Josué 11:3 - Q'eqchi Bible

³ Kixtaqla ajwi' xyeeb'al resil reheb' laj Kanahán li wankeb' chaq sa' releb'l saq'e ut rokeb'l saq'e, reheb' laj Amor, eb' laj Jib, eb' laj Perés ut eb' laj Jebús sa' xyanqeb' li tzuul, reheb' laj Jib chiru li tzuul Hermón, sa' li tenamit Mispá.

Li Santil hu

³ Ut quixtakla ajcuiꞌ xyebal resil reheb laj cananeo li cuanqueb saꞌ xcaꞌ pacꞌalil li nimaꞌ Jordán ut reheb laj amorreo, eb laj heteo, eb laj ferezeo, eb laj jebuseo, li cuanqueb saꞌ li tzu̱l ru joꞌ eb ajcuiꞌ laj heveo li cuanqueb nachꞌ riqꞌuin li tzu̱l Hermón li cuan saꞌ li naꞌajej Mizpa.

Josué 11:3 ပူးပေါင်းရင်းမြစ်များ

Jueces 3:3

Ke'kanaak li oob' chi xninqal ru winq aj Filistea, chixjunileb' laj Kanahán, eb' laj Sidón ut eb' laj Hit li wankeb' sa'eb' li tzuul re Líbano, chalen chaq sa' li tzuul Bahal-Hermón toj wan wi' li rokeb'aal Jamat.

Josué 18:26

Mispá, Kefirá, Mosá,

Génesis 31:49

Mispá ajwi' xk'ab'a' li jun tuub' chi pek a'an, xb'aan naq kixye laj Labán: “Li Qaawa' taxaq chik'aak'alenq qe naq tqajek' qib'.

Josué 15:63

Ab'anan eb' li ralal xk'ajol laj Judá ink'a' ke'ruhank chi risinkileb' laj Jebús li wankeb' Jerusalén. Jo'kan naq eb' laj Jebús toj wankeb' ajwi' Jerusalén anaqwan, rochb'eeneb' li ralal xk'ajol laj Judá.

Josué 13:11

Jo'kan ajwi' kixk'e Galahad ut li xch'och'eb' laj Jesur ut eb' laj Mahaká, chixjunil li tzuul Hermón ut chixjunil Basán toj Salká.

Jeremías 41:14

Ke'sutq'iik chirixeb' ut koheb' rik'in laj Jwan, ralal laj Kareha.

Jeremías 41:3

Laj Ismael kixkamsiheb' ajwi' chixjunileb' laj Judá ut eb' laj puub' aj Kaldeha li wankeb' Mispá rochb'een laj Kedalías.

Jeremías 40:10

Laa'in tinkanaaq arin Mispá ut tin'okenq cherix naq eb' laj Kaldeha te'chalq chi qula'aninkil. Laa'ex naru texkanaaq arin chi xxokb'al ru li uub', li triiw ut li oliiw. K'uulahomaq chi chaab'il ut kanaaqex sa'eb' li tenamit xereechani”.

Jeremías 40:6

Ut laj Jeremías koho sa' rochoch laj Kedalías, ralal laj Ajikán, aran Mispá, ut aran kina'ajunk sa' xyanqeb' li poyanam li ke'kanaak sa' xteepal Judá.

Cantares 4:8

Kim wik'in, at wixaqil; elqo Líbano! Kim wik'in, elqo Líbano! Kim, kub'en chaq sa' li tzuul Amaná, sa' li tzuul Senir ut Hermón, sa' xsokeb' li kaqkoj, sa' xna'ajeb' li hix.

Salmos 133:3

Chanchan li k'ajob' re li tzuul Hermón li yo chi kub'eek sa' xb'een Sión. Xb'aan naq aran li Qaawa' naxhoy li rosob'tesihom: a'an li yu'am chi junelik.

Salmos 89:12

Aawe li choxach'och'; jo'ch'inal jo'nimal wank chisa' laa'at xatk'ojob'ank sa' xna'aj.

1 Reyes 15:22

Toja' naq laj Asá li awab'ej kixb'oqeb' chixjunileb' laj Judá. Ke'xxok eb' li pek ut eb' li che', li yookeb' wi' chi xkawub'resinkil Ramá, ut rik'in a'an ke'xyiib' eb' li tenamit Jeba re Benjamín ut Mispá.

