Jonás 1:9 - Q'eqchi Bible

⁹ Kichaq'ok laj Jonás ut kixye: “Laa'in aj Hebreo, ut ninloq'oni ru li Qaawa', li xYos li choxa, laj Yoob'tesihom re li palaw ut li ruuchich'och'”, chan.

Li Santil hu

⁹ Quichakꞌoc ut quixye reheb: —La̱in jun aj hebreo ut ninxucua ru li Ka̱cuaꞌ Dios li cuan saꞌ choxa, li quiyi̱ban re li palau ut li ruchichꞌochꞌ, chan.

Jonás 1:9 ပူးပေါင်းရင်းမြစ်များ

Nehemías 9:6

Toja' naq laj Esdras kixye: “At Qaawa', ka'jat wi' li Yos! Laa'at katyiib'ank re li xnimal li choxa ut chixjunileb' li chahim. Laa'at aj Winqob'resihom re li choxach'och' ut chixjunil li wank chisa'; laa'at katyiib'ank re li palaw ut jo'ch'inal jo'nimal yo'yo sa' xchamal. Laa'at xyo'leb'aal li yu'am; jo'kan naq nakate'xloq'on eb' li chahim sa' choxa.

Salmos 136:26

Chexyoxinq chiru li Qaawa', li xYos li choxa, li xnimal xrahom wank chi junelik!

Nehemías 1:4

Naq kiwab'i a'in, kink'ojlaak ut kin'ok chi yaab'ak. Ut chiru wiib' oxib' kutan q'axal kiraho'k sa' inch'ool, kin'ayuunik ut kintijok chiru li choxahil Yos.

Esdras 1:2

“Jo'ka'in xye laj Siro, awab'ej re Persia: Li Qaawa', li xYos li choxa, xk'e rub'el linwankil chixjunileb' li tenamit sa' ruuchich'och'. Ut a'an xchaq'rab'ink we naq tinkab'la jun rochoch aran Jerusalén, sa' xteepal Judá.

2 Reyes 17:28

Toja' naq jun reheb' laj tij li ke'isiik Samaria, koho chi wank aran Betel ut kixk'ut chiruheb' chanru xloq'oninkil li Qaawa'.

2 Reyes 17:25

Ab'an naq eb' li poyanam a'an ke'xtikib' wank Samaria, ink'a' ke'xloq'oni li Qaawa'; jo'kan naq li Qaawa' kixtaqlaheb' chaq li kaqkoj sa' xyanqeb' chi xkamsinkileb'.

Génesis 14:13

Ab'anan jun reheb' li ke'elelik kulxye resil re laj Abrán, a' laj Hebreo, li wank wan wi' li ji re Mambré aj Amor, ras laj Eskol ut laj Aner: eb' a'in wankeb' chi sum'aatin rik'in laj Abrán.

Apocalipsis 16:11

ke'xmajewa li xYos li choxa xb'aan li rahilal ut eb' li xox, ab'an ink'a' ke'xjal xk'a'uxeb' chirix li xb'aanuhomeb'.

Apocalipsis 15:4

Ani ink'a' tixxiwa ut ink'a' tixnima ru laak'ab'a', at Qaawa'? Xb'aan naq ka'jat wi' laa'at santat, ut chixjunileb' li tenamit talaje'chalq ut te'xhupub' rib' chawe chawu, xb'aan naq xe'kanaak chi kutankil laaninqal k'a'uxl”.

Apocalipsis 11:13

Sa' ajwi' li honal a'an kiwank jun li nimla hiik: li xlaje jachal li tenamit ki'uq'e'k, ut ke'kamk wuqub' mil chi winq xb'aan li hiik; ut eb' li ink'a' ke'kamk, ke'xnima xloq'al li Yos wank sa' choxa chi k'ajo'eb' xxiw.

