Josué 1:9 - Q'eqchi Bible

⁹ Laa'in li yookin chi taqlank aawe. Yal aaq'e ut kawaq aach'ool. Matxiwak ut kaw xaqxooqat sa' laak'anjel, xb'aan naq li Qaawa' laaYos wanq aawik'in yalaq b'ar tatxik”, chan li Qaawa'.

Li Santil hu

⁹ La̱in li yo̱quin chi takla̱nc a̱cue. Yal a̱kꞌe ut cacuubresi a̱chꞌo̱l. Matxucuac chi moco ta̱chꞌina̱nk a̱chꞌo̱l xban nak la̱in li Ka̱cuaꞌ la̱ Dios cua̱nkin a̱cuiqꞌuin yalak bar tatxic, chan li Dios.

Josué 1:9 ပူးပေါင်းရင်းမြစ်များ

Génesis 28:15

K'e reetal, laa'in wankin aawik'in. Tatinkol yalaq b'ar tatxik, ut tatinsutq'isi chaq sa' li na'ajej a'in. Ink'a' tatinkanab' toj reetal tinb'aanu li xinyeechi'i aawe”.

Deuteronomio 20:1

“Naq tatxik chi yalok rik'ineb' li xik' neke'ilok aawe ut taawileb' li xkawaay, eb' li b'eleb'aal ch'iich' ut eb' li k'iila tenamit jwal naab'aleb' chawu laa'at, matxiwak chiruheb', xb'aan naq aawochb'een li Qaawa' laaYos, a' li ki'isink chaq aawe sa' li tenamit Ejiipt.

Salmos 46:7

Neke'xmululi rib' li tenamit, ut eb' li awab'ej neke'po' chirib'ileb' rib'; ab'an naq li Yos na'aatinak chi kaw, na'eek'ank li ruuchich'och'.

Isaías 43:1

Anaqwan, jo'ka'in kixye li Qaawa', laj yoob'tesihom aawe, a Israel, laj winqob'resihom aawe, a Jakob: “Matxiwak xb'aan naq laa'in xatinkol; laa'in xink'ehok laak'ab'a', wehat chik.

Isaías 43:5

Matxiwak b'i', xb'aan naq wankin aawik'in. Sa' xjayal chaq releb'l saq'e toj sa' rokeb'l tink'ameb' chaq ut tinch'utub'eb' laawalal aak'ajol.

Jueces 6:14

Toja' naq li Qaawa' kixsutq'isi rib' ut kixye re: “Ayu ut rik'in laametz'ew taakoleb' laj Israel sa' ruq'eb' laj Madián. Ma maawa' tab'i' laa'in li nintaqlank aawe?”, chan.

2 Samuel 13:28

ut kixye reheb' laj k'anjel chiru: “Kawal wanqex. Naq sahaq xch'ool laj Amnón xb'aan li b'iin ut laa'in tinye eere: «Teekamsi», kamsihomaq chi maak'a'aq eexiw, xb'aan naq a'an eetaqlankil inb'aan. Kawaq b'i' eech'ool ut yo'oon wanqex”.

Hechos 4:19

A'ut laj Pedro ut laj Jwan ke'chaq'ok ut ke'xye: —K'oxlahomaq laa'ex k'aru us chiru li Yos: ma eepaab'ankil laa'ex malaj xpaab'ankil li Yos?

Deuteronomio 31:28

Ch'utub'omaq chiwu chixjunileb' li xcheekelal li kab'laju chi teep jo'wi' eb' laj nawonel chaq'rab', xb'aan naq ok we chi xq'axtesinkil reheb' li aatin a'in. Kutan saqenk chiru li choxach'och' naq rahilal te'xk'ul wi te'xq'etq'eti rib'eb'.

Deuteronomio 1:21

Chek'e reetal, li Qaawa' li qaYos xk'ehom sa' leeruq' li tenamit a'in. Ayuqex chi reechaninkil, kama' xyehom eere li Qaawa', xYoseb' leexe'toonal. Mexxiwak ut mich'inank eech'ool», chankin.

Josué 1:10

Toja' naq laj Josué kixb'oqeb' laj k'amol b'e sa' li tenamit ut kixye reheb':

Josué 1:17

Jo' naq koo'ab'ink chiru laj Moisés, too'ab'inq ajwi' chawu laa'at sa' chixjunil. Ka'ajwi' a'in naqatz'aama: naq wanq li Qaawa' aawik'in jo' naq kiwank rik'in laj Moisés.

