Josué 11:21 - Q'eqchi Bible

²¹ Sa'eb' li kutan a'an laj Josué kixsach chixjunileb' laj Anak li wankeb' sa' xyanqeb' li tzuul aran Debir, Anab, jo'wi' sa' xyanqeb' li xtzuulul Judá ut Israel.

Li Santil hu

²¹ Ut eb laj Israel queꞌxsach ajcuiꞌ ruheb li ralal xcꞌajol laj Anac li cuanqueb saꞌ eb li naꞌajej li tzu̱l ru. Aꞌaneb aꞌin li naꞌajej aꞌan: Hebrón, Debir, Anab, ut eb li naꞌajej tzu̱l ru re Judá ut Israel. Queꞌxsach ruheb chixjunileb li cuanqueb aran joꞌ ajcuiꞌ lix tenamiteb.

Josué 11:21 ပူးပေါင်းရင်းမြစ်များ

Deuteronomio 9:2

a'aneb' jun nimla tenamit, jwal najt xterameb', a'eb' laj Anak. Laa'at aawilom ruheb' ut aawab'ihom resil naq maa'ani naru tixkol rib' chiruheb' li ralal xk'ajol laj Anak.

Deuteronomio 1:28

Ut anaqwan b'ar tooxik? Q'axal x'ok qaxiw xb'aan li xe'xye eb' li qas qiitz'in naq aran wankeb' poyanam jwal kaweb' rib' ut q'axal k'iheb' chik chiqu laa'o. Eb' li xtenamiteb' a'an jwal ninqeb' ut toj sa' choxa neke'wulak li xsuttz'akil. Ut a'atqeb' laj Anak xe'ilmank ru aran», chankex.

Apocalipsis 6:2

Kiwil, ut wank aran jun li saqi kawaay; ut li k'ojk'o chi xb'een wan chaq jun xsimaj. Kik'ehe'k jun xkoroon ut koho chi ak xq'axok u ut toj taaq'axoq wi' chik u.

Amós 2:9

Ex aj Israel, laa'in kexwisi chaq sa' li tenamit Ejiipt, ut ka'k'aal chihab' kexinb'eresi sa' li chaqich'och'. Cheru laa'ex kinsach ruheb' laj Amor, li jwal najteb' xteram jo'eb' li yaw ut q'axal kaweb' rib' jo'eb' li ji; keb'insach ruheb' chi junajwa ut kinq'axtesi eere li xch'och'eb'.

Jeremías 9:23

Jo'ka'in kixye li Qaawa': “Mixk'e xloq'al xjunes rib' li wank xna'leb' sa' xk'ab'a' naq wank xna'leb', chi moko chixnima rib' li wank xwankil, chi moko li b'ihom sa' xk'ab'a' li xb'ihomal.

Jeremías 3:23

Relik chi yaal naq maak'a' aj e li xik sa' xb'eeneb' li tzuul ut li ninq'ehik sa' xb'eeneb' li b'ool. Ka'ajwi' li Qaawa' li qaYos nakolok reheb' laj Israel.

Jueces 1:20

Laj Kaleb kixk'ul Hebrón cho'q reechanihom, jo' chanru li xtaqlahom laj Moisés. Ut laj Kaleb kirisiheb' aran roxichaleb' li ralal laj Anak.

Josué 10:42

Sa' li yalok a'an kixq'ax ruheb' chixjunil li awab'ej a'an ut kireechani li xna'ajeb', xb'aan naq li Qaawa', xYos laj Israel, yo chi tenq'ank reheb' laj Israel.

Deuteronomio 2:21

A'an jun nimla tenamit, k'ajo'eb' xk'ihal ut ninqeb' xteram jo'eb' laj Anak. Li Qaawa' kixsacheb' ru rik'in ruq'eb' laj Amón li ke'isink reheb' ut ke'kanaak sa' li xna'ajeb'.

Números 13:33

Xqileb' ajwi' chaq xninqal poyanam, ralaleb' laj Anak, riyajileb' li najt xterameb'. Laa'o chanchano wi' chili' chiruheb' a'an, ut jo'kan ajwi' naq nokoohe'ril laa'o”, chankeb'.