Josué 10:25 - Q'eqchi Bible

²⁵ “Mexxiwak -chan laj Josué reheb'- chi moko chich'inanq leech'ool; kawaq b'an leech'ool ut yalomaq eeq'e, xb'aan naq jo'ka'in tixb'aanu li Qaawa' rik'ineb' chixjunil li xik' neke'ilok eere”.

Li Santil hu

²⁵ Ut laj Josué quixye reheb li nequeꞌcꞌamoc be saꞌ xya̱nkeb laj Israel: —Mexxucuac chi moco chichꞌina̱nk e̱chꞌo̱l. Cauhak ban e̱chꞌo̱l xban nak joꞌcaꞌin nak tixkꞌaxtesiheb saꞌ kukꞌ li Ka̱cuaꞌ chixjunileb li xicꞌ nequeꞌiloc ke, chan.

Josué 10:25 ပူးပေါင်းရင်းမြစ်များ

2 Corintios 1:10

A'an xkolok chaq qe chiru li nimla rahilal a'an ut toj yooq chi qakolb'al. A'an kaw wi' li qach'ool naq toj yooq chi qakolb'al,

Josué 1:9

Laa'in li yookin chi taqlank aawe. Yal aaq'e ut kawaq aach'ool. Matxiwak ut kaw xaqxooqat sa' laak'anjel, xb'aan naq li Qaawa' laaYos wanq aawik'in yalaq b'ar tatxik”, chan li Qaawa'.

Efesios 6:10

Sa' xraqik, kawub'resiiq leech'ool rik'in li xnimal xwankil li Qaawa'.

Romanos 8:37

Ab'an chixjunil a'in naqaq'ax ru chi chaab'il sa' xk'ab'a' Li kirahok qe.

1 Samuel 17:37

Li Qaawa' li kikolok we sa' ruq'eb' li kaqkoj ut li tz'uqtz'un, tinxkol ajwi' sa' ruq' laj Filistea a'an”, chan. Toja' naq laj Saúl kixye re laj David: “Ayu ut li Qaawa' chiwanq aawik'in”.

Deuteronomio 7:19

eb' li xiwajel rahilal li kawil rik'ineb' laawu, eb' li sachb'ach'oolej ut xninqal b'aanuhom: chanru naq li Qaawa' laaYos katrisi chaq rik'in xnimal xwankil. Jo'kan ajwi' tixb'aanu li Qaawa' laaYos reheb' chixjunil li tenamit nakaxiwaheb' ru.

Salmos 77:11

Ut ninye: “A' awe' naraho'k wi' linch'ool: naq li Nimajwal Yos xjal li xk'a'uxl sa' qab'een”.

Salmos 63:9

li waanm naxjunaji rib' aawik'in ut laanim uq' nakuutunk we.

Josué 10:8

Ut li Qaawa' kixye re laj Josué: “Maaxiwa ruheb' xb'aan naq xink'eheb' sa' laawuq'; maajun reheb' truuq taakuyuq sa' aawuq'”, chan.

Josué 1:6

Kaw xaqxooqat sa' laak'anjel ut matxiwak, xb'aan naq laa'at tatjek'oq re li ch'och' cho'q re li tenamit a'in, a' li ch'och' kinyeechi'i sa' jurament reheb' li xxe'toonil yuwa'eb'.