးပေါင်းရင်းမြစ်များ

2 Samuel 17:27

Naq laj David kiwulak Majanáhin, kik'ule'k aran xb'aan laj Sobí, ralal laj Najás, (Rabá li xtenamit, li wank sa' xteepal Amón) ut xb'aan laj Makir, ralal laj Amiel, aj Lodebar, jo'wi' xb'aan laj Barsilay, aj Rokelín re Galahad.

2 Samuel 2:8

Ab'an laj Abner, ralal laj Ner, xjolomileb' laj puub' re laj Saúl, kixb'oq laj Isbahal, ralal laj Saúl, ut kixk'am chirix toj Majanáhin.

1 Reyes 22:3

Ut li awab'ej re Israel kixye reheb' laj k'anjel chiru: “Laa'ex nekenaw chi us naq li tenamit Ramot, li wank sa' xteepal Galahad, a'an qe laa'o. Ab'anan maak'a' yooko re risinkil rub'el xwankil li awab'ej re Aram”.

Jueces 11:29

Toja' naq li xMusiq' li Qaawa' kikub'e chaq sa' xb'een laj Jefté; ut a'in kixb'eeni Galahad ut Manasés, kinume'k Mispá re Galahad ut chirix a'an ki'ok sa' xna'ajeb' laj Amón.

Jueces 11:11

Toja' naq laj Jefté koho chirixeb', ut eb' li tenamit ke'xxaqab' a'an cho'q aj k'amol b'e ut aj jolominel. Aran Mispá laj Jefté kixye wi' chik chiru li Qaawa' chixjunil li aatin li ak xye.

Jueces 10:17

Eb' laj Amón ke'xch'utub' rib' ut ke'xyiib' li xmuheb'aaleb' aran Galahad. Ut eb' laj Israel ke'xch'utub' rib' ut ke'xk'ojob' li xmuheb'aaleb' Mispá.

Josué 21:38

Sa' xteepal Gad, ke'xk'ul Ramot re Galahad cho'q tenamit b'arwi' te'xkol rib' eb' laj kamsinel ras riitz'in, ut Majanáhin,

Josué 20:8

Junpak'al li nima' Jordán, sa' xjayal releb'l saq'e re Jerikó, ke'xsik' ruheb': Béser, sa' xteepal Rubén sa' li chaqich'och', sa' li taq'a ru; Ramot aran Galahad, sa' xteepal Gad, ut Golán aran Basán, sa' xteepal Manasés.

Génesis 31:49

Mispá ajwi' xk'ab'a' li jun tuub' chi pek a'an, xb'aan naq kixye laj Labán: “Li Qaawa' taxaq chik'aak'alenq qe naq tqajek' qib'.

Josué 13:25

Li xch'och'eb' a'an Jaser, chixjunileb' li tenamit re Galahad, li xyiijachil li xna'ajeb' laj Amón toj Aroher, li wank sa' xka'yab'aal Rabá,

Josué 13:27

Xch'och'eb' ajwi' laj Gad chiru taq'a: Bet-Harán, Bet-Nimrá, Sukot, Safón, li rela' li x'awab'ejihom laj Sijón, awab'ej re Jesbón, li nima' Jordán ut li na'ajej toj sa' xmaril li palaw re Genesaret, sa' xjayal releb'l saq'e re li nima' Jordán.

1 Reyes 4:14

laj Ajinadab, ralal laj Idó, kiwank Majanáhin;