Josué 1:6 - Q'eqchi Bible

⁶ Kaw xaqxooqat sa' laak'anjel ut matxiwak, xb'aan naq laa'at tatjek'oq re li ch'och' cho'q re li tenamit a'in, a' li ch'och' kinyeechi'i sa' jurament reheb' li xxe'toonil yuwa'eb'.

Li Santil hu

⁶ Cacuubresi a̱chꞌo̱l ut chicua̱nk a̱metzꞌe̱u xban nak la̱at tatjecꞌok re li naꞌajej aꞌin reheb laj Israel. Aꞌan aꞌin li naꞌajej li quinyechiꞌi reheb la̱ xeꞌto̱nil yucuaꞌ.

Josué 1:6 ပူးပေါင်းရင်းမြစ်များ

Daniel 10:19

Chirix chik a'an kixye we: «Matxiwak ut matk'oxlak. Saho'qat ut kawaq taxaq laach'ool: li Yos jwal nakatxra». “Ut naq toj yo chi aatinak wik'in, kikawuuk wi' chik linch'ool ut kinye re: «Aatinan, at inqaawa', xb'aan naq xak'e xkawub' linch'ool», chankin re.

Josué 1:9

Laa'in li yookin chi taqlank aawe. Yal aaq'e ut kawaq aach'ool. Matxiwak ut kaw xaqxooqat sa' laak'anjel, xb'aan naq li Qaawa' laaYos wanq aawik'in yalaq b'ar tatxik”, chan li Qaawa'.

Josué 1:7

Kawaq b'i' aach'ool ut chayal aaq'e chi xpaab'ankil chixjunil li chaq'rab' k'eeb'il aawe xb'aan laj Moisés aj k'anjel chiwu. Chapaab' chi tz'aqal re ru, re naq us tat-elq sa' chixjunil li taab'aanu.

Efesios 6:10

Sa' xraqik, kawub'resiiq leech'ool rik'in li xnimal xwankil li Qaawa'.

1 Corintios 16:13

Chexyo'leq, kaw xaqxooqex sa' li paab'ank, chexk'anjelaq jo' tz'aqal winq, kawaqex.

2 Timoteo 2:1

At walal, kawaq aach'ool sa' rusilal li Kristo Jesus,

1 Crónicas 28:10

Chak'e reetal naq li Qaawa' xsik'om aawu re naq taayiib' jun li ochoch li taawanq cho'q xloq'laj na'aj. Kawaq aach'ool ut chayal aaq'e chi k'anjelak!”, chan laj David.

1 Crónicas 22:13

Chixjunil taa'elq chi us, wi taapaab' li xchaq'rab' ut li xtaqlahom li Qaawa' yeeb'il re laj Moisés cho'q reheb' laj Israel. Kawaq aach'ool ut xaqxooqat chi kaw. Mich'inank aach'ool chi moko tatxiwaq!

Hageo 2:4

Ab'anan kawu laach'ool, a Sorobabel, chan li Qaawa'; kawu ajwi' laach'ool, a Josué, ralalat laj Josadak, li xyuwa'il laj tij. Ex tenamit sa' ruuchich'och', k'ehomaq eech'ool chi k'anjelak chejunilex, xb'aan naq wankin eerik'in, chan li Nimajwal Yos.

Salmos 27:14

K'ojk'ooq aawaanm rik'in li Qaawa', kawaq aach'ool ut chatkuyuq; k'ojk'ooq aawaanm rik'in li Qaawa' chi junelik!

Zacarías 8:9

“Jo'ka'in naxye li Nimajwal Yos: Kawaq leech'ool, laa'ex li xex'ab'ink re eb' li aatin a'in rik'ineb' li propeet, chalen naq kik'ojob'aak li rub'elankil li rochoch li Nimajwal Yos.

1 Reyes 2:2

“Chi seeb' tinq'ajq tinsutq'iiq, jo' neke'xk'ul chixjunileb'. Kawaq aach'ool ut wanqat jo' chaab'il winq.

Génesis 26:3

Wanqat jo' aj numel sa' li ch'och' a'in ut laa'in tatintenq'a ut tatwosob'tesi, xb'aan naq aawe ut reheb' laawalal aak'ajol tink'e chixjunil li na'ajej a'in, ut wank sa' inch'ool li jurament li kinb'aanu rik'in laj Abrahán laayuwa'.

1 Samuel 4:9

Kawaq eech'ool, ex aj Filistea, ut yalomaq chi kaw, re naq ink'a' texkanaaq rub'el xwankileb' laj Hebreo, jo' naq ke'wank eb' a'an rub'el qawankil laa'o. Winqaqex ut yalomaq!”.

Deuteronomio 31:23

Chirix chik a'an kixchaq'rab'i laj Josué, ralal laj Nun, chi jo'ka'in: “Kawaq aach'ool ut matxiwak xb'aan naq laa'at tatk'amoq reheb' laj Israel sa' li ch'och' inyeechi'om reheb', ut laa'in wanqin aawik'in”, chan.

