Josué 12:6 - Q'eqchi Bible

⁶ Laj Moisés, laj k'anjel chiru li Qaawa', ut eb' laj Israel ke'xq'ax ruheb' li awab'ej a'in, ut laj Moisés, laj k'anjel chiru li Qaawa', kixk'e li na'ajej a'in chi reechaniheb' laj Rubén, laj Gad ut li xyiijachil xteepal laj Manasés.

Li Santil hu

⁶ Junxil laj Moisés rochbeneb lix soldado queꞌnumta saꞌ xbe̱neb li rey Sehón ut li rey Og. Ut li naꞌajej li queꞌre̱chani, laj Moisés quixjecꞌ reheb li jun te̱p chi ralal xcꞌajol laj Rubén, reheb li jun te̱p chi ralal xcꞌajol laj Gad ut reheb ajcuiꞌ yijach xte̱paleb li ralal xcꞌajol laj Manasés.

Josué 12:6 ပူးပေါင်းရင်းမြစ်များ

Números 32:33

Ut laj Moisés kixk'e li x'awab'ejihom laj Sijón, awab'ej re Amor, ut li x'awab'ejihom laj Og, awab'ej re Basán, reheb' li ralal xk'ajoleb' laj Gad, eb' li ralal xk'ajoleb' laj Rubén ut xyiijacheb' laj Manasés, li ralal laj José. Kixk'e ajwi' eb' li tenamit li wankeb' chi xnub'ajlil ut eb' li k'aleb'aal wankeb' chi xjunsutam.

Números 32:29

ut kixye reheb': “Wi eb' li ralal xk'ajoleb' laj Gad ut eb' laj Rubén, chixjunileb' li yo'ooneb' chi yalok, te'q'axonq junpak'al li nima' Jordán eerochb'een, re yalok jo' chanru xtaqlankileb' xb'aan li Qaawa', toj reetal toxeereechani li na'ajej, toja' naq teek'e chi reechanileb' li na'ajej Galahad.

Números 32:32

Laa'o tooxik chi yalok junpak'al li nima' Jordán, aran Kanahán, jo' naxye qe li Qaawa'; ab'an k'e chiqeechani li ch'och' wan chaq arin, sa' xjayal releb'l saq'e re li nima'”, chankeb'.

Josué 14:3

Laj Moisés ak xk'ehom xch'och'eb' laj Rubén, eb' laj Gad ut li xyiijachil xteepal laj Manasés aran, junpak'al li nima' Jordán; ab'an eb' laj Leví maak'a' xk'ulumeb' chaq.

Josué 18:7

Eb' laj Leví ink'a' taak'ehe'q xch'och'eb' sa' eeyanq, xb'aan naq li k'anjelak cho'q aj tij chiru li Qaawa' a'an li reechanihomeb'. Eb' laj Gad ut eb' laj Rubén ut li xyiijachil xteepal laj Manasés ak xk'ulumeb' li xna'ajeb' sa' xjayal releb'l saq'e, junpak'al li nima' Jordán, a' li ch'och' li kik'ehe'k reheb' xb'aan laj Moisés, laj k'anjel chiru li Qaawa'”, chan laj Josué.

Josué 22:4

Anaqwan li Qaawa' leeYos ak xk'ehom xhilaaleb' leeras eeriitz'in jo' yeechi'inb'il chaq xb'aan. Sutq'inqex b'i' ut ayuqex sa' leemuheb'aal, sa' li ch'och' k'eeb'il eere xb'aan laj Moisés, laj k'anjel chiru li Qaawa', junpak'al li nima' Jordán.

1 Reyes 4:19

laj Eber, ralal laj Urí, kiwank sa' xteepal Galahad, xna'aj laj Sijón, awab'ej re Amor, ut sa' xteepal laj Og, awab'ej re Basán. Kiwank ajwi' jun ruuchil li awab'ej sa' chixjunil li na'ajej a'an.