Jonás 1:14 - Q'eqchi Bible

¹⁴ Toja' naq ke'tijok chiru li Qaawa' ut ke'xye: “At Qaawa', moohaakanab' chi kamk xb'aan li winq a'in. Ut wi maak'a' xmaak, maak'e li xkamik sa' qab'een, xb'aan naq laa'at, at Qaawa', nakatraqok aatin jo' naxk'ul laach'ool”.

Li Santil hu

¹⁴ Tojoꞌnak queꞌtijoc ut queꞌxtzꞌa̱ma xtenkꞌanquil chiru li Ka̱cuaꞌ Dios ut queꞌxye: —At nimajcual Dios, moa̱qꞌue taxak chi ca̱mc xma̱c a cui̱nk aꞌin. Ut ma̱qꞌue taxak saꞌ kabe̱n lix camic xban nak la̱at, at Dios, xaba̱nu li cꞌaꞌru xacuaj, chanqueb.

Jonás 1:14 ပူးပေါင်းရင်းမြစ်များ

Salmos 115:3

Li qaYos wank sa' choxa; jo'nimal li naraj xb'aanunkil, nalajxb'aanu.

Salmos 135:6

Jo'nimal li nawulak chiru xb'aanunkil, naxb'aanu junsut junrub'el choxa, sa'atqeb' li palaw ut sa' chixjunileb' xchamal li ha'.

Deuteronomio 21:8

At Qaawa', chakuy xmaakeb' laatenamit Israel li xakoleb' rix, ut maak'e taxaq sa' qab'een li xkamik li winq a'in li maak'a' xmaak», cha'qeb'. Chi jo'kan te'kanaaq chi kolb'ileb' rix chiru li kik' a'an,

Efesios 1:11

Sa' xk'ab'a' ajwi' li Kriist kooxaqab'aak chaq chi eechanink, sik'b'il chaq qu chi junxilaj jo' chanru ki'alaak sa' xch'ool li Yos li nab'aanunk re chixjunil, a' yaal chanru li xk'a'uxl ut li rajom,

Salmos 107:28

Ab'an sa' xyot'ikeb' xch'ool ke'xpatz' xk'ab'a' li Qaawa', ut ke'kole'k chiru li xch'a'ajkilaleb'.

San Mateo 11:26

Yaal, at inYuwa', xb'aan naq jo'kan xwulak chawu.

Jonás 1:16

Ut eb' li winq a'an naq ke'ril li xk'ulmank, ke'xpaab' li Qaawa' chi anchaleb' xch'ool, ke'mayejak chiru ut wank k'a'aq chik ru ke'xyeechi'i re.

Jonás 1:5

K'ajo' naq kichalk xxiweb' laj b'eresinel re li jukub', ut li junjunq ki'ok chi tijok chiru li xyos. Chirix chik a'an ke'xkuti chi ha' li k'a'aq re ru reheb' re xseeb'ob'resinkil li riiq li jukub'. Ab'an laj Jonás kox'okaq sa' xyanqeb' li iiq, taq'a, sa' li jukub', ut sa xwara aran.

Efesios 1:9

Kixk'e chiqanaw li xmuqmuukil na'leb', li ki'alaak sa' xch'ool ut kixk'uub' sa' xk'ab'a' li Kriist,

Hechos 28:4

Eb' laj aran naq ke'ril li xul t'uyt'u chi ruq' laj Pablo, ut ke'xye chirib'ileb' rib': “Ch'olch'o naq li winq a'in a'an aj kamsinel ras riitz'in: xkol chaq rib' sa' li palaw, ab'an li Choxahil Tiikilal ink'a' naxkanab' chi yo'yo”.

Isaías 26:16

At Qaawa', xatqasik' naq yooko chi k'uluk rahilal ut ink'a' chik naqakuy li qarahob'tesinkil aab'aan.

Génesis 9:6

“Li tixkamsi junaq winq, taakamsiiq ajwi' a'an xb'aan jalan chik, xb'aan naq jo' xjalam u li Yos naq kiyoob'tesiik li winq.

Jonás 1:13

Eb' laj b'eresinel jukub' ke'xyal xq'e chi xk'amb'al li jukub' chi ch'och'el, ab'an ink'a' ke'ruhank xb'aan naq k'ajo' xkawil roq li palaw.

Jonás 3:8

“Tiqib'omaq eerib' rik'in q'es ruhil t'ikr jo' reetalil li rahil ch'oolejil; tiqib'omaq ajwi' eb' li xul chi jo'kan. Ut kaw tz'aamanqex chiru li Yos. Li junjunq xkanab'aq xb'aanunkil li xmaa'usilal ut li raaxiik' naxb'aanu toj anaqwan.