Josué 12:1 - Q'eqchi Bible

¹ A'aneb' a'in li awab'ej li ke'q'axe'k ru xb'aaneb' laj Israel junpak'al li nima' Jordán, sa' xjayal releb'l saq'e. A'aneb' a'in chixjunileb' li na'ajej reechanihomeb' laj Israel: natiklaak wan wi' li nima' Arnón ut nawulak toj sa' li tzuul Hermón rochb'een chixjunil Arabá, li wank sa' xjayal releb'l saq'e:

Li Santil hu

¹ Aꞌaneb aꞌin li rey li queꞌsacheꞌ ruheb xbaneb laj Israel. Li naꞌajej li queꞌcuan cuiꞌ, aꞌan cuan jun pacꞌal li nimaꞌ Jordán saꞌ xjayal li na-el cuiꞌ li sakꞌe. Naticla cuan cuiꞌ li nimaꞌ Arnón. Nacuulac cuan cuiꞌ li tzu̱l Hermón ut saꞌ chixjunil li naꞌajej Arabá li cuan saꞌ li este.

Josué 12:1 ပူးပေါင်းရင်းမြစ်များ

Jueces 11:18

Moqon chik sa' li chaqich'och' ke'xk'e q'oot chirix li na'ajej Edom ut Mohab, ut ke'wulak sa' xjayal releb'l saq'e re Mohab. Ke'hilank junpak'al li nima' Arnón, ab'an ink'a' ke'xq'ax li nima', xb'aan naq aran natiklaak li na'ajej Mohab.

Josué 1:15

toj reetal li Qaawa' tixk'eheb' chi hilank eerochb'eeneb'. Ut akaq xe'reechani li xna'ajeb', texsutq'iiq wi' chik sa' leena'aj k'eeb'il eere xb'aan laj Moisés aj k'anjel chiru li Qaawa', sa' releb'l saq'e, chire li nima' Jordán”, chan laj Josué.

Números 21:24

Ab'an eb' laj Israel ke'xkamsiheb' chi ch'iich' ut ke'reechani li xch'och'eb' chalen Arnón toj Yabok, toj sa' xnub'ajleb' laj Amón (xb'aan naq Jaser wank sa' xnub'ajleb' laj Amón).

Números 21:13

Ke'elk aran ut koxe'hilanq toj junpak'al li nima' Arnón li wank sa' li chaqich'och'. Li nima' a'an na'elk sa' xch'och'eb' laj Amor ut wank cho'q xnub'ajlil Mohab rik'ineb' laj Amor.

Isaías 16:2

Chanchaneb' li xik'anel xul li xe'isiik sa' li xsukeb', jo'kaneb' laj Mohab chi q'axonk junpak'al li nima' Arnón.

Salmos 133:3

Chanchan li k'ajob' re li tzuul Hermón li yo chi kub'eek sa' xb'een Sión. Xb'aan naq aran li Qaawa' naxhoy li rosob'tesihom: a'an li yu'am chi junelik.

Josué 22:4

Anaqwan li Qaawa' leeYos ak xk'ehom xhilaaleb' leeras eeriitz'in jo' yeechi'inb'il chaq xb'aan. Sutq'inqex b'i' ut ayuqex sa' leemuheb'aal, sa' li ch'och' k'eeb'il eere xb'aan laj Moisés, laj k'anjel chiru li Qaawa', junpak'al li nima' Jordán.

Josué 11:17

Chalen chaq sa' li T'ojochil Tzuul li wank sa' xb'een Seír, toj Bahal-Gad sa' xtaq'ahil Líbano, sa' xtoon li tzuul Hermón, kixchap chixjunileb' li awab'ej ut kixkamsiheb'.

Josué 11:3

Kixtaqla ajwi' xyeeb'al resil reheb' laj Kanahán li wankeb' chaq sa' releb'l saq'e ut rokeb'l saq'e, reheb' laj Amor, eb' laj Jib, eb' laj Perés ut eb' laj Jebús sa' xyanqeb' li tzuul, reheb' laj Jib chiru li tzuul Hermón, sa' li tenamit Mispá.