1 Reyes 9:20

Chixjunileb' li poyanam li ke'kanaak cho'q reheb' laj Amor, laj Hit, laj Perés, laj Jib ut laj Jebús, li maawa'eb' aj Israel,

2 Samuel 24:16

Ut naq li ánjel kixye' li ruq' sa' xb'een Jerusalén re xsachb'al, kiyot'e'k xch'ool li Qaawa' chi xtaqlankil li rahilal a'an, ut kixye re li ánjel li yo chi sachok: “Tz'aqal li xab'aanu. Maarahob'tesiheb' chik”, chan. Sa' li honal a'an li x'ánjel li Qaawa' wank chi xk'atq xch'oxleb'aal laj Arawná aj Jebús.

1 Samuel 10:17

Chirix chik a'an laj Samuel kixch'utub'eb' li tenamit chiru li Qaawa' aran Mispá

Jueces 21:8

Ma wankeb' arin, sa' xyanqeb' laj Israel, li ink'a' xe'taqe'k Mispá chiru li Qaawa'?”. Ut ke'xk'e reetal naq maajun reheb' laj Yabés re Galahad kiwulak sa' li loq'laj ch'utam,

Jueces 21:5

Ke'xye chirib'ileb' rib': “Ani sa' xyanqeb' chixjunileb' li xteepal laj Israel ink'a' xwulak Mispá, naq xqach'utub' qib' sa' xk'ab'a' li Qaawa'?”. Xb'aan naq ak yeeb'il sa' jurament naq te'kamsiiq li ink'a' te'wulaq sa' li loq'laj ch'utam.

Jueces 20:1

Toja' naq chixjunileb' laj Israel, chalen chaq Dan toj Berseba ut Galahad, koxe'xch'utub' rib' jo' jun chi winq, aran Mispá, wan wi' rochoch li Yos.

Jueces 3:5

Jo'kan naq eb' laj Israel ke'xtikib' wank sa' xyanqeb' laj Kanahán, eb' laj Hit, eb' laj Amor, eb' laj Perés, eb' laj Jib ut eb' laj Jebús;

Josué 15:38

Dilán, Mispá, Yoktehel,

Deuteronomio 7:1

“Naq akaq xatroksi li Qaawa' laaYos sa' li ch'och' toxaaweechani, ut naq akaq xrisiheb' chawu eb' li k'iila tenamit (a'eb' laj Hit, laj Kirkás, laj Amor, laj Kanahán, laj Perés, laj Jib ut laj Jebús: wuqub'eb' chi tenamit jwal naab'aleb' ut q'axal kaweb' rib' chawu laa'at),

Deuteronomio 4:48

chalen chaq Aroher li wank chire li nima' Arnón, toj sa' li tzuul Sirión, Hermón ajwi' nayeemank re,

Números 13:29

Eb' laj Amalek wankeb' aran Nejeb; eb' laj Hit, laj Amor ut eb' laj Jebús wankeb' sa' li k'iche'b'aal; eb' laj Kanahán wankeb' chire li palaw ut chi junqre li nima' Jordán”, chankeb'.

Josué 11:8

Li Qaawa' kiq'axtesink reheb' sa' ruq'eb' laj Israel. Ke'xq'ax ruheb' ut ke'raanilasiheb' toj wan wi' li Nimla Sidón ut Misrepot ut, sa' xjayal releb'l saq'e, toj sa' xtaq'ahil Mispá. Ke'xsach ruheb': maajun chik kikanaak chi yo'yo.

Josué 11:17

Chalen chaq sa' li T'ojochil Tzuul li wank sa' xb'een Seír, toj Bahal-Gad sa' xtaq'ahil Líbano, sa' xtoon li tzuul Hermón, kixchap chixjunileb' li awab'ej ut kixkamsiheb'.

Josué 13:5

Toj wank ajwi' li xna'ajeb' laj Kibl, rochb'een chixjunil Líbano sa' xjayal releb'l saq'e, chalen Bahal Gad, chi xtoonal li tzuul Hermón, toj wan wi' li rokeb'aal Jamat.

2 Samuel 24:7

Moqon chik ke'wulak sa' li kawub'resinb'il na'ajej re Tiro ut sa' chixjunileb' li tenamit reheb' laj Jib ut reheb' laj Kanahán, toj reetal ke'elk aran ut koheb' sa' xjayal Berseba, xteepal Nejeb re Judá.

Josué 3:10

Rik'in a'in teenaw naq li yo'yookil Yos wank sa' eeyanq ut A'an ajwi' taa'isinq reheb' laj Kanahán, eb' laj Hit, eb' laj Jib, eb' laj Perés, eb' laj Kirkás, eb' laj Amor ut eb' laj Jebús sa' li na'ajej texnume'q wi'.