Josué 8:1

Toja' naq li Qaawa' kixye re laj Josué: “Matxiwak chi moko chich'inanq aach'ool. K'ameb' chawix chixjunileb' laj puub'. Ayu chi yalok rik'ineb' laj Ay, xb'aan naq tinq'axtesi sa' laawuq' li awab'ej re Ay, jo'wi' li wankeb' rub'el xwankil, li xtenamit ut li xch'och'.

Josué 10:8

Ut li Qaawa' kixye re laj Josué: “Maaxiwa ruheb' xb'aan naq xink'eheb' sa' laawuq'; maajun reheb' truuq taakuyuq sa' aawuq'”, chan.

2 Crónicas 15:7

A'ut laa'ex mich'inank eech'ool ut kaw xaqxooqex, xb'aan naq wank xq'ajkamunkil leek'anjel”.

Isaías 41:10

Matxiwak, xb'aan naq wankin aawik'in; matk'oxlak xb'aan naq laa'in laaYos. Laa'in ninkawub'resink ut nintenq'ank aawe, kaw nakatinchap rik'in li wuq' li jwal kaw rib'.

Génesis 39:2

Li Qaawa' kixtenq'a laj José, ut a'in us ki'elk rik'in chixjunil naq wank sa' rochoch laj eechal re aj Ejiipt.

Génesis 39:3

A'in kixk'e reetal naq li Qaawa' wank rik'in laj José ut natenq'ank re, re naq us taa'elq rik'in chixjunil li naxb'aanu.

Deuteronomio 31:23

Chirix chik a'an kixchaq'rab'i laj Josué, ralal laj Nun, chi jo'ka'in: “Kawaq aach'ool ut matxiwak xb'aan naq laa'at tatk'amoq reheb' laj Israel sa' li ch'och' inyeechi'om reheb', ut laa'in wanqin aawik'in”, chan.

Josué 1:18

Yalaq ani taaq'etoq re laawaatin ut ink'a' tixpaab' laataqlahom sa' chixjunil, taakamsiiq. Li k'aru naqaj laa'o a'an a'in: naq kawaq aach'ool ut kaw xaqxooqat sa' laak'anjel”, chankeb'.

Josué 3:7

Toja' naq li Qaawa' kixye re laj Josué: “Chalen anaqwan tinnimob'resi laawankil chiruheb' chixjunil laj Israel. Chi jo'kan te'xnaw naq wankin aawik'in jo' naq kinwank rik'in laj Moisés.

Josué 6:27

Li Qaawa' kixtenq'a laj Josué, ut yalaq b'ar kiwulak resil li k'aru kixb'aanu.

Josué 10:25

“Mexxiwak -chan laj Josué reheb'- chi moko chich'inanq leech'ool; kawaq b'an leech'ool ut yalomaq eeq'e, xb'aan naq jo'ka'in tixb'aanu li Qaawa' rik'ineb' chixjunil li xik' neke'ilok eere”.

1 Samuel 10:7

Naq akaq xtz'aqlok ru chixjunil a'in, b'aanu li k'aru nakaweek'a naq us xb'aanunkil, xb'aan naq li Yos wank aawik'in.

1 Crónicas 28:20

Toja' naq laj David kixye re laj Salomón li ralal: “Kawaq aach'ool ut chayal aaq'e chi k'anjelak! Matxiwak ut mich'inank aach'ool, xb'aan naq li Qaawa' linYos wanq aawik'in. A'an ink'a' tatxkanab' chi moko tatxtz'eqtaana toj taaraqe'q chixjunil li k'anjel re xyiib'ankil li rochoch li Yos.

Isaías 8:12

“Meeye po'ok na'leb' re li neke'xk'e cho'q po'ok na'leb' li tenamit a'in -chan we- chi moko teexiwa ru li neke'xxiwa eb' a'an.

Daniel 10:19

Chirix chik a'an kixye we: «Matxiwak ut matk'oxlak. Saho'qat ut kawaq taxaq laach'ool: li Yos jwal nakatxra». “Ut naq toj yo chi aatinak wik'in, kikawuuk wi' chik linch'ool ut kinye re: «Aatinan, at inqaawa', xb'aan naq xak'e xkawub' linch'ool», chankin re.

Hageo 2:4

Ab'anan kawu laach'ool, a Sorobabel, chan li Qaawa'; kawu ajwi' laach'ool, a Josué, ralalat laj Josadak, li xyuwa'il laj tij. Ex tenamit sa' ruuchich'och', k'ehomaq eech'ool chi k'anjelak chejunilex, xb'aan naq wankin eerik'in, chan li Nimajwal Yos.

Hageo 2:5

Jo' naq kinye eere sa' jurament naq kexwisi chaq Ejiipt, linmusiq' na'ochb'eenink eere: mexxiwak!