Jonás 4:8 - Q'eqchi Bible

⁸ ut naq ki'elk chaq li saq'e, li Yos kixtaqla chaq jun tiqwal iq'. K'ajo' naq kitawasiik laj Jonás xb'aan xtiqwal li saq'e: kichalk xlub'ik ut kixpatz' li xkamik: “Q'axal us li kamk cho'q we chiru naq yo'yooqin”, chan.

Li Santil hu

⁸ Ut nak quitikcuoꞌ li sakꞌe, li Dios quixtakla chak jun li tikcual ikꞌ yo̱ chi cha̱lc saꞌ releb sakꞌe. Ut laj Jonás quicꞌateꞌ xban li sakꞌe ut quichal xlubic. Qui-oc xtzꞌa̱manquil xcamic ut quixye: —Kꞌaxal us raj chokꞌ cue li ca̱mc chiru nak yoꞌyo̱kin arin saꞌ ruchichꞌochꞌ, chan.

Jonás 4:8 ပူးပေါင်းရင်းမြစ်များ

Jonás 4:3

Jo'kan, at Qaawa', nintz'aama chawu naq isi linyu'am sa' li ruuchich'och'. Q'axal us naq tinkamq chiru naq yo'yooqin”, chan laj Jonás.

Ezequiel 19:12

Ab'anan kimich'e'k sa' josq'il, ut t'ant'o kikanaak chiru ch'och'. Kichaqik xb'aan xtiqwal li iq', ut ke't'ane'k eb' li ru; ke'chaqik li xkawil uq' ut ke'kutmank sa' xam.

Salmos 121:6

Maak'a' tixb'aanu aawe li saq'e chi kutan, chi moko li po chiru li q'oqyink.

Apocalipsis 7:16

Ink'a' chik te'tz'okaaq chi moko te'chaqiq chik reheb'; ink'a' chik te'kete'q xb'aan li saq'e chi moko xb'aan xtiqwal chixjunil k'a'aq re ru.

Apocalipsis 3:19

«Laa'in chixjunileb' li nekeb'inra, nekeb'inq'us ut nekeb'intij. K'e b'i' aach'ool ut jal aak'a'uxl.

Isaías 49:10

“Ink'a' te'tz'okaaq chi moko te'chaqiq re; ink'a' te'k'ate'q xb'aan li tiqwal iq' chi moko xb'aan xtiqwal li saq'e. Xb'aan naq Li na'uxtaanank ruheb' tixk'am xb'eheb' toj wan wi' li yu'amha'.

Jonás 1:17

Li Qaawa' ak xkawresihom jun nimla kar re tixnuq' laj Jonás, ut a'in kiwank sa' xsa' li nimla kar chiru oxib' kutan ut oxib' q'oqyink.

Jonás 1:4

Ab'an li Qaawa' kixwaklesi jun kawil iq' chiru li palaw, ut kiwakliik jun kaqsut-iq' li kach'in chik maa kixjuk' li jukub'.

Cantares 1:6

Meek'e reetal naq q'eqin: a' li saq'e xk'atok re lintib'el. Eb' li ralal xk'ajol linna' xe'josq'o'k wik'in ut xine'xk'e chi xk'aak'alenkil li awimq uub', ab'an li wawimq laa'in, lin'uub', ink'a' xink'aak'ale.

Salmos 39:9

Chakuy chasach chixjunil linmaak, minaak'e chi se'eek xb'aaneb' li maak'a'eb' xna'leb'.

Li xHu LAJ JOB 2:10

Ab'an laj Job kixsume: —At ixq, nakat-aatinak jo' junaq jip. Wi naqak'ul li us taqlanb'il chaq xb'aan li Yos, k'a' naq ink'a' ajwi' tqak'ul li ra? chan laj Job. Rik'in chixjunil li rahilal kixk'ul, ink'a' kimaakob'k laj Job ut maak'a' ink'a' us kixye chirix li Yos.

1 Samuel 3:18

Toja' naq laj Samuel kixseeraq'i re chixjunil chi maak'a' kixmuq, ut laj Elí kixye: “A'an li Qaawa'. Chixb'aanuuq li k'aru us chiru”.

Levítico 10:3

Chirix chik a'an laj Moisés kixye re laj Aharón: “A'an a'in li kixye li Qaawa': «Eb' li te'jiloq chaq wik'in tink'ut chiruheb' linsantilal, ut chiruheb' chixjunil laj Israel tink'ut linloq'al»”. Ut laj Aharón kikanaak chi maak'a' chik kixye.

San Mateo 20:12

«Eb' a'in li xe'ok moqon jun k'amok ajwi' xe'k'anjelak, ut xajuntaq'eetaheb' qik'in laa'o li xqarahila li kutan ut xqakuy xtiqwal li saq'e», chankeb'.

1 Reyes 19:4

Chirix chik a'an jun kutan kib'eek xjunes sa' li chaqich'och', toj reetal kiwulak ut kihilank rub'el jun toon chi che'. Aran q'axal kixrahi li kamk ut kixye: “Tz'aqalaq li rahilal a'in, at Qaawa'! Us raj wi tinaak'e chi kamk xb'aan naq moko jwal chaab'ilin ta chiruheb' linxe'toonil yuwa'!”, chan.

Oseas 13:15

Us ta laj Efraín taa'atz'umaq jo' li pim, taachalq li tiqwal iq' sa' xjayal releb'l saq'e; taawakliiq chaq sa' li chaqich'och' ut tixchaqihob'resi chixjunileb' li yu'amha' jo'wi' eb' li releb'aal li ha'. Ut taamaq'e'q chixjunil li xb'ihomal jo' ajwi' jo'nimal jwal chaab'il li wank re.

Jonás 4:9

Toja' naq li Yos kixpatz' re laj Jonás: “Ma us naq nakatjosq'o'k sa' xk'ab'a' naq xchaqik li jun toon chi che'kenq'?”, chan re. Kichaq'ok laj Jonás ut kixye: “Us ninb'aanu naq ninjosq'o'k. Wank xyaalal naq ninpo'k toj reetal nawaj raj kamk!”.

Génesis 41:6

Ak te'eelunq chaq wuqub' chik chi och sipotz'eb' ut chaqiheb' xb'aan li tiqwal iq', ke'yo'laak moqon chik chirixeb' li xb'een;

1 Reyes 21:4

K'ajo' xrahil xch'ool laj Ajab naq koho sa' rochoch, yo xjosq'il xb'aan naq laj Nabot aj Jisrehel kixye re naq ink'a' tixk'e li na'ajej kireechani rik'in li xyuwa'. Kixsotob' rib' sa' li xch'aat, kixb'alq'usi rib' chiru li tz'ak ut maak'a' kiraj xtzekankil.

Li xHu LAJ JOB 7:15

Q'axal us raj cho'q we li kamk chi yatz'b'il; jwal us li kamk chiru chixjunil linrahilal.

Eclesiastés 7:9

Matjosq'o'k sa' junpaat, xb'aan naq li josq'il wank sa' xch'ooleb' li jipeb'.