Jonás 3:6 - Q'eqchi Bible

⁶ Naq li awab'ej re Nínive kirab'i resil a'an, ki'elk sa' li xk'ojarib'aal, kirisi li xchaab'il aq' chirix ut kixk'e xq'esnal ru t'ikr chirix; toja' naq kixchunub' rib' sa' cha.

Li Santil hu

⁶ Nak quicuulac resil riqꞌuin li rey li ta̱cꞌulma̱nk saꞌ li tenamit Nínive, li rey quicuacli saꞌ lix cꞌojariba̱l. Quirisi li cha̱bil akꞌ chirix ut quixqꞌue li tꞌicr kꞌes ru chirix ut quixchunub rib saꞌ cha.

Jonás 3:6 ပူးပေါင်းရင်းမြစ်များ

Daniel 9:3

Kintijok chiru li Qaawa', kintz'aamank ut kin'elajink rik'in ayuunik ut xb'atb'al wib' sa' q'es ruhil t'ikr, ut kink'ojob' wib' sa' cha.

Li xHu LAJ JOB 2:8

Jo'kan naq laj Job koxk'ojlaaq sa' li cha ut kixchap xk'aj uk'al re xjochjochinkil rib'.

San Lucas 10:13

“Ra chaalel sa' aab'een, at Korasín! Ra chaalel sa' aab'een, at Betsaida! Xb'aan naq wi ta aran Tiro ut Sidón kilaj'uxmank li sachb'ach'oolej li xe'uxk sa' eeyanq, ak junxil raj neke'xjal xk'a'uxl, xe'xtiqib' raj rib' rik'in q'es ruhil t'ikr ut xe'chunlaak raj sa' cha.

San Mateo 11:21

“Ra chaalel sa' aab'een, at Korasín! Ra chaalel sa' aab'een, at Betsaida! Xb'aan naq wi ta aran Tiro ut Sidón kilaj'uxmank li sachb'ach'oolej li xe'uxk sa' eeyanq, ak junxil raj neke'xjal xk'a'uxl, xe'xtiqib' raj rib' rik'in q'es ruhil t'ikr ut xe'xk'e raj cha sa' xb'eeneb'.

Jeremías 6:26

Ex intenamit, b'atomaq eerib' sa' q'es ruhil t'ikr ut tolk'osiiq eerib' sa' li cha. Japomaq eere chi yaab'ak, tz'uyinqex chi q'axal ra sa' leech'ool, jo' na'uxk tz'uyink chirix li alab'ej junaj chirib'il, xb'aan naq ak chi seeb' chaq li taasachoq qe.

Jeremías 13:18

“Ye re li awab'ej ut re li xna': «Kub'sihomaq leewankil ut chunlanqex sa' ch'och', xb'aan naq maak'a' chik leekoroon li na'uutz'u'ujink re leejolom».

Miqueas 1:10

Meeseeraq'i a'in reheb' li wankeb' Gat, ut mex'ok chi yaab'ak. Tolk'osiiq eerib' sa' pojtz' xb'aan xrahil leech'ool aran Bet-Lehafrá.

Lamentaciones 3:29

Tento tixkub'si xwankil toj toxrutz' li ch'och': mare anchal toj twanq royb'enihom.

Li xHu LAJ JOB 42:6

Jo'kan naq naraho'k ut nayot'e'k linch'ool; sa' li pojtz' ut cha tintoj rix linmaak”.

Isaías 15:3

Xe'xk'e q'es ruhil t'ikr chirixeb'; sa'eb' li k'ayiil ut sa' xb'eeneb' li ochoch chixjunileb' jiiq' wi' xch'ooleb' chi yaab'ak.

Jeremías 36:24

Ab'anan li awab'ej ut eb' laj jolominel tenamit ink'a' b'ayaq ke'xiwak chi moko ke'xq'ich li raq'eb' naq ke'rab'i chixjunileb' li aatin a'an.

Lamentaciones 2:10

Chunchuukeb' sa' ch'och' eb' li cheekel winq aj Sión, ch'anch'ookeb' aj chik; xe'xk'ehatq cha sa' xjolomeb' ut xe'xb'at rib' sa' saak. Ut eb' li tuq'ixq aj Jerusalén neke'xxulub' li xjolomeb' toj chiru ch'och'.

Ezequiel 26:16

Chixjunileb' li x'awab'ej eb' li tenamit wankeb' sa' sutha', te'elje'q sa' xk'ojarib'aaleb', te'risi li xb'atb'aleb' chirixeb' ut te'xkanab' li raq'eb' uutz'u'ujinb'il ru. K'ajo'aq xxiweb' naq te'xk'ojob' rib' chiru ch'och'; siksootqeb' ut sachsooqeb' xch'ool xb'aaneb' xxiw chawilb'al.

1 Reyes 21:27

Naq laj Ajab kirab'i a'in, kixq'ich li raq', kixlan rib' sa' saak ut ink'a' chik kiwa'ak. Nawark chi wank li saak chirix ut naxulnak aj chik nab'eek.

Jeremías 36:13

Laj Mikeas kixseeraq'i reheb' chixjunileb' li aatin wank sa' li b'otb'ookil hu kixyaab'asi laj Baruk sa' xxikeb' li tenamit.