Josué 10:20 - Q'eqchi Bible

²⁰ Naq laj Josué ut eb' laj Israel ke'xq'ax ut ke'xsach ru chi junajwa eb' laj Amor, toja' naq eb' li ke'kanaak chi yo'yo ke'elelik ut koxe'okaq sa'eb' li xtenamit.

Li Santil hu

²⁰ Nak laj Josué ut eb laj Israel queꞌxsach ru chi junaj cua eb laj amorreo, nabaleb li queꞌcamsi̱c. Abanan cuanqueb ajcuiꞌ junju̱nk queꞌe̱lelic. Eb aꞌan queꞌco̱eb chixcolbaleb rib saꞌ eb li tenamit li sutsu̱queb saꞌ tzꞌac.

Josué 10:20 ပူးပေါင်းရင်းမြစ်များ

Josué 8:24

Naq eb' laj Israel ke'raqe'k chi xkamsinkil chi ch'iich' chixjunileb' laj Ay li ke'aanilasink reheb' toj sa' li chaqich'och', ke'sutq'iik wi' chik aran Ay ut ke'xkamsi chi ch'iich' jo'k'ihaleb' li wankeb' chisa'.

Jeremías 8:14

Ut eb' li tenamit te'xye: “K'a'ut naq xaqxooko xaq arin? Qach'utub'aq qib', okaqo sa' li kawub'resinb'il na'ajej ut kamqo aran. Li Qaawa', li qaYos, xooxkanab' chi kamk, xooxk'e chi uk'ak ha' nakamsink, xb'aan naq xoomaakob'k ut xqaq'etq'eti qib' chiru.

2 Crónicas 13:17

Laj Abías rochb'eeneb' laj puub' ke'xq'ax ruheb' laj Israel. Ke'xkamsi o'k'aal xkab' o'q'ob' mil (500,000) chi winq li sik'b'ileb' ru.

2 Samuel 20:6

Toja' naq laj David kixye re laj Abisay: “Anaqwan laj Sebá, ralal laj Bikrí, q'axal yib'ru chik tixb'aanu qe chiru laj Absalón. Jo'kan naq k'ameb' chawix li neke'k'aak'alenk we ut ayuqex chi xsik'b'al. Mare anchal toxtaw eb' li tenamit suttz'akanb'ileb' ut taa'eleliq chiqu chi junajwa”, chan.

Josué 10:10

Li Qaawa' kixk'eheb' chi elelik chiruheb' laj Israel: k'ajo' naq kixsacheb' aran Gabahón! Kixtaaqiheb' sa' li b'e nataqe'k sa' li tenamit Bet-Jorón, ut wankeb' ajwi' ke'kamsiik Aseká ut Makedá.

Deuteronomio 20:16

Ab'an sa'eb' li tenamit li tixk'e li Qaawa' laaYos chaweechani, maajun junaq taakanab' chi yo'yo,

Josué 10:19

Ab'an laa'ex meekanab' xik chirixeb' li xik' neke'ilok eere ut cheram li xb'eheb' re naq ink'a' te'ok sa' li xtenamiteb', xb'aan naq li Qaawa' leeYos xk'eheb' sa' leeruq'”, chan.

Josué 10:21

Ab'an eb' laj Israel ke'sutq'iik chaq rik'in laj Josué chi maak'a' reek'eb', sa' li xhilob'aaleb', aran Makedá, ut maa'ani kiwech'ok rixeb' laj Israel.

Jeremías 4:5

“Yehomaq li esilal a'in reheb' laj Judá ut puktesihomaq reheb' laj Jerusalén. Yaab'asihomaq li pur yalaq b'ar sa' li na'ajej a'in ut yehomaq resil chi kaw xyaab' leekux: «Ch'utub'omaq eerib' ut yo'qeb' sa'eb' li kawub'resinb'il tenamit.

Josué 11:8

Li Qaawa' kiq'axtesink reheb' sa' ruq'eb' laj Israel. Ke'xq'ax ruheb' ut ke'raanilasiheb' toj wan wi' li Nimla Sidón ut Misrepot ut, sa' xjayal releb'l saq'e, toj sa' xtaq'ahil Mispá. Ke'xsach ruheb': maajun chik kikanaak chi yo'yo.

Josué 11:12

Jo'kan ajwi' kixb'aanu laj Josué rik'ineb' chixjunil li tenamit a'an: kixchapeb', kixchap ajwi' li x'awab'ejeb' ut kixkamsiheb' chi ch'iich'; kixsach ruheb' jo' xtaqlahom laj Moisés, laj k'anjel chiru li Qaawa'.

1 Reyes 20:21

Toja' naq li awab'ej re Israel ki'elk ut koxchapeb' li kawaay ut eb' li b'eleb'aal ch'iich', ut k'ajo'eb' laj Aram ke'kamsiik ut ke'sache'k ru.