Joel 3:9 - Q'eqchi Bible

⁹ Yehomaq resil a'in sa' chixjunileb' li tenamit: Kawresihomaq eerib' chi yalok sa' xk'ab'a' li Qaawa', ch'utub'omaqeb' li jwal kaweb' rib'; chalqeb' chixjunileb' li yo'oon wankeb' chi yalok.

Li Santil hu

⁹ Yehomak resil chi joꞌcaꞌin reheb chixjunileb li tenamit: Cauresihomak e̱rib chi pletic. Te̱bokeb li cauheb rib. Cheꞌcha̱lk chixjunileb li cui̱nk chi pletic.

Joel 3:9 ပူးပေါင်းရင်းမြစ်များ

Ezequiel 38:7

Kawresi aawib' ut yo'oon wanqat, laa'at jo' ajwi' chixjunileb' laj puub' li wankeb' aawik'in; ut k'amon b'e chiruheb' a'an.

Jeremías 31:10

“Ex xninqal ru tenamit, ab'ihomaq li raatin li Qaawa' ut yehomaq resil toj chi najt, sa'atqeb' li na'ajej wankeb' chire li palaw: «Li xcha'cha'ink reheb' laj Israel, tixch'utub'eb' wi' chik ut taarileb' jo' naq laj k'aak'alenel ketomq narileb' li xkarneer».

Miqueas 3:5

A'an a'in xyehom li Qaawa' reheb' li propeet li neke'b'alaq'ink re lintenamit: tuqtuukilal neke'xtz'aama sa' xb'eeneb' li neke'k'ehok reheb' chi wa'ak, ab'an eb' li ink'a' neke'xk'eheb' chi tzekank neke'xtz'aama rahilal sa' xb'eeneb':

Jeremías 50:2

“Yehomaq ut puktesihomaq li esil a'in sa'eb' li tenamit; k'ehomaq chi nawe'k ut mik'a' eemuq: «Xchapmank li tenamit Babilonia! Xkanaak sa' xutaan li yos Bel ut nasiksotk li yos Marduk xb'aan xxiw. Maak'a' chik na'ok wi' eb' li xjalanil yos, xlaje'sache'k chixjunileb'».

Isaías 34:1

Jilonqex chaq, ex tenamit, ut ab'ihomaq; k'ehomaq reetal chi us, ex poyanam. Ab'in, at ruuchich'och' ut chixjunil li wank chisa'; k'e reetal, at choxach'och' jo'wi' chixjunil li nayo'laak chiru.

Salmos 96:10

Yehomaq reheb' li poyanam: “Li Qaawa' na'awab'ejink!”. Kixk'ojob' sa' xna'aj li ruuchich'och', ut maajaruj taa'eek'anq. A'an na'awab'ejink reheb' li tenamit sa' xyaalal.

Jeremías 6:4

“Kawresihomaq eerib' chi yalok rik'in Jerusalén -cha'qeb'-. Waklinqex ut yo'qeb' chi yalok rik'ineb' tuqtu wa'leb'! Ab'anan q'axal toq'ob' qu xb'aan naq ak yo chi ewuuk, ok re li q'oqyink.

Jeremías 51:11

Q'esnaaq ru'uj leesimaj ut kawresihomaq leech'iich' li nekekol wi' re leech'ool. Li Qaawa' xtoch' chaq li xch'ooleb' li awab'ej re Media re naq te'chalq chi xsachb'al ru Babilonia. A'an a'in li reeqaj tixb'aanu li Qaawa' naq ke'xjuk' li xsantil ochoch.

Jeremías 51:27

“Taqsihomaq li eetalil re li yalok sa' chixjunil li ruuchich'och' ut yaab'asihomaq li pur sa'atqeb' li tenamit. Kawresihomaqeb' li poyanam re yalok rik'ineb' laj Babilonia. Ch'utub'omaqeb' li awab'ej re Ararat, Miní ut Askenas; xaqab'omaq junaq li taak'amoq b'e chi yalok. Taqlahomaqeb' li kawaay chi uub'ej jo'kaqeb' li josq' aj saak'.

Ezequiel 38:17

«Laa'in, li Qaawa', ninye chi jo'ka'in: Ma maawa' tab'i' laa'at li kinye chaq junxil naq kin'aatinak chi xtz'uumal reheb' linpropeet re Israel, aj k'anjeleb' chiwu? Chiru k'iila chihab' eb' a'an ke'xye resil chi junxilaj naq laa'in tatintaqla chaq chi yalok rik'ineb' laj Israel».

Hageo 2:7

ut tweek'asi xch'ooleb' chixjunil li tenamit. Toja' naq chixjunileb' a'an te'xk'amatq chaq li xb'ihomaleb' ut taanujaq li ochoch a'in rik'in linloq'al, chan li Nimajwal Yos.

Zacarías 14:2

Sa' li kutan a'an laa'in tinch'utub'eb' chixjunil li tenamit re naq te'yaloq rik'in Jerusalén. Ut taa'eechaniiq li tenamit, taayamtesimanq xsa' eb' li ochoch, te'maakoniiq eb' li ixq, ut jun yiijacheb' li tenamit te'k'ame'q sa' najtil na'ajej. Yal jun ch'ina ch'uut aj chik te'kanaaq.

Zacarías 14:3

Toja' naq li Qaawa' taa'elq chaq chi junpaat chi yalok rik'ineb' li poyanam a'an, jo' naxb'aanu chaq sa' xq'ehil li yalok.