Josué 10:24 - Q'eqchi Bible

²⁴ Naq ak wankeb' chik rik'in laj Josué, a'in kixb'oq chixjunileb' laj Israel ut kixye reheb' li xjolomileb' laj puub' li neke'ochb'eenink re: “Jilonqex chaq ut k'ehomaq leeroq sa' xb'een xkuxeb' li awab'ej a'an”, chan. Ut jo'kan ke'xb'aanu.

Li Santil hu

²⁴ Nak ac cuanqueb li rey riqꞌuin laj Josué, quixtakla xbokbaleb chixjunileb li cui̱nk aj Israel. Quixye reheb li nequeꞌcꞌamoc be saꞌ xya̱nkeb nak teꞌxxakab li rokeb saꞌ xbe̱n lix cuxeb li rey. Ut joꞌcan queꞌxba̱nu.

Josué 10:24 ပူးပေါင်းရင်းမြစ်များ

Romanos 16:20

Chi jo'kan li Yos li nak'ehok tuqtuukil usilal tixyeq'i laj tza rub'el eeroq chi seeb'. Li rusilal li Qaawa' Jesukriist chiwanq taxaq eerik'in.

Malaquías 4:3

Teeyeq'i sa' leeroq eb' li ink'a' useb' xna'leb', ut jo'kaqeb' li cha sa' leeroq naq taawulaq li Kutan yookin xkawresinkil.

Salmos 110:5

Li Qaawa' wank chak'atq, sa' laanim uq': tixsach xwankileb' li awab'ej sa' xkutankil li xjosq'il.

Salmos 110:1

Xsaalm laj David. Kixye linYos re linqaawa': “K'ojlan sa' linnim uq', toj reetal tink'eheb' li xik' neke'ilok aawe rub'el laawoq”.

Salmos 107:40

Ab'an li Yos kik'ehok majewank sa' xb'eeneb' li xninqal ru winq ut kixyoolesiheb' chi xb'eeninkileb' rib' sa' chaqich'och' b'arwi' maak'a' li b'e.

Deuteronomio 33:29

Us xaq aawe, at Israel. Ani tawi' jo' laa'at, tenamit kolb'ilat xb'aan li Qaawa'? A'an namuheelank ut natenq'ank aawe? Li Qaawa' a'an li ch'iich' nakasacheb' wi' ru li xik' neke'ilok aawe! Eb' a'an te'raj raj aab'alaq'inkil, a'ut laa'at tatnumtaaq sa' xb'eeneb'”, chan laj Moisés.

Salmos 91:13

Taayeq' sa' laawoq li kaqkoj ut li k'anti', tatb'eeq sa' xb'een li ral li kaqkoj ut li mama' xul.

Salmos 18:40

Laa'at xatk'ehok inmetz'ew re yalok, ut xak'eheb' rub'el inwankil eb' li neke'rahob'tesink we;

Jueces 8:20

Tikto kixye re laj Jéter li xb'een al: “Kim ut kamsiheb'”, chan. Ab'an li al ink'a' kirisi li xch'iich'; naxiwak xb'aan naq toj saaj chi us.

Hebreos 1:13

Ani tawi' reheb' li ánjel kiyehe'k wi' jun sutaq xb'aan li Yos: “K'ojlan sa' linnim uq', toj reetal tink'eheb' li xik' neke'ilok aawe rub'el laawoq”?

2 Samuel 22:41

xak'eheb' chi elelik li xik' neke'ilok we, ut xinjuk'eb' li jo'k'ihaleb' neke'tz'eqtaanank we.

Isaías 51:23

Sa' ruq'eb' chik li xe'rahob'tesink aawe, tink'e, a'eb' li xe'yehok aawe: «B'uchub'aq eerib' chiru ch'och' re naq toonume'q sa' eeb'een». Ut laa'at xab'uchub' aawib' chiru ch'och', xatkanaak jo' jun li b'e cho'q reheb' li xe'nume'k sa' aab'een”.

2 Samuel 22:39

Xinjuk' xwankileb', ink'a' chik xe'wakliik, junt'anikeb' rub'el li woq chixjunileb'.