Josué 1:5 - Q'eqchi Bible

⁵ Maa'ani truuq taanumtaaq sa' aab'een chiru chixjunil laayu'am. Jo' naq kinwank rik'in laj Moisés, jo'kan ajwi' naq wanqin aawik'in: ink'a' tatinkanab' aajunes chi moko tatintz'eq chirix linch'ool.

Li Santil hu

⁵ Ma̱ ani ta̱ru̱k ta̱numta̱k saꞌ a̱be̱n joꞌ najtil yoꞌyo̱kat xban nak la̱in cua̱nkin a̱cuiqꞌuin cha̱tenkꞌanquil joꞌ nak quintenkꞌa laj Moisés. Incꞌaꞌ tatincanab a̱junes. Cua̱nkin ban a̱cuiqꞌuin junelic.

Josué 1:5 ပူးပေါင်းရင်းမြစ်များ

Romanos 8:31

K'aru tqaye chirix a'an? Wi li Yos na'okenk chiqix, ani truuq twanq sa' xiik'ilal qik'in?

San Mateo 28:20

ut k'utumaq chiruheb' xpaab'ankil chixjunil li xexintaqla wi'. Chenawaq naq laa'in wanqin eerik'in chixjunil li kutan toj sa' roso'jik li ruuchich'och'.

Josué 1:9

Laa'in li yookin chi taqlank aawe. Yal aaq'e ut kawaq aach'ool. Matxiwak ut kaw xaqxooqat sa' laak'anjel, xb'aan naq li Qaawa' laaYos wanq aawik'in yalaq b'ar tatxik”, chan li Qaawa'.

Deuteronomio 20:4

xb'aan naq a' li Qaawa' leeYos eerochb'een chi xik chi yalok sa' eek'ab'a' rik'ineb' li xik' neke'ilok eere, ut relik chi yaal naq texxkol».

2 Timoteo 4:17

Ab'an li Qaawa' xoltenq'anq we ut xk'e xkawub' linch'ool re xpuktesinkil chi yaal li Aatin re naq xe'rab'i chixjunileb' li tenamit. Ut xinkole'k sa' re li kaqkoj.

Salmos 46:11

Ut xye: “Kanab'omaq yalok, chenawaq naq laa'in Yos, li nim inwankil sa' xb'eeneb' li tenamit, li nim inwankil junsut junrub'el choxa!”.

Hebreos 13:5

Mexrahink li b'ihomal, k'ojk'ooq b'an eech'ool rik'in li k'aru wank eere, xb'aan naq li Yos kixye: “Ink'a' tatinkanab' chi moko tatintz'eq chirix inch'ool”.

Josué 3:7

Toja' naq li Qaawa' kixye re laj Josué: “Chalen anaqwan tinnimob'resi laawankil chiruheb' chixjunil laj Israel. Chi jo'kan te'xnaw naq wankin aawik'in jo' naq kinwank rik'in laj Moisés.

Éxodo 3:12

Kichaq'ok li Yos ut kixye re: “Laa'in wanqin aawik'in ut a'inaq reetalil naq laa'in xintaqlank aawe: akaq xawisi chaq li tenamit aran Ejiipt, teeloq'oni wu sa' xb'een li tzuul a'in”.

Romanos 8:37

Ab'an chixjunil a'in naqaq'ax ru chi chaab'il sa' xk'ab'a' Li kirahok qe.

Josué 1:17

Jo' naq koo'ab'ink chiru laj Moisés, too'ab'inq ajwi' chawu laa'at sa' chixjunil. Ka'ajwi' a'in naqatz'aama: naq wanq li Qaawa' aawik'in jo' naq kiwank rik'in laj Moisés.

Deuteronomio 7:24

Tixq'axtesiheb' li awab'ej sa' laawuq' ut laa'at taasach li xk'ab'a'eb' junsut junrub'el choxa: maajun reheb' te'kuyuq sa' aawuq', toj reetal taasacheb' ru.

Josué 6:27

Li Qaawa' kixtenq'a laj Josué, ut yalaq b'ar kiwulak resil li k'aru kixb'aanu.

Deuteronomio 31:23

Chirix chik a'an kixchaq'rab'i laj Josué, ralal laj Nun, chi jo'ka'in: “Kawaq aach'ool ut matxiwak xb'aan naq laa'at tatk'amoq reheb' laj Israel sa' li ch'och' inyeechi'om reheb', ut laa'in wanqin aawik'in”, chan.

Deuteronomio 4:31

ink'a' texxkanab' eejunes chi moko texxsach chi junajwa, xb'aan naq li Qaawa' leeYos a'an jun Yos aj uxtaan, ut ink'a' taasachq sa' xch'ool li Sumwank kixk'ojob' rik'ineb' leena' leeyuwa'.

