Josué 12:3 - Q'eqchi Bible

³ Ki'awab'ejink ajwi' sa' xb'een Arabá, sa' rokeb'l li saq'e, toj sa' li palaw re Genesaret ut toj wan wi' li Atz'aminb'il Palaw, sa' xb'ehil Bet-Yesimot, toj nawulak sa' xtoon li tzuul Piská, sa' rokeb'l li iq'.

Li Santil hu

³ Ut aꞌan ajcuiꞌ nataklan saꞌ xbe̱neb li naꞌajej li cuan saꞌ li este, li cuan saꞌ li ru takꞌa nachꞌ riqꞌuin li nimaꞌ Jordán. Naticla cuan cuiꞌ li palau Cineret. Nacuulac cuan cuiꞌ li palau Mar Muerto saꞌ xjayal li tenamit Bet-jesimot li cuan saꞌ li sur cuan cuiꞌ li tzu̱l Pisga.

Josué 12:3 ပူးပေါင်းရင်းမြစ်များ

Deuteronomio 3:17

Eb' li nima' Arabá ut Jordán wankeb' chaq cho'q nub'ajl chalen Kinéret toj wan wi' li palaw re Arabá (a'an li Atz'aminb'il Palaw), li wank chi xtoon li tzuul Piská, sa' xjayal releb'l saq'e.

Josué 13:20

Bet-Pehor, li xtoon li tzuul Piská, Bet-Yesimot,

Josué 11:2

ut reheb' li awab'ej li wankeb' sa' xjayal releb'l iq', sa' xyanqeb' li tzuul, sa' li ru taq'a li wank sa' xjayal rokeb'l iq' re Kinéret, sa' Taq'a ru ut sa' xyanqeb' li tzuul li wankeb' sa' rokeb'l saq'e re Dor.

Deuteronomio 4:49

rik'in chixjunil Arabá li wank sa' xjayal releb'l saq'e junpak'al li nima' Jordán, toj chire li palaw re Arabá, sa' xtoon li tzuul Piská.

San Juan 6:1

Chirix chik a'in koho li Jesus junpak'al li palaw re Galilea, Tiberias ajwi' nayeemank re li palaw a'an;

Josué 15:5

Sa' releb'l saq'e li nub'ajl a'an li Atz'aminb'il Palaw toj sa' li rokeb'l li nima' Jordán. Li nub'ajl sa' releb'l iq' natiklaak chaq chire li palaw, chi xk'atq li rokeb'l li ha' li nima' Jordán.

Josué 15:2

Li xnub'ajlil sa' xjayal rokeb'l iq' na'elk chaq sa' xmaril li Atz'aminb'il Palaw, tz'aqal sa' xtiklajik;

Josué 3:16

li roq li ha' nachalk chaq taqe'q kixaqliik ut kixtuub' rib', nach' rik'in li tenamit Adám li wank chi xk'atq li tenamit Sartán; ut li ha' li naxik taq'a sa' li palaw re Arabá (Atz'aminb'il Palaw ajwi' nayeemank re), ink'a' chik naxik, kixjach b'an rib' rik'in li wank taqe'q. Toja' naq li tenamit ke'nume'k junpak'al, sa' xka'yab'aal Jerikó.

Números 21:20

ut chalen Bamot toj chiru taq'a sa' xteepalil Mohab, sa' xjayal li tzuul Piská, sa' xka'yab'aal li chaqich'och'.

Génesis 19:25

ut kixsacheb' li tenamit a'an; kixsach ajwi' li ru taq'a, chixjunileb' li wankeb' sa' li tenamit ut chixjunil li che'k'aam.

Génesis 14:3

Chixjunileb' a'in ke'xjunaji rib' sa' xtaq'ahil Sidim, b'arwi' wank li Atz'aminb'il Palaw.

San Lucas 5:1

Naq wan chaq li Jesus chire li palaw Genesaret xk'ab'a' ut eb' li tenamit yookeb' chi xtiikisinkil rib' sa' xb'een re rab'inkil Raatin li Yos,

1 Reyes 15:20

Laj Ben-Adad kixpaab' li kixye laj Asá li awab'ej ut kixtaqlaheb' li xjolomileb' laj puub' chi yalok rik'ineb' li tenamit sa' xteepal Israel. Chi jo'kan kixsach ruheb' li tenamit Iyón, Dan ut Abel-Bet-Mahaká, jo' ajwi' chixjunil xteepal Kinerot ut li xteepal Neftalí.

Ezequiel 25:9

Jo'kan naq tinkanab'eb' chi ok sa' xteepal Mohab li poyanam wankatqeb' sa' xjayal releb'l saq'e, ut tinjuk'i chi xka'pak'alil Bet-Yesimot, Bahal-Mehón ut Kiriatáhin, a'aneb' li xninqal ru tenamit.

Números 34:11

Taakub'eeq chaq Sefán toj Riblá, sa' xjayal releb'l saq'e re Ayin, ut toj taakub'eeq chaq toj chire li palaw re Kinéret sa' xjayal releb'l saq'e,