Filipenses 3:5

Kink'ul li sirkunsisyon sa' xwaqxaq li kutan; laa'in aj Israel sa' xtepaal laj Benjamín, laa'in aj Hebreo kama'eb' ajwi' linna' linyuwa'; rik'in xpaab'ankil li Chaq'rab', laa'in aj Pariseey.

Hechos 27:23

Xb'aan naq chiru li q'oqyink a'in xk'ut rib' chiwu jun li ánjel taqlanb'il chaq xb'aan li Yos li ninloq'oni laa'in ut aj eechal we,

Hechos 14:15

—Ex qamiiw, k'a'ut naq nekeb'aanu a'in? Laa'o yal winqo ajwi', juntaq'eeto eerik'in laa'ex. Wanko arin chi xyeeb'al eere li chaab'il esilal a'in: naq chekanab'aq a k'a'aq re ru a'in li maak'a' xyaalal ut cheq'axtesi eerib' re li yo'yookil Yos li kib'aanunk re li choxach'och', li palaw ut chixjunil li wankeb' chisa'.

Oseas 3:5

Ab'anan taawulaq xq'ehil naq eb' laj Israel te'sutq'iiq chaq. Tole'xsik' li Qaawa', li xYoseb', jo' ajwi' laj David, li x'awab'ejeb'. Sa' roso'jikeb' li kutan te'chalq chi siksootqeb' chiru li Qaawa' ut te'xyal wi' chik li rusilal.

Daniel 2:44

“Chiru li xyu'amileb' li awab'ej a'an, li xYos li choxa tixwaklesi chaq jun awab'ejihom li maajun wa taajuk'manq, chi moko taakanaaq rub'el xwankil jalan chik tenamit. Tixjuk'i ut tixputz'iheb' li awab'ejihom junch'ol, ut a'an wanq xwankil chi junelik.

Li xHu LAJ JOB 1:9

Laj tza kixsume li Qaawa': —Ma maak'a' rajb'al naq laj Job naxxiwa aawu?

Nehemías 2:4

Kixye li awab'ej: “K'aru taawaj tinb'aanu?”. Toja' naq kinyaab'a xk'ab'a' li choxahil Yos

Esdras 5:11

“A'an a'in li xoohe'xsume wi': «Laa'o aj k'anjelo chiru li xYos li choxa. Yooko chi xkab'lankil wi' chik li loq'laj ochoch li kiyiib'aak junxil xb'aan jun xnimal ru awab'ej re Israel.

Génesis 39:14

kixjap re chi xb'oqb'aleb' laj k'anjel chiru ut kixye reheb': “Ilomaq! Linb'eelom xk'am chaq qik'in jun aj Hebreo yal re xk'utb'al qaxutaan. Xchalk arin re wark wik'in, a'ut laa'in xinjap we,

Éxodo 1:15

Li awab'ej re Ejiipt kiraatinaheb' ajwi' li ixq aj xokol xk'uula'aleb' laj Hebreo: xSifrá xk'ab'a' li jun ut li jun chik xPuhá.

Éxodo 2:13

Ki'elk wi' chik sa' li kutan jun chik ut kiril wiib' aj hebreo yookeb' chi pleetik; ut kixye re li wank xmaak: “K'a' naq yookat chi xsak'b'al laawech winqilal?”, chan.

Génesis 1:10

Li Yos “ch'och'” kixk'e cho'q xk'ab'a' li chaqi ru, ut “palaw” cho'q xk'ab'a' li ha' li kijunajo'k ru. Naq li Yos kiril naq us a'an,

Génesis 24:7

Li Qaawa', li xYos li choxa, li ki'isink chaq we sa' rochoch linyuwa' ut sa' lintenamit, kinraatina ut kixye we rik'in jurament: «A'eb' laawalal tink'e wi' li na'ajej a'in». Ut a'an tixtaqla li x'ánjel k'amolb'ehaq chawu re naq aran taak'am chaq rixaqil li walal.