Josué 12:8 - Q'eqchi Bible

⁸ eb' li tzuul, li ru taq'a, li Arabá, li na'ajej wank chi xtoonal li tzuul, li chaqich'och' ut li Nejeb. Sa' chixjunil li na'ajej a'in ke'wank xb'enwa eb' laj Hit, eb' laj Amor, eb' laj Kanahán, eb' laj Perés, eb' laj Jib ut eb' laj Jebús.

Li Santil hu

⁸ Li naꞌajej li quixjeqꞌui, aꞌaneb aꞌin: li tzu̱l ru ut li ru takꞌa re li nimaꞌ Jordán, ut li chaki chꞌochꞌ joꞌ ajcuiꞌ li cuan jun pacꞌal, joꞌ ajcuiꞌ li naꞌajej Neguev. Chixjunil li naꞌajej aꞌin, aꞌan li queꞌcuan cuiꞌ eb laj heteo, eb laj amorreo, eb laj cananeo, eb laj ferezeo, ut eb laj heveo ut eb laj jebuseo.

Josué 12:8 ပူးပေါင်းရင်းမြစ်များ

Josué 11:16

Laj Josué kireechani chixjunil li na'ajej sa' xyanqeb' li tzuul, li Nejeb, chixjunil li ch'och' re Gosen, Arabá, li Taq'a ru, jo'eb' ajwi' li tzuul ut li ru taq'a re Israel.

Josué 10:40

Jo'ka'in naq laj Josué kireechani chixjunil li na'ajej: eb' li tzuul, Nejeb, eb' li ru taq'a ut li na'ajej wank chi xk'atq. Kixq'ax ruheb' chixjunil li awab'ej, kixsacheb' ru chixjunil li wankeb' xyu'am aran ut maajun chik kikanaak chi yo'yo, kama' yeeb'il reheb' xb'aan li Qaawa', xYos laj Israel.

Josué 9:1

Ke'rab'i resil a'in chixjunileb' li awab'ej li wankeb' arin chaq re li nima' Jordán, sa' rokeb'l saq'e, sa' k'iche' jo' wi' sa'eb' li taq'ahil ch'och', chire li Nimla Palaw toj sa' xsutam Líbano.

Deuteronomio 9:1

“Ab'i, Israel. Sa' li kutan a'in texnume'q junpak'al li nima' Jordán re risinkileb' li poyanam k'ajo' xk'ihaleb' ut jwal kaweb' rib' chawu, xninqal tenamit li nawulak toj sa' choxa li xsuttz'akeb':

Deuteronomio 7:1

“Naq akaq xatroksi li Qaawa' laaYos sa' li ch'och' toxaaweechani, ut naq akaq xrisiheb' chawu eb' li k'iila tenamit (a'eb' laj Hit, laj Kirkás, laj Amor, laj Kanahán, laj Perés, laj Jib ut laj Jebús: wuqub'eb' chi tenamit jwal naab'aleb' ut q'axal kaweb' rib' chawu laa'at),

Éxodo 23:23

K'amolb'ehaq lin'ánjel chawu ut tatroksi sa' xch'och'eb' laj Amor, laj Hit, laj Perés, laj Kanahán, laj Jib ut laj Jebús, ut teb'insach chi junajwa.

Éxodo 3:8

Jo'kan naq xinkub'e chaq chi xkolb'aleb' sa' ruq'eb' laj Ejiipt, chi risinkileb' sa' li na'ajej a'an ut chi xk'amb'aleb' sa' jun li ch'och' chaab'il ut yamyo, sa' jun li ch'och' k'ajo' xq'emal, sa' xna'ajeb' laj Kanahán, laj Hit, laj Amor, laj Perés, laj Jib ut laj Jebús.

Génesis 10:17

eb' laj Jib, eb' laj Arak, eb' laj Sin,

Génesis 12:9

Chirix chik a'an laj Abrán koho, naxjalihatq li xna'aj chi kok'aq xsa' toj kiwulak Nejeb.

Génesis 13:7

Neke'xch'i'ch'i'i rib'eb' laj ilol xketomq laj Abrán rik'ineb' laj ilol xketomq laj Lot (sa'eb' li kutan a'an wankeb' chaq laj Kanahán ut eb' laj Perés sa' li na'ajej a'an).

Josué 3:10

Rik'in a'in teenaw naq li yo'yookil Yos wank sa' eeyanq ut A'an ajwi' taa'isinq reheb' laj Kanahán, eb' laj Hit, eb' laj Jib, eb' laj Perés, eb' laj Kirkás, eb' laj Amor ut eb' laj Jebús sa' li na'ajej texnume'q wi'.

Jueces 1:9

Chirix chik a'an eb' laj Judá koheb' chi yalok rik'ineb' laj Kanahán li wankeb' chiru li Tzuul, sa' xteepal Nejeb ut sa' li Ru Taq'a.