Joel 3:5 - Q'eqchi Bible

⁵ Laa'ex xerelq'a linplaat ut lin'oor, ut xek'am linchaq'alil ru eechej sa'eb' leetijob'aal;

Li Santil hu

⁵ La̱ex querelkꞌa lin plata ut querelkꞌa lin oro. Li cꞌaꞌru kꞌaxal lokꞌ chicuu, la̱ex quecꞌam ut queqꞌue saꞌ xnaꞌajeb le̱ dios.

Joel 3:5 ပူးပေါင်းရင်းမြစ်များ

2 Reyes 24:13

Chirix chik a'an laj Nabukodonosor kixxok chixjunil li k'a'aq re ru q'axal terto xtz'aq sa' rochoch li Qaawa'; kixk'am ajwi' li terto xtz'aq li wank sa' rochoch li awab'ej ut kixjuk' chixjunil li oor xyiib'ahom laj Salomón, awab'ej re Israel, re xsahob'resinkil ru li rochoch li Qaawa', jo' kiyehe'k chi junxilaj xb'aan li Yos.

2 Reyes 16:8

Laj Ajás kixxok li plaat ut li oor wank sa' rochoch li Qaawa' ut li wank sa' xk'uuleb'aal li awab'ej, ut kixtaqla jo' maatan cho'q re li awab'ej re Asiria,

2 Reyes 12:18

Toja' naq laj Johás, awab'ej re Judá, kixxok chixjunil li k'a'aq ru q'axal loq' mayejanb'il xb'aaneb' li xxe'toonil yuwa': a' laj Josafat, laj Jorán ut laj Okosías, awab'ej re Judá. Kixxok ajwi' chixjunil li kixmayeja ajwi' a'an ut chixjunil li oor wank sa' rochoch li Qaawa' ut sa' rochoch li awab'ej, ut kixtaqla re laj Jasahel, awab'ej re Aram, ut chi jo'kan laj Jasahel ink'a' chik kiyalok rik'in Jerusalén.

Daniel 11:38

Tixloq'oni ru li yos nak'aak'alenk reheb' li kawub'resinb'il ochoch; rik'in oor, plaat, lemtz'il q'ol ut tertookil pek tixterq'usi xloq'al li yos a'an, li maajun wa rilomeb' ru li xna' xyuwa'.

Jeremías 51:11

Q'esnaaq ru'uj leesimaj ut kawresihomaq leech'iich' li nekekol wi' re leech'ool. Li Qaawa' xtoch' chaq li xch'ooleb' li awab'ej re Media re naq te'chalq chi xsachb'al ru Babilonia. A'an a'in li reeqaj tixb'aanu li Qaawa' naq ke'xjuk' li xsantil ochoch.

Jeremías 50:28

Ab'ihomaqeb' li xe'elelik chaq Babilonia, yookeb' chi xyeeb'al resil sa' li tenamit Jerusalén naq li Qaawa' li qaYos xreeqaju li xsachik li xsantil ochoch.

Isaías 11:11

Chiru ajwi' li kutan a'an li Qaawa' tixk'ut li xnimal xwankil re xkolb'al li rela' li xtenamit: taarisiheb' chaq aran Asiria ut Ejiipt, Patros, Etiopía, Elam, Senahar, Jamat ut sa'eb' li na'ajej sutsuukeb' xb'aan li palaw.

Jeremías 23:7

“Taawulaq xkutankil -chan li Qaawa'- naq ink'a' chik taayeemanq jurament sa' xk'ab'a' li Qaawa' li ki'isink chaq reheb' laj Israel sa' li tenamit Ejiipt,

Ezequiel 37:12

Jo'kan naq aatinaheb' ut ye reheb': «Jo'ka'in xye li Qaawa': Ex intenamit, ok we chi xteeb'al eb' li muqleb'aal wankex wi', texwisi chisa' ut texink'am chaq wi' chik sa' xteepal Israel.

Abdías 1:17

Ab'anan li tzuul Sión a'anaq li santil na'ajej b'arwi' te'xik chi muqlek eb' li xe'elelik. Eb' li ralal xk'ajol laj Jakob te'reechani wi' chik li xch'och'eb'.