Josué 11:8 - Q'eqchi Bible

⁸ Li Qaawa' kiq'axtesink reheb' sa' ruq'eb' laj Israel. Ke'xq'ax ruheb' ut ke'raanilasiheb' toj wan wi' li Nimla Sidón ut Misrepot ut, sa' xjayal releb'l saq'e, toj sa' xtaq'ahil Mispá. Ke'xsach ruheb': maajun chik kikanaak chi yo'yo.

Li Santil hu

⁸ Li Ka̱cuaꞌ quixqꞌueheb laj Israel chi numta̱c saꞌ xbe̱neb. Ut queꞌra̱linaheb toj saꞌ li nimla tenamit Sidón ut toj saꞌ li naꞌajej Misrefot-maim ut toj saꞌ li ru takꞌa Mizpa li cuan saꞌ li este. Ut queꞌxcamsi chixjunileb. Ma̱ jun chic reheb queꞌcana chi yoꞌyo.

Josué 11:8 ပူးပေါင်းရင်းမြစ်များ

Josué 13:6

Laa'in twisi sa' li xna'ajeb' ut twaanilasi chiruheb' laj Israel eb' laj Sidón jo'wi' li jo'k'ihaleb' wankeb' sa' xyanqeb' li tzuul, chalen chaq Líbano toj Misrepot sa' xjayal rokeb'l saq'e. Laa'at taajek'i li ch'och' a'an reheb' laj Israel cho'q reechanihomeb', jo' inyehom aawe.

Josué 19:28

Abdón, Rejob, Amón ut Kaná toj sa' li nimla Sidón.

Zacarías 9:2

Jo'kan ajwi' Jamat li wank chi nach', ut li tenamit Tiro ut Sidón, li nayeemank naq wank xna'leb'eb':

Josué 21:44

Li Qaawa' kixk'e tuqtuukilal sa' chixjunil li xsutameb', jo' chanru yeeb'il sa' jurament reheb' li xna' xyuwa'eb', ut maajun reheb' li xik' neke'ilok reheb' kiruhank chi kuyuk sa' ruq'eb': chixjunileb' laj rahob'tesinel ke'q'axtesiik sa' ruq'eb' laj Israel.

Josué 11:3

Kixtaqla ajwi' xyeeb'al resil reheb' laj Kanahán li wankeb' chaq sa' releb'l saq'e ut rokeb'l saq'e, reheb' laj Amor, eb' laj Jib, eb' laj Perés ut eb' laj Jebús sa' xyanqeb' li tzuul, reheb' laj Jib chiru li tzuul Hermón, sa' li tenamit Mispá.

Génesis 49:13

“Laj Sabulón taawanq junqre li palaw, chireheb' li ninqi jukub' ut toj Sidón twanq li xnub'ajlil.

Génesis 10:15

Laj Kanahán a'an chaq xyuwa' laj Sidón, li xb'een ralal; ut xyuwa' ajwi' laj Het.

Josué 11:7

Jo'kan naq laj Josué rochb'een chixjunileb' laj puub' koxe'xtaweb' chi maak'a' sa' xch'ooleb', chire li ha' re Merón.

Isaías 23:4

Chatxutaanaq, a Sidón, li kawub'resinb'il tenamit chire li palaw, xb'aan naq taawulaq xq'ehil naq taaye chi jo'ka'in: “Ink'a' chik wankin sa' yu'am, maajun chik ink'uula'al xwank; ink'a' chik ninch'oolanink teelom al chi moko nink'iiresink ixqa'al”.

Deuteronomio 7:2

naq li Qaawa' laaYos tixq'axtesiheb' sa' laawuq' ut taasach ruheb', tento chatz'eqtaanaheb' ut chamajewaheb' chi junajwa. Maajunaji aawib' rik'ineb' chi moko taatoq'ob'a ruheb'.

Deuteronomio 9:3

“Ab'an anaqwan chanawaq naq li Qaawa' laaYos taanume'q chawu jo' junaq kawil xam: a'an taasachoq re eb' li tenamit a'an ut tixk'eheb' rub'el aawankil re naq taawisiheb' sa' xna'ajeb' ut taasach ruheb' chi junpaat, jo' kixye aawe li Qaawa'.

Josué 10:20

Naq laj Josué ut eb' laj Israel ke'xq'ax ut ke'xsach ru chi junajwa eb' laj Amor, toja' naq eb' li ke'kanaak chi yo'yo ke'elelik ut koxe'okaq sa'eb' li xtenamit.

2 Samuel 24:6

Chirix chik a'an koheb' Galahad ut Kadés, sa' xtenamiteb' laj Hit. Ke'wulak toj Dan; ke'elk aran, ke'xk'e q'oot ut koheb' sa' xjayal Sidón.