Josué 10:8

Ut li Qaawa' kixye re laj Josué: “Maaxiwa ruheb' xb'aan naq xink'eheb' sa' laawuq'; maajun reheb' truuq taakuyuq sa' aawuq'”, chan.

Jueces 2:18

Naq li Qaawa' naxwaklesi junaq aj k'amol b'e, A'an ajwi' natenq'ank re. Jo' najtil yo'yooq laj k'amol b'e, li Qaawa' naxkoleb' laj Israel sa' ruq'eb' li xik' neke'ilok reheb', xb'aan naq naxtoq'ob'a ruheb' li neke'tz'uyink xb'aaneb' laj rahob'tesinel li neke'numtaak sa' xb'eeneb'.

Jueces 6:16

Kixye li Qaawa' re: “Laa'in wanqin aawik'in ut laa'at taaq'axeb' ru laj Madián. Chanchanaqeb' jun chi winq naq taasacheb' ru”, chan.

1 Samuel 10:7

Naq akaq xtz'aqlok ru chixjunil a'in, b'aanu li k'aru nakaweek'a naq us xb'aanunkil, xb'aan naq li Yos wank aawik'in.

1 Reyes 1:37

Jo' naq li Qaawa' xwank aawik'in, at awab'ej, jo'kan taxaq naq chiwanq rik'in laj Salomón. Ut chixk'e taxaq chi nimank li xwankil chi q'axal yo'oon wi' chik chawu laa'at, at awab'ej!”.

1 Reyes 6:13

Tinwanq sa' xyanqeb' li ralal xk'ajol laj Israel ut ink'a' tinkanab'eb' lintenamit Israel”.

1 Reyes 8:57

“Chiwanq taxaq qik'in li Qaawa' li qaYos, jo' naq kiwank chaq rik'ineb' li qana' qayuwa'. Ink'a' taxaq tooxkanab' chi moko tooxtz'eqtaana,

1 Reyes 11:38

Wi taapaab' chixjunil li tinye aawe, wi tatwanq sa' xyaalal ut taab'aanu li tiikilal chiwu rik'in xpaab'ankil li waatin ut linchaq'rab' jo' kixb'aanu laj David laj k'anjel chiwu, laa'in wanqin aawik'in ut tinxaqab' laawankilal chi junajwa jo' naq kinb'aanu re laj David.

1 Crónicas 28:20

Toja' naq laj David kixye re laj Salomón li ralal: “Kawaq aach'ool ut chayal aaq'e chi k'anjelak! Matxiwak ut mich'inank aach'ool, xb'aan naq li Qaawa' linYos wanq aawik'in. A'an ink'a' tatxkanab' chi moko tatxtz'eqtaana toj taaraqe'q chixjunil li k'anjel re xyiib'ankil li rochoch li Yos.

Isaías 42:16

Tink'ameb' li mutz' sa' junaq b'e ink'a' numenaqeb' chisa', ut tinb'eresiheb' sa' junaq na'ajej b'arwi' toj maji' wanjenaqeb'. Chiruheb' a'an tinsutq'isi li aak'ab' cho'q saqenk, ut eb' li julux b'e te'kanaaq chi nat'anb'ak ru. Chixjunil li k'a'aq re ru a'in tinb'aanu; relik chi yaal naq tinb'aanu chi junpaat”, chan li Qaawa'.

Jeremías 1:8

Maaxiwa ruheb' li tenamit, xb'aan naq wankin aawik'in re aakolb'al. Laa'in, li Qaawa', ninye li waatin”.

Daniel 11:16

Li awab'ej re Siria tixb'aanu li k'aru taaraj xb'aanunkil, chi maajun taaruuq chi sumenk re; toxkanaaq sa' li xchaq'alil ru na'ajej ut taanumtaaq sa' xb'een.

Génesis 39:2

Li Qaawa' kixtenq'a laj José, ut a'in us ki'elk rik'in chixjunil naq wank sa' rochoch laj eechal re aj Ejiipt.

Deuteronomio 20:1

“Naq tatxik chi yalok rik'ineb' li xik' neke'ilok aawe ut taawileb' li xkawaay, eb' li b'eleb'aal ch'iich' ut eb' li k'iila tenamit jwal naab'aleb' chawu laa'at, matxiwak chiruheb', xb'aan naq aawochb'een li Qaawa' laaYos, a' li ki'isink chaq aawe sa' li tenamit Ejiipt.

Josué 21:44

Li Qaawa' kixk'e tuqtuukilal sa' chixjunil li xsutameb', jo' chanru yeeb'il sa' jurament reheb' li xna' xyuwa'eb', ut maajun reheb' li xik' neke'ilok reheb' kiruhank chi kuyuk sa' ruq'eb': chixjunileb' laj rahob'tesinel ke'q'axtesiik sa' ruq'eb' laj Israel.