Deuteronomio 1:21

Chek'e reetal, li Qaawa' li qaYos xk'ehom sa' leeruq' li tenamit a'in. Ayuqex chi reechaninkil, kama' xyehom eere li Qaawa', xYoseb' leexe'toonal. Mexxiwak ut mich'inank eech'ool», chankin.

Deuteronomio 11:8

“Chepaab' b'i' chixjunil li chaq'rab' nekexintaqla wi' anaqwan, re naq texkawuuq ut toxeereechani li ch'och' b'arwi' xik eere.

2 Samuel 10:12

Kawaq aach'ool ut qayalaq qaq'e sa' xk'ab'a' li qatenamit ut sa' xk'ab'a'eb' li xtenamit li qaYos. Ut li Qaawa' taxaq tixb'aanu li k'aru us chiru”.

Génesis 12:7

Aran li Qaawa' kixk'ut rib' chiru laj Abrán ut kixye re: “A'eb' laawalal aak'ajol tink'eheb' wi' li ch'och' a'in”. Toja' naq laj Abrán kixyiib' jun li artal re li Qaawa', xb'aan naq aran kixk'ut rib' chiru.

Números 26:53

“Sa' xyanqeb' a'an taajachi li ch'och' re te'reechani, jo' chanru xe'ajlamank.

Números 33:53

Teereechani li ch'och' ut aran texwanq, xb'aan naq laa'in xink'e chereechani chixjunil li na'ajej a'an.

Deuteronomio 1:8

Ilomaq: laa'in xinq'axtesi li ch'och' a'an sa' eeruq'. Ayuqex ut eechaniiq li na'ajej li kixyeechi'i li Qaawa' sa' jurament reheb' leexe'toonil yuwa' laj Abrahán, laj Isahak ut laj Jakob, jo'wi' reheb' li ralal xk'ajoleb'», chan li Qaawa'.

Josué 1:18

Yalaq ani taaq'etoq re laawaatin ut ink'a' tixpaab' laataqlahom sa' chixjunil, taakamsiiq. Li k'aru naqaj laa'o a'an a'in: naq kawaq aach'ool ut kaw xaqxooqat sa' laak'anjel”, chankeb'.

Josué 5:6

Chiru ka'k'aal chihab' ke'b'eek eb' laj Israel sa' li chaqich'och' toj reetal ke'kamk chixjunileb' li winq elenaqeb' chaq Ejiipt ut kaweb' rib' chi yalok. Ink'a' ke'ab'ink chiru li Qaawa' ut A'an kixye reheb' sa' jurament naq ink'a' te'ril li ch'och' k'ajo' xq'emal, yeechi'inb'il reheb' li xna' xyuwa'eb'.

Josué 10:25

“Mexxiwak -chan laj Josué reheb'- chi moko chich'inanq leech'ool; kawaq b'an leech'ool ut yalomaq eeq'e, xb'aan naq jo'ka'in tixb'aanu li Qaawa' rik'ineb' chixjunil li xik' neke'ilok eere”.

Josué 13:6

Laa'in twisi sa' li xna'ajeb' ut twaanilasi chiruheb' laj Israel eb' laj Sidón jo'wi' li jo'k'ihaleb' wankeb' sa' xyanqeb' li tzuul, chalen chaq Líbano toj Misrepot sa' xjayal rokeb'l saq'e. Laa'at taajek'i li ch'och' a'an reheb' laj Israel cho'q reechanihomeb', jo' inyehom aawe.

Josué 18:3

Jo'kan naq laj Josué kixye reheb' laj Israel: “Jo' najtil chik toj yooqex chi xb'ayb'al eerib' re xchapb'al li ch'och' ak xk'ehom eere li Qaawa', li xYos leexe'toonil yuwa'?

Josué 21:43

Li Qaawa' kixk'e reheb' laj Israel chixjunil li ch'och' li kixyeechi'i sa' jurament reheb' li xna' xyuwa'eb'. Ke'reechani ut ke'na'ajunk aran.

1 Crónicas 28:20

Toja' naq laj David kixye re laj Salomón li ralal: “Kawaq aach'ool ut chayal aaq'e chi k'anjelak! Matxiwak ut mich'inank aach'ool, xb'aan naq li Qaawa' linYos wanq aawik'in. A'an ink'a' tatxkanab' chi moko tatxtz'eqtaana toj taaraqe'q chixjunil li k'anjel re xyiib'ankil li rochoch li Yos.

2 Crónicas 15:7

A'ut laa'ex mich'inank eech'ool ut kaw xaqxooqex, xb'aan naq wank xq'ajkamunkil leek'anjel”.

2 Crónicas 20:7

At qaYos, laa'at kat-isink reheb' li wankeb' sa' li na'ajej a'in naq ke'ok arin eb' laj Israel laatenamit, ut kak'e chireechani chi junajwa re laj Abrahán laawamiiw.

2 Crónicas 20:11

K'e reetal chanru nokoohe'xq'ajkamu: xe'chalk chi qisinkil sa' li qana'aj aak'ehom qe!