Jonás 1:5 - Q'eqchi Bible

⁵ K'ajo' naq kichalk xxiweb' laj b'eresinel re li jukub', ut li junjunq ki'ok chi tijok chiru li xyos. Chirix chik a'an ke'xkuti chi ha' li k'a'aq re ru reheb' re xseeb'ob'resinkil li riiq li jukub'. Ab'an laj Jonás kox'okaq sa' xyanqeb' li iiq, taq'a, sa' li jukub', ut sa xwara aran.

Li Santil hu

⁵ Cꞌajoꞌ nak queꞌxucuac eb laj cꞌamol re li jucub ut chi xjunju̱nkaleb queꞌoc xya̱banquil xcꞌabaꞌ lix dioseb. Queꞌrisi li i̱k ut queꞌxcut saꞌ li palau re nak ta̱jebk li ra̱lal li jucub. Abanan laj Jonás toj chi saꞌ li nimla jucub cuan ut aran sa yo̱ chi cua̱rc.

Jonás 1:5 ပူးပေါင်းရင်းမြစ်များ

1 Reyes 18:26

Ke'xchap li saaj wakax li kik'eemank reheb', ke'xk'uub' ut ke'xyaab'a xk'ab'a' laj Bahal chalen eq'la toj wa'leb': “At Bahal, choohaawab'i chaq!”, chankeb' naq yookeb' chi piitzank chi xk'atq li artal ke'xyiib'. Ab'an maajun kisumenk chaq reheb'.

Jeremías 2:28

B'ar wankeb' laayos li xayiib' rik'ineb' laawuq', a Judá? K'ajo'eb' laayos, chanchan xk'ihaleb' laatenamit! Chalqeb' b'i' a'an re rilb'al ma te'ruuq chakolb'al naq wanqat sa' rahilal.

Isaías 45:20

“Ch'utub'omaq eerib' ut kimqex wik'in; jilonqex chink'atq jo'k'ihalex li ink'a' xsache'k eeru sa'atqeb' li tenamit. Maak'a'eb' xna'leb' li neke'b'eresink li che'ilyos, ut neke'elajink chiru junaq yos li ink'a' nakolok.

1 Samuel 24:3

Naq kiwulak sa' jun li na'ajej neke'ch'utlaak wi' eb' li karneer chire li b'e, laj Saúl kixk'e reetal naq aran wank jun li ochoch pek, ut ki'ok aran chi b'ehib'k. Laj David ut eb' li rochb'een wankeb' chaq toj chisa' li ochoch pek.

Jueces 16:19

Lix Dalila kixwartesi laj Sansón chiru ra', ut kixb'oq jun li winq chi xsetb'al xwuqichal li xtz'ulb'il rismal xjolom. Tikto ki'ok chi kotzk li xmetz'ew ut ki'elk chixjunil li xkawilal li roq ruq'.

Hechos 27:38

Ut naq ak ke'k'ojlaak xch'ool, ke'ok chi xjeb'b'al riiq li jukub' rik'in xkutb'al li triiw sa' palaw.

San Mateo 26:45

Toja' naq kisutq'iik rik'ineb' li xtzolom ut kixye reheb': —Warinqex ut hilanqex wan. K'ehomaq reetal, xtaw xhonalil naq li K'ajolb'ej taaq'axtesiiq sa' ruq'eb' laj maak.

San Mateo 26:43

Ut naq kisutq'iik chaq, kixtaweb' wi' chik chi wark xb'aan naq k'ajo'eb' li xwara sa' ruheb'.

San Mateo 25:5

Naq kib'ayk chaq li b'eelomej, ke'chalk xwara, ke'ok chi xiiqank chixjunileb' ut ke'kub'eek xwara.

Jonás 1:16

Ut eb' li winq a'an naq ke'ril li xk'ulmank, ke'xpaab' li Qaawa' chi anchaleb' xch'ool, ke'mayejak chiru ut wank k'a'aq chik ru ke'xyeechi'i re.

Jonás 1:14

Toja' naq ke'tijok chiru li Qaawa' ut ke'xye: “At Qaawa', moohaakanab' chi kamk xb'aan li winq a'in. Ut wi maak'a' xmaak, maak'e li xkamik sa' qab'een, xb'aan naq laa'at, at Qaawa', nakatraqok aatin jo' naxk'ul laach'ool”.

Jonás 1:6

Toja' naq laj eechal re li jukub' kinach'ok wan wi' laj Jonás ut kixye re: “K'a'ut naq yookat chi wark arin? Waklin ut tijon chiru laaYos. Mare anchal taaruxtaana qu ut ink'a' tooxkanab' chi oso'k”.

Oseas 7:14

Moko anchaleb' ta xch'ool naq neke'tz'aamank chiwu naq yookeb' chi tz'uyink chiru li xch'aateb'. Yal re xtz'aamankil li triiw ut li b'iin naq neke'xlet'exi li xtib'eleb'. Chi jo'kan xe'xq'etq'eti rib' chiwu.

Li xHu LAJ JOB 2:4

Laj tza kixsume li Qaawa': —Naq toj maji' narahob'tesiik junaq winq, us yo chi elk chixjunil. Li winq kawal wank chi xq'axtesinkil chixjunil, re xkolb'al li xyu'am.

Salmos 107:25

Ki'aatinak, ut kichalk jun kawil iq' li kixwaklesi li xkaw oq li palaw.

Salmos 148:8

laa'ex xam ut saqb'ach, ratz'amke ut k'ajob', laa'at kaqsut-iq' li nakak'anjela ru li xchaq'rab',

Eclesiastés 3:6

Wank xq'ehil li sik'ok, ut wank xq'ehil li sachok. Wank xq'ehil li xokok, ut wank xq'ehil li tz'eqok.