Josué 11:6 - Q'eqchi Bible

⁶ Tojo' naq li Qaawa' kixye re laj Josué: “Matxiwak xb'aan naq wulaj, sa' ajwi' li honal a'in, te'kamq chixjunileb' chiruheb' laj Israel. Ut laa'at taatoq roqeb' li xkawaayeb' ut taak'e xxamlel li xb'eleb'aal ch'iich'eb'”, chan li Yos.

Li Santil hu

⁶ Li Ka̱cuaꞌ Dios quixye re laj Josué: —Matxucuac chiruheb li cuanqueb Canaán xban nak cuulaj ajcuiꞌ joꞌcaꞌin ho̱nal acak xeꞌcam chixjunileb xban nak la̱in tinkꞌaxtesiheb saꞌ e̱rukꞌ la̱ex aj Israel. Te̱tok rokeb lix cacua̱yeb ut te̱cꞌateb lix carruaje, chan li Dios.

Josué 11:6 ပူးပေါင်းရင်းမြစ်များ

Josué 10:8

Ut li Qaawa' kixye re laj Josué: “Maaxiwa ruheb' xb'aan naq xink'eheb' sa' laawuq'; maajun reheb' truuq taakuyuq sa' aawuq'”, chan.

2 Samuel 8:4

Laj David kixchapeb' o'k'aal ro' o'q'ob' (1,700) chi winq li wankeb' chirix kawaay ut junmay mileb' (20,000) li yal chi roqeb' neke'xik. Kixtoq roqeb' chixjunileb' li kawaay neke'kelonk re li b'eleb'aal ch'iich'. Ka'ajwi' li jo'k'ihaleb' te'k'anjelaq re xkelonkil o'k'aal (100) chi b'eleb'aal ch'iich' ink'a' kixtoq roqeb'.

1 Samuel 11:9

Chirix chik a'an kixye reheb' li taql li ke'chalk chaq Yabés re Galahad: “Jo'ka'in teeye re leetenamit: «Wulaj sa' wa'leb' texqakol»”. Koheb' li taql ut koxe'xye resil reheb' laj Yabés, li ke'saho'k sa' xch'ool.

Josué 11:9

Laj Josué kixb'aanu jo' kiyehe'k re xb'aan li Qaawa': kixtoq roqeb' li xkawaayeb' ut kixk'at li xb'eleb'aal ch'iich'eb'.

Oseas 14:3

Eb' laj Asiria ink'a' naru nokoohe'xkol, chi moko too'eleliq chirixeb' li kawaay; ink'a' chik tqaye «At qaYos» re li xqak'uub' rik'in quq', xb'aan naq ka'ajwi' aawik'in, at Qaawa', naxtaw ruxtaanankil ru li neb'a'yox”.

Isaías 31:1

Ra chaalel sa' xb'eeneb' li neke'xik Ejiipt chi xpatz'b'al xtenq'ankileb', eb' li neke'xk'ojob' xch'ooleb' chirix li xk'iila kawaayeb' ut b'eleb'aal ch'iich'eb', eb' li kaweb' xch'ool xb'aan naq naab'aleb' naq neke'b'eek chirix kawaay, ab'anan ink'a' neke'xsik' li Qaawa' ut maak'a' royb'enihomeb' rik'in li xSant laj Israel.

Isaías 30:16

ut xeye chi jo'kan: “Ink'a', jwal us too'eleliq chirix kawaay”. Us b'i', elelinqex! Xeye ajwi': “Too'eleliq sa' b'eleb'aal ch'iich' li kaw neke'xik”. Us a'an, jo'kanaqeb' ajwi' li te'aanilasinq eere!

Proverbios 20:7

Us xaq reheb' li ralal xk'ajol li winq li kiwank sa' tiikilal ut chaab'ilal.

Salmos 46:11

Ut xye: “Kanab'omaq yalok, chenawaq naq laa'in Yos, li nim inwankil sa' xb'eeneb' li tenamit, li nim inwankil junsut junrub'el choxa!”.

Salmos 46:9

Kimqex chi rilb'al li xb'aanuhom li Qaawa', cheka'ya li sachb'ach'oolej xb'aanu sa' ruuchich'och'.

2 Crónicas 20:16

Wulaj eq'la texkub'eeq chi yalok rik'ineb'. K'ehomaq reetal, eb' a'an te'chalq chaq sa' li taqsink re Sis ut toxeetaweb' chire li roqha' li wank sa' xjayal li chaqich'och' re Jeruel.

Josué 3:5

Ut laj Josué kixye reheb' li tenamit: “Ch'ajob'resihomaq eerib' xb'aan naq wulaj li Qaawa' tixb'aanu sachb'ach'oolej sa' eeyanq”, chan.

Deuteronomio 7:16

Jo'kan utan, chasacheb' ru chixjunileb' li tenamit li tixk'e sa' laawuq' li Qaawa' laaYos; maak'e reetal xtoq'ob'aal ruheb' chi moko chaloq'oni ru li xyoseb', xb'aan naq a'anaq aara'lenkil.

Josué 11:5

Chixjunileb' a'in ke'xjunaji rib' ut koxe'hilanq chire li ha' re Merón re yalok rik'ineb' laj Israel.

Josué 11:7

Jo'kan naq laj Josué rochb'een chixjunileb' laj puub' koxe'xtaweb' chi maak'a' sa' xch'ooleb', chire li ha' re Merón.

Jueces 7:9

Sa' ajwi' li q'oqyink a'an li Qaawa' kixye re laj Jedehón: “Waklin ut kub'en sa' xmuheb'aaleb' laj Madián, xb'aan naq xinq'axtesiheb' sa' laawuq'.

Ezequiel 39:9

“Eb' li wankeb' sa' xteepal Israel te'elq chaq ut te'xk'at chixjunileb' li k'iila paay chi k'anjelob'aal na'oksimank re yalok, ut wanqeb' chik xsi' re wuqub' chihab'.

Nahum 2:13

Jo'ka'in xye li Nimajwal Yos: “Xinchalk chajuk'b'al. Tink'ateb' laab'eleb'aal ch'iich' ut sib' aj chik teb'inkanab' wi'. Tinsach ruheb' laawalal aak'ajol, twisi sa' laatenamit chixjunil laawelq'ahom ut ink'a' chik taa'ab'imanq xyaab' xkux laj yehol esil”.

2 Reyes 6:16

“Matxiwak -chan laj Eliseo-. Jwal naab'aleb' li wankeb' qik'in laa'o chiruheb' a'an”.

Salmos 46:10

A'an xch'anab'ank re li yalok toj sa' xmaril li ruuchich'och', xtoqi li xna' simaj ut xjach li jutz' che'; a'an xk'ehok xxamlel li ramleb' ch'iich'.