Josué 10:41 - Q'eqchi Bible

⁴¹ Laj Josué kireechani chixjunil li na'ajej chalen Kadés-Barné toj Gasa, jo'wi' li xsutam Gosen toj Gabahón.

Li Santil hu

⁴¹ Laj Josué ut eb lix soldados queꞌxcamsiheb chixjunileb ut queꞌre̱chani chixjunil li naꞌajej Cades-barnea toj saꞌ li naꞌajej Gaza. Ut queꞌre̱chani ajcuiꞌ li naꞌajej Gosén. Quicuulac toj saꞌ li tenamit Gabaón.

Josué 10:41 ပူးပေါင်းရင်းမြစ်များ

Josué 11:16

Laj Josué kireechani chixjunil li na'ajej sa' xyanqeb' li tzuul, li Nejeb, chixjunil li ch'och' re Gosen, Arabá, li Taq'a ru, jo'eb' ajwi' li tzuul ut li ru taq'a re Israel.

Josué 15:51

Gosen, Jolón ut Kiló. Naraj naxye, junlaju chi tenamit rochb'eeneb' xk'aleb'aaleb'.

Deuteronomio 9:23

Naq li Qaawa' kexxtaqla chi elk aran Kadés-Barné re naq toxeereechani li ch'och' xk'ehom eere, keq'etq'eti wi' chik eerib' chiru li Qaawa' leeYos, ut ink'a' kepaab' chi moko keraj rab'inkil li raatin.

Génesis 10:19

Li xch'och'eb' laj Kanahán naxnub'ajli rib' rik'in Sidón, sa' xjayal Kerar, toj Gasa; ut, sa' xjayal Sodoom, Gomoor, Admá ut Seboín, naxnub'ajli rib' toj rik'in Lesa.

Hechos 8:26

Moqon chik li x'ánjel li Qaawa' kiraatina laj Felipe, ut kixye re: “Xaqlin ut ayu sa' xjayal rokeb'l iq', sa' li b'e na'elk chaq Jerusalén ut naxik Gasa; a'an junesal na'ajej”.

Zacarías 9:5

“Naq eb' laj Askalón te'ril a'an, te'xiwaq; eb' laj Gasa k'ajo' naq te'yot'e'q xch'ool, ut eb' laj Ekrón maak'a' chik te'royb'eni. Taakamsiiq li awab'ej re Gasa ut maajunaq chik poyanam sa' li tenamit Askalón.

1 Reyes 3:5

Ut aran Gabahón li Qaawa' kixk'ut rib' chiru laj Salomón sa' xmatk' chiru q'oqyink, ut kixye re: “Tz'aama chiwu li k'aru taawaj ut laa'in tink'e aawe”.

1 Samuel 6:17

A'aneb' a'in li oob' chi saqijoj yiib'anb'ileb' rik'in oor li ke'yeechi'iik chiru li Qaawa' xb'aaneb' laj Filistea re xtojb'al rix li xmaakeb': jun sa' xk'ab'a'eb' laj Asdod, jun sa' xk'ab'a'eb' laj Gasa, jun sa' xk'ab'a'eb' laj Askalón, jun sa' xk'ab'a'eb' laj Gat ut li jun chik sa' xk'ab'a'eb' laj Ekrón.

Jueces 16:21

Toja' naq eb' laj Filistea ke'xchap, ke'risi xsa'eb' li ru ut ke'xk'am Gasa. Aran ke'xb'ak' rik'in kawil kareen ut ke'xtaqla xsurinkil li ke'leb' sa' tz'alam.

Jueces 16:1

Sa' jun kutan laj Sansón koho Gasa. Aran kiril jun aj yumb'eet ut ki'ok rik'in.

Josué 10:12

Naq li Qaawa' kixq'axtesiheb' laj Amor sa' ruq'eb' laj Israel, laj Josué kiraatina li Qaawa' chiruheb' laj Israel ut kixye re: “At saq'e, xaqlin sa' xb'een Gabahón, ut laa'at, at po, xaqlin sa' xtaq'ahil Ayalón”, chan.

Josué 10:2

K'ajo' naq kixiwak laj Adonisédek, xb'aan naq Gabahón a'an jun nimla tenamit jo' xk'ulub'eb' li awab'ej, ut jwal nim chiru Ay; jo'kan ajwi' chixjunileb' li xwinqul q'axal kaweb' rib'.

Números 34:4

Leenub'ajlil tixq'ot chaq sa' li xTaqsink laj Xook', sa' xjayal xsakleb'aal iq', toxnume'q Sin ut toxraqe'q sa' xnub'ajlil Kadés-Barné. Chirix chik a'an taaxik toj Jasar-Adar ut toxnume'q Asmón.

Números 32:8

Jo'kan ajwi' ke'xb'aanu leexe'toonil yuwa' naq kintaqlaheb' chaq chi rilb'al li na'ajej chalen chaq toj Kadés-Barné:

Números 13:26

ut kole'xk'ut rib' chiruheb' laj Moisés, laj Aharón ut chixjunil li xkomonileb' laj Israel aran Kadés, sa' li chaqich'och' re Parán. Ke'xseeraq'i reheb' chi tustu ru chixjunil li k'a'aq re ru koxe'ril chaq sa' li na'ajej, ut ke'xk'ut ru li awimq ke'xk'am chaq.

Deuteronomio 1:19

“Naq koo'elk Horeb, kiqab'eeni chixjunil li nimla ut xiwajel na'ajej eerilom, a' li wank sa' xb'ehil li xteepaleb' laj Amor, jo' kooxtaqla wi' li Qaawa' li qaYos, ut koowulak Kadés-Barné.

Deuteronomio 2:23

A'an ajwi' ke'xk'ul eb' laj Abí, li ke'wank sa'eb' li na'ajej re Gasa; a'atqeb' laj Kaftor li chalenaqeb' chaq Kaftor, ke'xsacheb' ru ut ke'kanaak sa' li xna'ajeb'.)

Josué 11:22

Maajun aj Anak kikanaak sa' li xtenamiteb' laj Israel; ka'ajwi' aran Gasa, Gad ut Asdod ke'kanaak.