Deuteronomio 4:48

chalen chaq Aroher li wank chire li nima' Arnón, toj sa' li tzuul Sirión, Hermón ajwi' nayeemank re,

Deuteronomio 2:24

«Xaqlinqex -chan li Qaawa'-, ayuqex ut q'axonqex junpak'al li nima' Arnón. Ilomaq, laa'in tinq'axtesi sa' eeruq' laj Sijón, aj Amor, awab'ej re Jesbón, ut chixjunil li xtenamit. Okanqex sa' li xtenamit ut chiq'omaq xjosq'il.

Números 32:19

Laa'o ink'a' tootz'aqonq na'ajej sa' xyanqeb' laj Israel junpak'al li nima' Jordán, xb'aan naq li qana'aj ak xqataw arin sa' xjayal releb'l saq'e re li nima' Jordán”, chankeb'.

Números 32:33

Ut laj Moisés kixk'e li x'awab'ejihom laj Sijón, awab'ej re Amor, ut li x'awab'ejihom laj Og, awab'ej re Basán, reheb' li ralal xk'ajoleb' laj Gad, eb' li ralal xk'ajoleb' laj Rubén ut xyiijacheb' laj Manasés, li ralal laj José. Kixk'e ajwi' eb' li tenamit li wankeb' chi xnub'ajlil ut eb' li k'aleb'aal wankeb' chi xjunsutam.

Josué 13:8

Li jun chik xyiijachil xteepaleb' laj Manasés, rochb'eeneb' laj Rubén ut eb' laj Gad, ak wank reechanihomeb' k'eeb'il xb'aan laj Moisés sa' xjayal releb'l saq'e re li nima' Jordán, jo' chanru laj Moisés, laj k'anjel chiru li Qaawa', kixk'e reheb':

Salmos 89:12

Aawe li choxach'och'; jo'ch'inal jo'nimal wank chisa' laa'at xatk'ojob'ank sa' xna'aj.

Salmos 136:21

Ut kixk'e li xch'och'eb' cho'q xna'aj li xtenamit, li xnimal xrahom wank chi junelik;

Números 21:21

Eb' laj Israel ke'xtaqla aj esil rik'in laj Sijón, awab'ej re Amor:

Números 32:32

Laa'o tooxik chi yalok junpak'al li nima' Jordán, aran Kanahán, jo' naxye qe li Qaawa'; ab'an k'e chiqeechani li ch'och' wan chaq arin, sa' xjayal releb'l saq'e re li nima'”, chankeb'.

Deuteronomio 2:32

“Laj Sijón ki'elk chaq, rochb'een chixjunileb' li xtenamit, re yalok qik'in aran Yahás,

Deuteronomio 3:1

“Chirix chik a'an koosutq'iik chaq ut kootaqe'k sa' xb'ehil Basán. Laj Og, awab'ej re Basán, ki'elk chaq chi qak'ulb'al rochb'een chixjunileb' li xpoyanam, ut aran Edreí kooyalok rik'ineb'.

Deuteronomio 4:44

“A'an a'in li chaq'rab' kixye laj Moisés reheb' laj Israel.

Deuteronomio 4:46

junpak'al chaq li nima' Jordán, sa' li taq'a, nach' rik'in Bet-Pehor, sa' li xna'aj laj Sijón, awab'ej re Amor, a' li kiwank chaq Jesbón ut kiq'axe'k ru xb'aan laj Moisés ut xb'aaneb' laj Israel sa' li relikeb' chaq Ejiipt.

1 Reyes 4:19

laj Eber, ralal laj Urí, kiwank sa' xteepal Galahad, xna'aj laj Sijón, awab'ej re Amor, ut sa' xteepal laj Og, awab'ej re Basán. Kiwank ajwi' jun ruuchil li awab'ej sa' chixjunil li na'ajej a'an.