Joel 3:8 - Q'eqchi Bible

⁸ Tink'ayi eb' leeralal eek'ajol reheb' laj Judá, ut eb' a'an te'xk'ayi reheb' laj Sabá li najtil tenamit”, chan li Qaawa' Yos.

Li Santil hu

⁸ La̱in tincꞌayi le̱ ralal e̱cꞌajol reheb laj Judá ut aꞌaneb chic teꞌcꞌayi̱nk reheb riqꞌuineb laj sabeo ut teꞌcꞌamekꞌ chi najt saꞌ jalan tenamit. La̱in li nimajcual Dios xinyehoc re aꞌin, chan.

Joel 3:8 ပူးပေါင်းရင်းမြစ်များ

Isaías 60:14

Eb' li ralal xk'ajoleb' li xe'rahob'tesink aawe te'chalq chi k'utzk'uuqeb', ut chixjunileb' li xe'majewank aawe tole'xwiq'ib' rib' chawoq ut te'xye aawe: «Xtenamit li Qaawa'», «Sión, xtenamit li xSant laj Israel».

Li xHu LAJ JOB 1:15

naq sa' junpaat xule'okaq eb' laj Sabá chi maak'a' sa' qach'ool, ut xe'relq'a chixjunil laaketomq. Xe'xkamsi ajwi' chi ch'iich' chixjunileb' laj k'anjel chawu. Ka'ajin wi' xinruuk chaq chi elelik re xyeeb'al resil aawe.

Jueces 2:14

Jo'kan naq li Qaawa' kichalk xjosq'il sa' xb'eeneb' laj Israel. Kixq'axtesiheb' sa' ruq'eb' laj elq' li ke'maq'ok chixjunil li k'aru wank reheb', kixk'ayeb' sa' ruq'eb' li xik' neke'ilok reheb', li wankeb' chi nach', ut ink'a' chik ke'xkuy xkolb'aleb' rib' chiruheb'.

Ezequiel 23:42

Aran ki'ab'imank xyaab' xkuxeb' li yookeb' chi ninq'ehik; a'aneb' li winq ke'chalk chaq sa' li chaqich'och', yookeb' chi uk'ak b'iin ut neke'k'ehok xsahob' ru ruq'eb' li ixq ut neke'xk'ehatq chaab'il koroon chi xjolomeb'.

Jeremías 6:20

K'aru na'ok wi' we li k'ajpom re Sabá ut li sununkil b'an chalenaq sa' najtil tenamit? Laa'in ink'a' nawulak chiwu leek'atb'il mayej chi moko naxk'ul wu li k'a'aq chik ru nekeyeechi'i we”.

Jueces 4:9

“Us b'i', tinxik chawix -chan lix Débora-. Ka'jan, maawa' laa'at taak'ehe'q aaloq'al sa' li nimla yalok tiklaak re anaqwan, xb'aan naq li Qaawa' tixq'axtesi laj Sísara sa' ruq' jun li ixq”. Toja' naq kixaqliik lix Débora ut koho rochb'een laj Barak aran Kadés.

Jueces 4:2

jo'kan naq li Qaawa' kixq'axtesiheb' sa' ruq' laj Jabín, awab'ej re Kanahán, li yo chi awab'ejink aran Jasor. Li xjolomil chixjunileb' laj puub', a'an laj Sísara, li nawank sa' li na'ajej Jaróset-Hakohín.

Deuteronomio 32:30

Chanru naq jun chi winq xraanilasiheb' lajeek'aal rox o'q'ob' (1,000) chi winq, ut wiib' chi winq xe'raanilasiheb' k'iila o'q'ob'? Ma ink'a' tab'i' xb'aan naq li Qaawa', laj Ilol reheb', kixkanab'eb' xjuneseb' ut kixq'axtesiheb' sa' ruq' li xik' na'ilok reheb'?

Salmos 72:10

Eb' li awab'ej re Tarsis ut li wankeb' sa' xyi li palaw che'xk'ameb' chaq xsimaatan. Eb' li awab'ej re Sabá ut Sebá che'xk'e xtojeb'.

Jeremías 30:16

Ab'anan te'sache'q ru jo'k'ihaleb' li neke'rahob'tesink aawe, ut chixjunileb' li xik' neke'ilok aawe te'xik chi preexil. Taa'elq'aaq chixjunil li k'a'aq re ru reheb' li xe'elq'ank aawe; ut eb' li xe'maq'ok k'a'aq re ru aawe, taamaq'manq ajwi' chiruheb' li k'aru reheb'.

Ezequiel 38:13

Eb' laj Sabá ut aj Dedán, eb' laj yakonel re Tarsis ut chixjunileb' li junch'ol chik te'xpatz' aawe: Ma xatchalk chi elq'ak? Ma xach'utub'eb' chaq laasoldaad re elq'ak ut reechaninkil li plaat, li oor, eb' li ketomq ut chixjunil li k'a'aq re ru, re xk'amb'al chawix li k'iila b'ihomal? cha'qeb' aawe».