Josué 10:37 - Q'eqchi Bible

³⁷ Ke'xchap ut ke'xkamsiheb' chi ch'iich', rochb'een li awab'ej, chixjunileb' li tenamit ut li wankeb' xyu'am aran. Maajun chik kikanaak chi yo'yo kama' ak xk'ulumeb' laj Eklón. Ke'sache'k ru chi junajwa jo'k'ihaleb' li wankeb' xyu'am.

Li Santil hu

³⁷ Queꞌoc saꞌ li tenamit Hebrón ut queꞌnumta saꞌ xbe̱n li rey joꞌqueb ajcuiꞌ chixjunileb li cuanqueb aran. Ut queꞌnumta ajcuiꞌ saꞌ xbe̱neb li cocꞌ tenamit li cuanqueb saꞌ li naꞌajej aꞌan. Quilajeꞌxcamsi chi chꞌi̱chꞌ chixjunileb li cuanqueb aran joꞌ queꞌxba̱nu aran Eglón. Ma̱ jun chic queꞌxcanabeb chi yoꞌyo.

Josué 10:37 ပူးပေါင်းရင်းမြစ်များ

Josué 10:36

Laj Josué, rochb'een chixjunileb' laj Israel, ke'elk Eklón ut ke'taqe'k Hebrón ut ke'ok chi yalok aran.

Josué 10:38

Toja' naq laj Josué, rochb'een chixjunileb' laj Israel, koheb' Debir ut ke'ok chi yalok aran.

Éxodo 17:13

Ut laj Josué kixsach xwankileb' laj Amalek chi junwaakaj.

Josué 10:28

Sa' ajwi' li kutan a'an laj Josué kixchap Makedá. Kixkamsi chi ch'iich' li awab'ej ut chixjunileb' li poyanam: kixk'eheb' chi sache'k chi junajwa chixjunil li wankeb' xyu'am aran. Maajun chik kikanaak chi yo'yo sa' li tenamit a'an. Laj Josué kixb'aanu re li awab'ej re Makedá jo' kixb'aanu re li awab'ej re Jerikó.

Josué 10:35

Sa' ajwi' li kutan a'an ke'xchap ut ke'xkamsiheb' chi ch'iich' li wankeb' Eklón. Sa' li kutan a'an ke'sache'k ru chi junajwa jo'k'ihaleb' li wankeb' xyu'am aran, kama' ak xk'ulumeb' laj Lakix.

Josué 10:39

Ke'xchap Debir; ke'xchap ajwi' li awab'ej ut chixjunileb' li poyanam. Ke'xkamsi chi ch'iich' ut ke'xsach ru jo'k'ihaleb' li wankeb' xyu'am aran: maajun chik kikanaak chi yo'yo. Jo' naq xk'ulumeb' li tenamit Hebrón, jo'wi' Libná ut li x'awab'ejeb', jo'kan ajwi' kixk'ul Debir ut li x'awab'ejeb'.

Josué 10:40

Jo'ka'in naq laj Josué kireechani chixjunil li na'ajej: eb' li tzuul, Nejeb, eb' li ru taq'a ut li na'ajej wank chi xk'atq. Kixq'ax ruheb' chixjunil li awab'ej, kixsacheb' ru chixjunil li wankeb' xyu'am aran ut maajun chik kikanaak chi yo'yo, kama' yeeb'il reheb' xb'aan li Qaawa', xYos laj Israel.

Josué 11:12

Jo'kan ajwi' kixb'aanu laj Josué rik'ineb' chixjunil li tenamit a'an: kixchapeb', kixchap ajwi' li x'awab'ejeb' ut kixkamsiheb' chi ch'iich'; kixsach ruheb' jo' xtaqlahom laj Moisés, laj k'anjel chiru li Qaawa'.